৫. নৱসঙ্গহৱগ্গো

৫০১. নৱসঙ্গহা – ৱত্থুসঙ্গহো, ৱিপত্তিসঙ্গহো আপত্তিসঙ্গহো, নিদানসঙ্গহো, পুগ্গলসঙ্গহো, খন্ধসঙ্গহো, সমুট্ঠানসঙ্গহো, অধিকৰণসঙ্গহো, সমথসঙ্গহোতি.

অধিকৰণে সমুপ্পন্নে সচে উভো অত্থপচ্চত্থিকা আগচ্ছন্তি উভিন্নম্পি ৱত্থু আৰোচাপেতব্বং. উভিন্নম্পি ৱত্থু আৰোচাপেত্ৱা উভিন্নম্পি পটিঞ্ঞা সোতব্বা. উভিন্নম্পি পটিঞ্ঞং সুত্ৱা উভোপি ৱত্তব্বা – ‘‘অম্হাকং ইমস্মিং অধিকৰণে ৱূপসমিতে [ৱূপসমেপি (ক.)] উভোপি তুট্ঠা ভৱিস্সথা’’তি. সচে আহংসু – ‘‘উভোপি তুট্ঠা ভৱিস্সামা’’তি, সঙ্ঘেন তং অধিকৰণং সম্পটিচ্ছিতব্বং. সচে অলজ্জুস্সন্না হোতি, পৰিসা উব্বাহিকায ৱূপসমেতব্বং. সচে বালুস্সন্না হোতি, পৰিসা ৱিনযধৰো পৰিযেসিতব্বো যেন ধম্মেন যেন ৱিনযেন যেন সত্থুসাসনেন তং অধিকৰণং ৱূপসম্মতি. তথা তং অধিকৰণং ৱূপসমেতব্বং.

ৱত্থু জানিতব্বং, গোত্তং জানিতব্বং, নামং জানিতব্বং, আপত্তি জানিতব্বা.

মেথুনধম্মোতি ৱত্থু চেৱ গোত্তঞ্চ – পাৰাজিকন্তি নামঞ্চেৱ আপত্তি চ.

অদিন্নাদানন্তি ৱত্থু চেৱ গোত্তঞ্চ – পাৰাজিকন্তি নামঞ্চেৱ আপত্তি চ.

মনুস্সৱিগ্গহোতি ৱত্থু চেৱ গোত্তঞ্চ – পাৰাজিকন্তি নামঞ্চেৱ আপত্তি চ.

উত্তৰিমনুস্সধম্মোতি ৱত্থু চেৱ গোত্তঞ্চ – পাৰাজিকন্তি নামঞ্চেৱ আপত্তি চ.

সুক্কৱিস্সট্ঠীতি ৱত্থু চেৱ গোত্তঞ্চ – সঙ্ঘাদিসেসোতি নামঞ্চেৱ আপত্তি চ.

কাযসংসগ্গোতি ৱত্থু চেৱ গোত্তঞ্চ – সঙ্ঘাদিসেসোতি নামঞ্চেৱ আপত্তি চ.

দুট্ঠুল্লৱাচাতি ৱত্থু চেৱ গোত্তঞ্চ – সঙ্ঘাদিসেসোতি নামঞ্চেৱ আপত্তি চ.

অত্তকামন্তি ৱত্থু চেৱ গোত্তঞ্চ – সঙ্ঘাদিসেসোতি নামঞ্চেৱ আপত্তি চ.

সঞ্চৰিত্তন্তি ৱত্থু চেৱ গোত্তঞ্চ – সঙ্ঘাদিসেসোতি নামঞ্চেৱ আপত্তি চ.

সঞ্ঞাচিকায কুটিং কাৰাপনন্তি ৱত্থু চেৱ গোত্তঞ্চ – সঙ্ঘাদিসেসোতি নামঞ্চেৱ আপত্তি চ.

মহল্লকং ৱিহাৰং কাৰাপনন্তি ৱত্থু চেৱ গোত্তঞ্চ – সঙ্ঘাদিসেসোতি নামঞ্চেৱ আপত্তি চ.

ভিক্খুং অমূলকেন পাৰাজিকেন ধম্মেন অনুদ্ধংসনন্তি ৱত্থু চেৱ গোত্তঞ্চ – সঙ্ঘাদিসেসোতি নামঞ্চেৱ আপত্তি চ.

ভিক্খুং অঞ্ঞভাগিযস্স অধিকৰণস্স কিঞ্চি দেসং লেসমত্তং উপাদায পাৰাজিকেন ধম্মেন অনুদ্ধংসনন্তি ৱত্থু চেৱ গোত্তঞ্চ – সঙ্ঘাদিসেসোতি নামঞ্চেৱ আপত্তি চ.

সঙ্ঘভেদকস্স ভিক্খুনো যাৱততিযং সমনুভাসনায ন পটিনিস্সজ্জনন্তি ৱত্থু চেৱ গোত্তঞ্চ – সঙ্ঘাদিসেসোতি নামঞ্চেৱ আপত্তি চ.

ভেদকানুৱত্তকানং ভিক্খূনং যাৱততিযং সমনুভাসনায ন পটিনিস্সজ্জনন্তি ৱত্থু চেৱ গোত্তঞ্চ – সঙ্ঘাদিসেসোতি নামঞ্চেৱ আপত্তি চ.

দুব্বচস্স ভিক্খুনো যাৱততিযং সমনুভাসনায ন পটিনিস্সজ্জনন্তি ৱত্থু চেৱ গোত্তঞ্চ – সঙ্ঘাদিসেসোতি নামঞ্চেৱ আপত্তি চ.

কুলদূসকস্স ভিক্খুনো যাৱততিযং সমনুভাসনায ন পটিনিস্সজ্জনন্তি ৱত্থু চেৱ গোত্তঞ্চ – সঙ্ঘাদিসেসোতি নামঞ্চেৱ আপত্তি চ…পে….

অনাদৰিযং পটিচ্চ উদকে উচ্চাৰং ৱা পস্সাৱং ৱা খেড়ং ৱা কৰণন্তি ৱত্থু চেৱ গোত্তঞ্চ – দুক্কটন্তি নামঞ্চেৱ আপত্তি চাতি.

নৱসঙ্গহৱগ্গো নিট্ঠিতো পঞ্চমো.