৭. গব্ভিনীৱগ্গো

২৩৭. গব্ভিনিং ৱুট্ঠাপেন্তী দ্ৱে আপত্তিযো আপজ্জতি. ৱুট্ঠাপেতি, পযোগে দুক্কটং; ৱুট্ঠাপিতে, আপত্তি পাচিত্তিযস্স.

পাযন্তিং ৱুট্ঠাপেন্তী দ্ৱে আপত্তিযো আপজ্জতি. ৱুট্ঠাপেতি, পযোগে দুক্কটং; ৱুট্ঠাপিতে, আপত্তি পাচিত্তিযস্স.

দ্ৱে ৱস্সানি ছসু ধম্মেসু অসিক্খিতসিক্খং সিক্খমানং ৱুট্ঠাপেন্তী দ্ৱে আপত্তিযো আপজ্জতি. ৱুট্ঠাপেতি, পযোগে দুক্কটং; ৱুট্ঠাপিতে, আপত্তি পাচিত্তিযস্স.

দ্ৱে ৱস্সানি ছসু ধম্মেসু সিক্খিতসিক্খং সিক্খমানং সঙ্ঘেন অসম্মতং ৱুট্ঠাপেন্তী দ্ৱে আপত্তিযো আপজ্জতি. ৱুট্ঠাপেতি, পযোগে দুক্কটং; ৱুট্ঠাপিতে, আপত্তি পাচিত্তিযস্স.

ঊনদ্ৱাদসৱস্সং গিহিগতং ৱুট্ঠাপেন্তী দ্ৱে আপত্তিযো আপজ্জতি. ৱুট্ঠাপেতি, পযোগে দুক্কটং; ৱুট্ঠাপিতে, আপত্তি পাচিত্তিযস্স.

পৰিপুণ্ণদ্ৱাদসৱস্সং গিহিগতং দ্ৱে ৱস্সানি ছসু ধম্মেসু অসিক্খিতসিক্খং ৱুট্ঠাপেন্তী দ্ৱে আপত্তিযো আপজ্জতি. ৱুট্ঠাপেতি, পযোগে দুক্কটং; ৱুট্ঠাপিতে, আপত্তি পাচিত্তিযস্স.

পৰিপুণ্ণদ্ৱাদসৱস্সং গিহিগতং দ্ৱে ৱস্সানি ছসু ধম্মেসু সিক্খিতসিক্খং সঙ্ঘেন অসম্মতং ৱুট্ঠাপেন্তী দ্ৱে আপত্তিযো আপজ্জতি. ৱুট্ঠাপেতি, পযোগে দুক্কটং; ৱুট্ঠাপিতে, আপত্তি পাচিত্তিযস্স.

সহজীৱিনিং ৱুট্ঠাপেত্ৱা দ্ৱে ৱস্সানি নেৱ অনুগ্গণ্হন্তী নানুগ্গণ্হাপেন্তী একং আপত্তিং আপজ্জতি. পাচিত্তিযং.

ৱুট্ঠাপিতং পৱত্তিনিং দ্ৱে ৱস্সানি নানুবন্ধন্তী একং আপত্তিং আপজ্জতি. পাচিত্তিযং.

সহজীৱিনিং ৱুট্ঠাপেত্ৱা নেৱ ৱূপকাসেন্তী ন ৱূপকাসাপেন্তী একং আপত্তিং আপজ্জতি. পাচিত্তিযং.

গব্ভিনীৱগ্গো সত্তমো.