উপোসথাদিপুচ্ছাৱিস্সজ্জনা

আদিমজ্ঝন্তপুচ্ছনং

৩৩২. উপোসথকম্মস্স কো আদি, কিং মজ্ঝে, কিং পৰিযোসানং? পৱাৰণাকম্মস্স কো আদি, কিং মজ্ঝে, কিং পৰিযোসানং? তজ্জনীযকম্মস্স কো আদি, কিং মজ্ঝে, কিং পৰিযোসানং? নিযস্সকম্মস্স…পে… পব্বাজনীযকম্মস্স…পে… পটিসাৰণীযকম্মস্স…পে… উক্খেপনীযকম্মস্স…পে… পৰিৱাসদানস্স…পে… মূলাযপটিকস্সনায…পে… মানত্তদানস্স…পে… অব্ভানস্স…পে… উপসম্পদাকম্মস্স কো আদি, কিং মজ্ঝে, কিং পৰিযোসানং? তজ্জনীযকম্মস্স পটিপ্পস্সদ্ধিযা কো আদি, কিং মজ্ঝে, কিং পৰিযোসানং? নিযস্সকম্মস্স পটিপ্পস্সদ্ধিযা কো আদি, কিং মজ্ঝে, কিং পৰিযোসানং? পব্বাজনীযকম্মস্স পটিপ্পস্সদ্ধিযা কো আদি, কিং মজ্ঝে, কিং পৰিযোসানং? পটিসাৰণীযকম্মস্স পটিপ্পস্সদ্ধিযা কো আদি, কিং মজ্ঝে, কিং পৰিযোসানং? উক্খেপনীযকম্মস্স পটিপ্পস্সদ্ধিযা কো আদি, কিং মজ্ঝে, কিং পৰিযোসানং? সতিৱিনযস্স কো আদি, কিং মজ্জে, কিং পৰিযোসানং? অমূড়্হৱিনযস্স কো আদি, কিং মজ্ঝে, কিং পৰিযোসানং? তস্সপাপিযসিকায কো আদি, কিং মজ্ঝে, কিং পৰিযোসানং? তিণৱত্থাৰকস্স কো আদি, কিং মজ্ঝে, কিং পৰিযোসানং? ভিক্খুনোৱাদকসম্মুতিযা কো আদি, কিং মজ্ঝে, কিং পৰিযোসানং? তিচীৱৰেন অৱিপ্পৱাসসম্মুতিযা কো আদি, কিং মজ্ঝে, কিং পৰিযোসানং? সন্থতসম্মুতিযা কো আদি, কিং মজ্ঝে, কিং পৰিযোসানং? ৰূপিযছড্ডকসম্মুতিযা কো আদি, কিং মজ্ঝে, কিং পৰিযোসানং? সাটিযগ্গাহাপকসম্মুতিযো কো আদি, কিং মজ্ঝে, কিং পৰিযোসানং? পত্তগ্গাহাপকসম্মুতিযা কো আদি, কিং মজ্ঝে, কিং পৰিযোসানং? দণ্ডসম্মুতিযা কো আদি, কিং মজ্ঝে, কিং পৰিযোসানং? সিক্কাসম্মুতিযা কো আদি, কিং মজ্ঝে, কিং পৰিযোসানং? দণ্ডসিক্কাসম্মুতিযা কো আদি, কিং মজ্ঝে, কিং পৰিযোসানং?

আদিমজ্ঝন্তৱিস্সজ্জনা

৩৩৩. উপোসথকম্মস্স কো আদি, কিং মজ্ঝে, কিং পৰিযোসানন্তি? উপোসথকম্মস্স সামগ্গী আদি, কিৰিযা মজ্ঝে, নিট্ঠানং পৰিযোসানং.

পৱাৰণাকম্মস্স কো আদি, কিং মজ্ঝে, কিং পৰিযোসানন্তি? পৱাৰণাকম্মস্স সামগ্গী আদি, কিৰিযা মজ্ঝে, নিট্ঠানং পৰিযোসানং.

তজ্জনীযকম্মস্স কো আদি, কিং মজ্ঝে, কিং পৰিযোসানন্তি? তজ্জনীযকম্মস্স ৱত্থু চ পুগ্গলো চ আদি, ঞত্তি মজ্ঝে, কম্মৱাচা পৰিযোসানং.

নিযস্সকম্মস্স…পে… পব্বাজনীযকম্মস্স…পে… পটিসাৰণীযকম্মস্স…পে… উক্খেপনীযকম্মস্স…পে… পৰিৱাসদানস্স…পে… মূলাযপটিকস্সনায…পে… মানত্তদানস্স…পে… অব্ভানস্স কো আদি, কিং মজ্ঝে, কিং পৰিযোসানন্তি? অব্ভানস্স ৱত্থু চ পুগ্গলো চ আদি, ঞত্তি মজ্ঝে, কম্মৱাচা পৰিযোসানং.

উপসম্পদাকম্মস্স কো আদি, কিং মজ্ঝে, কিং পৰিযোসানন্তি? উপসম্পদাকম্মস্স পুগ্গলো আদি, ঞত্তি মজ্ঝে, কম্মৱাচা পৰিযোসানং.

তজ্জনীযকম্মস্স পটিপ্পস্সদ্ধিযা কো আদি, কিং মজ্ঝে, কিং পৰিযোসানন্তি? তজ্জনীযকম্মস্স পটিপ্পস্সদ্ধিযা সম্মাৱত্তনা আদি, ঞত্তি মজ্ঝে, কম্মৱাচা পৰিযোসানং.

নিযস্সকম্মস্স…পে… পব্বাজনীযকম্মস্স…পে… পটিসাৰণীযকম্মস্স…পে… উক্খেপনীযকম্মস্স পটিপ্পস্সদ্ধিযা কো আদি, কিং মজ্ঝে, কিং পৰিযোসানন্তি? উক্খেপনীযকম্মস্স পটিপ্পস্সদ্ধিযা সম্মাৱত্তনা আদি, ঞত্তি মজ্ঝে, কম্মৱাচা পৰিযোসানং.

সতিৱিনযস্স কো আদি, কিং মজ্ঝে, কিং পৰিযোসানন্তি? সতিৱিনযস্স ৱত্থু চ পুগ্গলো চ আদি, ঞত্তি মজ্ঝে, কম্মৱাচা পৰিযোসানং.

অমূড়্হৱিনযস্স …পে… তস্সপাপিযসিকায…পে… তিণৱত্থাৰকস্স…পে… ভিক্খুনোৱাদকসম্মুতিযা…পে… তিচীৱৰেন অৱিপ্পৱাসসম্মুতিযা…পে… সন্থতসম্মুতিযা…পে… ৰূপিযছড্ডকসম্মুতিযা…পে… সাটিযগ্গাহাপকসম্মুতিযা…পে… পত্তগ্গাহাপকসম্মুতিযা…পে… দণ্ডসম্মুতিযা…পে… সিক্কাসম্মুতিযা…পে… দণ্ডসিক্কাসম্মুতিযা কো আদি, কিং মজ্ঝে, কিং পৰিযোসানন্তি? দণ্ডসিক্কাসম্মুতিযা ৱত্থু চ পুগ্গলো চ আদি, ঞত্তি মজ্ঝে, কম্মৱাচা পৰিযোসানং.

উপোসথাদিপুচ্ছাৱিস্সজ্জনা নিট্ঠিতা.