৯. ছত্তুপাহনৱগ্গো

২২৬. ছত্তুপাহনং ধাৰেন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? ছব্বগ্গিযা ভিক্খুনিযো আৰব্ভ. কিস্মিং ৱত্থুস্মিন্তি? ছব্বগ্গিযা ভিক্খুনিযো ছত্তুপাহনং ধাৰেসুং, তস্মিং ৱত্থুস্মিং. একা পঞ্ঞত্তি, একা অনুপঞ্ঞত্তি. ছন্নং আপত্তিসমুট্ঠানানং দ্ৱীহি সমুট্ঠানেহি সমুট্ঠাতি – এড়কলোমকে…পে….

যানেন যাযন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? ছব্বগ্গিযা ভিক্খুনিযো আৰব্ভ. কিস্মিং ৱত্থুস্মিন্তি? ছব্বগ্গিযা ভিক্খুনিযো যানেন যাযিংসু, তস্মিং ৱত্থুস্মিং. একা পঞ্ঞত্তি, একা অনুপঞ্ঞত্তি. ছন্নং আপত্তিসমুট্ঠানানং দ্ৱীহি সমুট্ঠানেহি সমুট্ঠাতি – এড়কলোমকে…পে….

সঙ্ঘাণিং ধাৰেন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? অঞ্ঞতৰং ভিক্খুনিং আৰব্ভ. কিস্মিং ৱত্থুস্মিন্তি? অঞ্ঞতৰা ভিক্খুনী সঙ্ঘাণিং ধাৰেসি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং দ্ৱীহি সমুট্ঠানেহি সমুট্ঠাতি – এড়কলোমকে…পে….

ইত্থালঙ্কাৰং ধাৰেন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? ছব্বগ্গিযা ভিক্খুনিযো আৰব্ভ. কিস্মিং ৱত্থুস্মিন্তি? ছব্বগ্গিযা ভিক্খুনিযো ইত্থালঙ্কাৰং ধাৰেসুং, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং দ্ৱীহি সমুট্ঠানেহি সমুট্ঠাতি – এড়কলোমকে…পে….

গন্ধৱণ্ণকেন নহাযন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? ছব্বগ্গিযা ভিক্খুনিযো আৰব্ভ. কিস্মিং ৱত্থুস্মিন্তি? ছব্বগ্গিযা ভিক্খুনিযো গন্ধৱণ্ণকেন নহাযিংসু, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং দ্ৱীহি সমুট্ঠানেহি সমুট্ঠাতি – এড়কলোমকে…পে….

ৱাসিতকেন পিঞ্ঞাকেন নহাযন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? ছব্বগ্গিযা ভিক্খুনিযো আৰব্ভ. কিস্মিং ৱত্থুস্মিন্তি? ছব্বগ্গিযা ভিক্খুনিযো ৱাসিতকেন পিঞ্ঞাকেন নহাযিংসু, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং দ্ৱীহি সমুট্ঠানেহি সমুট্ঠাতি – এড়কলোমকে…পে….

ভিক্খুনিযা উম্মদ্দাপেন্তিযা পৰিমদ্দাপেন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? সম্বহুলা ভিক্খুনিযো আৰব্ভ. কিস্মিং ৱত্থুস্মিন্তি? সম্বহুলা ভিক্খুনিযো ভিক্খুনিযা উম্মদ্দাপেসুং পৰিমদ্দাপেসুং, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং দ্ৱীহি সমুট্ঠানেহি সমুট্ঠাতি – এড়কলোমকে…পে….

সিক্খমানা উম্মদ্দাপেন্তিযা পৰিমদ্দাপেন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? সম্বহুলা ভিক্খুনিযো আৰব্ভ. কিস্মিং ৱত্থুস্মিন্তি? সম্বহুলা ভিক্খুনিযো সিক্খমানায উম্মদ্দাপেসুং পৰিমদ্দাপেসুং, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং দ্ৱীহি সমুট্ঠানেহি সমুট্ঠাতি – এড়কলোমকে…পে….

সামণেৰিযা উম্মদ্দাপেন্তিযা পৰিমদ্দাপেন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? সম্বহুলা ভিক্খুনিযো আৰব্ভ. কিস্মিং ৱত্থুস্মিন্তি? সম্বহুলা ভিক্খুনিযো সামণেৰিযা উম্মদ্দাপেসুং পৰিমদ্দাপেসুং, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং দ্ৱীহি সমুট্ঠানেহি সমুট্ঠাতি – এড়কলোমকে…পে….

গিহিনিযা উম্মদ্দাপেন্তিযা পৰিমদ্দাপেন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? সম্বহুলা ভিক্খুনিযো আৰব্ভ. কিস্মিং ৱত্থুস্মিন্তি? সম্বহুলা ভিক্খুনিযো গিহিনিযা উম্মদ্দাপেসুং পৰিমদ্দাপেসুং, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং দ্ৱীহি সমুট্ঠানেহি সমুট্ঠাতি – এড়কলোমকে…পে….

ভিক্খুস্স পুৰতো অনাপুচ্ছা আসনে নিসীদন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? সম্বহুলা ভিক্খুনিযো আৰব্ভ. কিস্মিং ৱত্থুস্মিন্তি? সম্বহুলা ভিক্খুনিযো ভিক্খুস্স পুৰতো অনাপুচ্ছা আসনে নিসীদিংসু, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং দ্ৱীহি সমুট্ঠানেহি সমুট্ঠাতি – কথিনকে…পে….

অনোকাসকতং ভিক্খুং পঞ্হং পুচ্ছন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? সম্বহুলা ভিক্খুনিযো আৰব্ভ. কিস্মিং ৱত্থুস্মিন্তি? সম্বহুলা ভিক্খুনিযো অনোকাসকতং ভিক্খুং পঞ্হং পুচ্ছিংসু, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং দ্ৱীহি সমুট্ঠানেহি সমুট্ঠাতি – পদসোধম্মে…পে….

অসঙ্কচ্চিকায [অসঙ্কচ্ছিকায (স্যা.)] গামং পৱিসন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? অঞ্ঞতৰং ভিক্খুনিং আৰব্ভ. কিস্মিং ৱত্থুস্মিন্তি? অঞ্ঞতৰা ভিক্খুনী অসঙ্কচ্চিকা গামং পাৱিসি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং দ্ৱীহি সমুট্ঠানেহি সমুট্ঠাতি – সিযা কাযতো সমুট্ঠাতি, ন ৱাচতো ন চিত্ততো; সিযা কাযতো চ চিত্ততো চ সমুট্ঠাতি, ন ৱাচতো…পে….

ছত্তুপাহনৱগ্গো নৱমো.

নৱৱগ্গখুদ্দকা নিট্ঠিতা.

তস্সুদ্দানং –

লসুণং সংহৰে লোমং, তলমট্ঠঞ্চ সুদ্ধিকং;

ভুঞ্জন্তামকধঞ্ঞানং, দ্ৱে ৱিঘাসেন দস্সনা.

অন্ধকাৰে পটিচ্ছন্নে, অজ্ঝোকাসে ৰথিকায চ;

পুৰে পচ্ছা ৱিকালে চ, দুগ্গহি নিৰযে ৱধি.

নগ্গোদকা ৱিসিব্বেত্ৱা, পঞ্চাহিকং সঙ্কমনীযং;

গণং ৱিভঙ্গসমণং, দুব্বলং কথিনেন চ.

একমঞ্চত্থৰণেন, সঞ্চিচ্চ সহজীৱিনী;

দত্ৱা সংসট্ঠঅন্তো চ, তিৰোৱস্সং ন পক্কমে.

ৰাজা আসন্দি সুত্তঞ্চ, গিহি ৱূপসমেন চ;

দদে চীৱৰাৱসথং, পৰিযাপুণঞ্চ ৱাচযে.

আৰামক্কোসচণ্ডী চ, ভুঞ্জেয্য কুলমচ্ছৰী;

ৱাসে পৱাৰণোৱাদং, দ্ৱে ধম্মা পসাখেন চ.

গব্ভী পাযন্তী ছ ধম্মে, অসম্মতূনদ্ৱাদস;

পৰিপুণ্ণঞ্চ সঙ্ঘেন, সহ ৱুট্ঠা ছ পঞ্চ চ.

কুমাৰী দ্ৱে চ সঙ্ঘেন, দ্ৱাদস সম্মতেন চ;

অলং সচে চ দ্ৱেৱস্সং, সংসট্ঠা সামিকেন চ.

পাৰিৱাসিকানুৱস্সং, দুৱে ৱুট্ঠাপনেন চ;

ছত্তযানেন সঙ্ঘাণি, ইত্থালঙ্কাৰৱণ্ণকে.

পিঞ্ঞাকভিক্খুনী চেৱ, সিক্খা চ সামণেৰিকা;

গিহি ভিক্খুস্স পুৰতো, অনোকাসং সঙ্কচ্চিকাতি.

তেসং ৱগ্গানং উদ্দানং –

লসুণন্ধকাৰা ন্হানা, তুৱট্টা চিত্তগাৰকা;

আৰামং গব্ভিনী চেৱ, কুমাৰী ছত্তুপাহনাতি.