২. উজ্জগ্ঘিকৱগ্গো

১৭৬. …অনাদৰিযং পটিচ্চ উজ্জগ্ঘিকায অন্তৰঘৰে গচ্ছন্তো একং আপত্তিং আপজ্জতি. দুক্কটং….

…অনাদৰিযং পটিচ্চ উজ্জগ্ঘিকায অন্তৰঘৰে নিসীদন্তো একং আপত্তিং আপজ্জতি. দুক্কটং….

…অনাদৰিযং পটিচ্চ উচ্চাসদ্দং মহাসদ্দং কৰোন্তো অন্তৰঘৰে গচ্ছন্তো একং আপত্তিং আপজ্জতি. দুক্কটং….

…অনাদৰিযং পটিচ্চ উচ্চাসদ্দং মহাসদ্দং কৰোন্তো অন্তৰঘৰে নিসীদন্তো একং আপত্তিং আপজ্জতি. দুক্কটং….

…অনাদৰিযং পটিচ্চ কাযপ্পচালকং অন্তৰঘৰে গচ্ছন্তো একং আপত্তিং আপজ্জতি. দুক্কটং….

…অনাদৰিযং পটিচ্চ কাযপ্পচালকং অন্তৰঘৰে নিসীদন্তো একং আপত্তিং আপজ্জতি. দুক্কটং….

…অনাদৰিযং পটিচ্চ বাহুপ্পচালকং অন্তৰঘৰে গচ্ছন্তো একং আপত্তিং আপজ্জতি. দুক্কটং….

…অনাদৰিযং পটিচ্চ বাহুপ্পচালকং অন্তৰঘৰে নিসীদন্তো একং আপত্তিং আপজ্জতি. দুক্কটং….

…অনাদৰিযং পটিচ্চ সীসপ্পচালকং অন্তৰঘৰে গচ্ছন্তো একং আপত্তিং আপজ্জতি. দুক্কটং….

…অনাদৰিযং পটিচ্চ সীসপ্পচালকং অন্তৰঘৰে নিসীদন্তো একং আপত্তিং আপজ্জতি. দুক্কটং….

উজ্জগ্ঘিকৱগ্গো দুতিযো.