১. পৰিমণ্ডলৱগ্গো

১৭৫. অনাদৰিযং পটিচ্চ পুৰতো ৱা পচ্ছতো ৱা ওলম্বেন্তো নিৱাসেন্তো কতি আপত্তিযো আপজ্জতি? অনাদৰিযং পটিচ্চ পুৰতো ৱা পচ্ছতো ৱা ওলম্বেন্তো নিৱাসেন্তো একং আপত্তিং আপজ্জতি. দুক্কটং – অনাদৰিযং পটিচ্চ পুৰতো ৱা পচ্ছতো ৱা ওলম্বেন্তো নিৱাসেন্তো ইমং একং আপত্তিং আপজ্জতি.

…অনাদৰিযং পটিচ্চ পুৰতো ৱা পচ্ছতো ৱা ওলম্বেন্তো পাৰুপন্তো একং আপত্তিং আপজ্জতি. দুক্কটং….

…অনাদৰিযং পটিচ্চ কাযং ৱিৱৰিত্ৱা অন্তৰঘৰে গচ্ছন্তো একং আপত্তিং আপজ্জতি. দুক্কটং….

…অনাদৰিযং পটিচ্চ কাযং ৱিৱৰিত্ৱা অন্তৰঘৰে নিসীদন্তো একং আপত্তিং আপজ্জতি. দুক্কটং….

…অনাদৰিযং পটিচ্চ হত্থং ৱা পাদং ৱা কীড়াপেন্তো অন্তৰঘৰে গচ্ছন্তো একং আপত্তিং আপজ্জতি. দুক্কটং….

…অনাদৰিযং পটিচ্চ হত্থং ৱা পাদং ৱা কীড়াপেন্তো অন্তৰঘৰে নিসীদন্তো একং আপত্তিং আপজ্জতি. দুক্কটং….

…অনাদৰিযং পটিচ্চ তহং তহং ওলোকেন্তো অন্তৰঘৰে গচ্ছন্তো একং আপত্তিং আপজ্জতি. দুক্কটং….

…অনাদৰিযং পটিচ্চ তহং তহং ওলোকেন্তো অন্তৰঘৰে নিসীদন্তো একং আপত্তিং আপজ্জতি. দুক্কটং….

…অনাদৰিযং পটিচ্চ উক্খিত্তকায অন্তৰঘৰে গচ্ছন্তো একং আপত্তিং আপজ্জতি. দুক্কটং….

…অনাদৰিযং পটিচ্চ উক্খিত্তকায অন্তৰঘৰে নিসীদন্তো একং আপত্তিং আপজ্জতি. দুক্কটং….

পৰিমণ্ডলৱগ্গো পঠমো.