৮. সংসট্ঠৱাৰো

৩৫১. সম্মুখাৱিনযোতি ৱা সতিৱিনযোতি ৱা – ইমে ধম্মা সংসট্ঠা উদাহু ৱিসংসট্ঠা? লব্ভা চ পনিমেসং ধম্মানং ৱিনিব্ভুজিত্ৱা ৱিনিব্ভুজিত্ৱা নানাকৰণং পঞ্ঞাপেতুং? সম্মুখাৱিনযোতি ৱা অমূড়্হৱিনযোতি ৱা…পে… সম্মুখাৱিনযোতি ৱা পটিঞ্ঞাতকৰণন্তি ৱা… সম্মুখাৱিনযোতি ৱা যেভুয্যসিকাতি ৱা… সম্মুখাৱিনযোতি ৱা তস্সপাপিযসিকাতি ৱা… সম্মুখাৱিনযোতি ৱা তিণৱত্থাৰকোতি – ইমে ধম্মা সংসট্ঠা উদাহু ৱিসংসট্ঠা? লব্ভা চ পনিমেসং ধম্মানং ৱিনিব্ভুজিত্ৱা ৱিনিব্ভুজিত্ৱা নানাকৰণং পঞ্ঞাপেতুং?

সম্মুখাৱিনযোতি ৱা সতিৱিনযোতি ৱা – ইমে ধম্মা সংসট্ঠা, নো ৱিসংসট্ঠা; ন চ লব্ভা ইমেসং ধম্মানং ৱিনিব্ভুজিত্ৱা ৱিনিব্ভুজিত্ৱা নানাকৰণং পঞ্ঞাপেতুং. সম্মুখাৱিনযোতি ৱা অমূড়্হৱিনযোতি ৱা…পে… সম্মুখাৱিনযোতি ৱা পটিঞ্ঞাতকৰণন্তি ৱা… সম্মুখাৱিনযোতি ৱা যেভুয্যসিকাতি ৱা… সম্মুখাৱিনযোতি ৱা তস্সপাপিযসিকাতি ৱা… সম্মুখাৱিনযোতি ৱা তিণৱত্থাৰকোতি ৱা – ইমে ধম্মা সংসট্ঠা, নো ৱিসংসট্ঠা; ন চ লব্ভা ইমেসং ধম্মানং ৱিনিব্ভুজিত্ৱা ৱিনিব্ভুজিত্ৱা নানাকৰণং পঞ্ঞাপেতুং.