৫. পাটিদেসনীযকণ্ডং

২৪০. সপ্পিং ৱিঞ্ঞাপেত্ৱা ভুঞ্জন্তী দ্ৱে আপত্তিযো আপজ্জতি. ভুঞ্জিস্সামীতি পটিগ্গণ্হাতি, আপত্তি দুক্কটস্স; অজ্ঝোহাৰে অজ্ঝোহাৰে আপত্তি পাটিদেসনীযস্স.

তেলং ৱিঞ্ঞাপেত্ৱা ভুঞ্জন্তী দ্ৱে আপত্তিযো আপজ্জতি. ভুঞ্জিস্সামীতি পটিগ্গণ্হাতি, আপত্তি দুক্কটস্স; অজ্ঝোহাৰে অজ্ঝোহাৰে আপত্তি পাটিদেসনীযস্স.

মধুং ৱিঞ্ঞাপেত্ৱা ভুঞ্জন্তী দ্ৱে আপত্তিযো আপজ্জতি. ভুঞ্জিস্সামীতি পটিগ্গণ্হাতি, আপত্তি দুক্কটস্স; অজ্ঝোহাৰে অজ্ঝোহাৰে আপত্তি পাটিদেসনীযস্স.

ফাণিতং ৱিঞ্ঞাপেত্ৱা ভুঞ্জন্তী দ্ৱে আপত্তিযো আপজ্জতি. ভুঞ্জিস্সামীতি পটিগ্গণ্হাতি, আপত্তি দুক্কটস্স; অজ্ঝোহাৰে অজ্ঝোহাৰে আপত্তি পাটিদেসনীযস্স.

মচ্ছং ৱিঞ্ঞাপেত্ৱা ভুঞ্জন্তী দ্ৱে আপত্তিযো আপজ্জতি. ভুঞ্জিস্সামীতি পটিগ্গণ্হাতি, আপত্তি দুক্কটস্স; অজ্ঝোহাৰে অজ্ঝোহাৰে আপত্তি পাটিদেসনীযস্স.

মংসং ৱিঞ্ঞাপেত্ৱা ভুঞ্জন্তী দ্ৱে আপত্তিযো আপজ্জতি. ভুঞ্জিস্সামীতি পটিগ্গণ্হাতি, আপত্তি দুক্কটস্স; অজ্ঝোহাৰে অজ্ঝোহাৰে আপত্তি পাটিদেসনীযস্স.

খীৰং ৱিঞ্ঞাপেত্ৱা ভুঞ্জন্তী দ্ৱে আপত্তিযো আপজ্জতি. ভুঞ্জিস্সামীতি পটিগ্গণ্হাতি, আপত্তি দুক্কটস্স; অজ্ঝোহাৰে অজ্ঝোহাৰে আপত্তি পাটিদেসনীযস্স.

দধিং ৱিঞ্ঞাপেত্ৱা ভুঞ্জন্তী দ্ৱে আপত্তিযো আপজ্জতি. ভুঞ্জিস্সামীতি পটিগ্গণ্হাতি, আপত্তি দুক্কটস্স; অজ্ঝোহাৰে অজ্ঝোহাৰে আপত্তি পাটিদেসনীযস্স.

অট্ঠ পাটিদেসনীযা নিট্ঠিতা.

কতাপত্তিৱাৰো নিট্ঠিতো দুতিযো.