২. অত্থৱসৱগ্গো

৪৯৮. [অ. নি. ২.২০১-২৩০] দ্ৱে অত্থৱসে পটিচ্চ তথাগতেন সাৱকানং সিক্খাপদং পঞ্ঞত্তং. সঙ্ঘসুট্ঠুতায, সঙ্ঘফাসুতায – ইমে দ্ৱে অত্থৱসে পটিচ্চ তথাগতেন সাৱকানং সিক্খাপদং পঞ্ঞত্তং. দ্ৱে অত্থৱসে পটিচ্চ তথাগতেন সাৱকানং সিক্খাপদং পঞ্ঞত্তং. দুম্মঙ্কূনং পুগ্গলানং নিগ্গহায, পেসলানং ভিক্খূনং ফাসুৱিহাৰায – ইমে দ্ৱে অত্থৱসে পটিচ্চ তথাগতে সাৱকানং সিক্খাপদং পঞ্ঞত্তং. দ্ৱে অত্থৱসে পটিচ্চ তথাগতেন সাৱকানং সিক্খাপদং পঞ্ঞত্তং. দিট্ঠধম্মিকানং আসৱানং সংৱৰায, সম্পৰাযিকানং আসৱানং পটিঘাতায – ইমে দ্ৱে অত্থৱসে পটিচ্চ তথাগতেন সাৱকানং সিক্খাপদং পঞ্ঞত্তং. দ্ৱে অত্থৱসে পটিচ্চ তথাগতেন সাৱকানং সিক্খাপদং পঞ্ঞত্তং. দিট্ঠধম্মিকানং ৱেৰানং সংৱৰায, সম্পৰাযিকানং ৱেৰানং পটিঘাতায – ইমে দ্ৱে অত্থৱসে পটিচ্চ তথাগতেন সাৱকানং সিক্খাপদং পঞ্ঞত্তং. দ্ৱে অত্থৱসে পটিচ্চ তথাগতেন সাৱকানং সিক্খাপদং পঞ্ঞত্তং. দিট্ঠধম্মিকানং ৱজ্জানং সংৱৰায, সম্পৰাযিকানং ৱজ্জানং পটিঘাতায – ইমে দ্ৱে অত্থৱসে পটিচ্চ তথাগতেন সাৱকানং সিক্খাপদং পঞ্ঞত্তং. দ্ৱে অত্থৱসে পটিচ্চ তথাগতেন সাৱকানং সিক্খাপদং পঞ্ঞত্তং. দিট্ঠধম্মিকানং ভযানং সংৱৰায, সম্পৰাযিকানং ভযানং পটিঘাতায – ইমে দ্ৱে অত্থৱসে পটিচ্চ তথাগতেন সাৱকানং সিক্খাপদং পঞ্ঞত্তং. দ্ৱে অত্থৱসে পটিচ্চ তথাগতেন সাৱকানং সিক্খাপদং পঞ্ঞত্তং. দিট্ঠধম্মিকানং অকুসলানং ধম্মানং সংৱৰায, সম্পৰাযিকানং অকুসলানং ধম্মানং পটিঘাতায – ইমে দ্ৱে অত্থৱসে পটিচ্চ তথাগতেন সাৱকানং সিক্খাপদং পঞ্ঞত্তং. দ্ৱে অত্থৱসে পটিচ্চ তথাগতেন সাৱকানং সিক্খাপদং পঞ্ঞত্তং. গিহীনং অনুকম্পায, পাপিচ্ছানং পক্খুপচ্ছেদায – ইমে দ্ৱে অত্থৱসে পটিচ্চ তথাগতেন সাৱকানং সিক্খাপদং পঞ্ঞত্তং. দ্ৱে অত্থৱসে পটিচ্চ তথাগতেন সাৱকানং সিক্খাপদং পঞ্ঞত্তং. অপ্পসন্নানং পসাদায, পসন্নানং ভিয্যোভাৱায – ইমে দ্ৱে অত্থৱসে পটিচ্চ তথাগতেন সাৱকানং সিক্খাপদং পঞ্ঞত্তং. দ্ৱে অত্থৱসে পটিচ্চ তথাগতেন সাৱকানং সিক্খাপদং পঞ্ঞত্তং. সদ্ধম্মট্ঠিতিযা, ৱিনযানুগ্গহায – ইমে দ্ৱে অত্থৱসে পটিচ্চ তথাগতেন সাৱকানং সিক্খাপদং পঞ্ঞত্তং.

অত্থৱসৱগ্গো নিট্ঠিতো দুতিযো.