১. কত্থপঞ্ঞত্তিৱাৰো

১. পাৰাজিককণ্ডং

২০১. যং তেন ভগৱতা জানতা পস্সতা অৰহতা সম্মাসম্বুদ্ধেন ভিক্খুনীনং পঞ্চমং পাৰাজিকং কত্থ পঞ্ঞত্তং? কং আৰব্ভ? কিস্মিং ৱত্থুস্মিং? অত্থি তত্থ পঞ্ঞত্তি, অনুপঞ্ঞত্তি, অনুপ্পন্নপঞ্ঞত্তি? সব্বত্থপঞ্ঞত্তি, পদেসপঞ্ঞত্তি? সাধাৰণপঞ্ঞত্তি, অসাধাৰণপঞ্ঞত্তি? একতোপঞ্ঞত্তি, উভতোপঞ্ঞত্তি? চতুন্নং পাতিমোক্খুদ্দেসানং কত্থোগধং কত্থ পৰিযাপন্নং? কতমেন উদ্দেসেন উদ্দেসং আগচ্ছতি? চতুন্নং ৱিপত্তীনং কতমা ৱিপত্তি? সত্তন্নং আপত্তিক্খন্ধানং কতমো আপত্তিক্খন্ধো? ছন্নং আপত্তিসমুট্ঠানানং কতিহি সমুট্ঠানেহি সমুট্ঠাতি? চতুন্নং অধিকৰণানং কতমং অধিকৰণং? সত্তন্নং সমথানং কতিহি সমথেহি সম্মতি? কো তত্থ ৱিনযো? কো তত্থ অভিৱিনযো? কিং তত্থ পাতিমোক্খং? কিং তত্থ অধিপাতিমোক্খং? কা ৱিপত্তি? কা সম্পত্তি? কা পটিপত্তি? কতি অত্থৱসে পটিচ্চ ভগৱতা ভিক্খুনীনং পঞ্চমং পাৰাজিকং পঞ্ঞত্তং? কা সিক্খন্তি? কা সিক্খিতসিক্খা? কত্থ ঠিতং? কা ধাৰেন্তি? কস্স ৱচনং? কেনাভতন্তি?

২০২. যং তেন ভগৱতা জানতা পস্সতা অৰহতা সম্মাসম্বুদ্ধেন ভিক্খুনীনং পঞ্চমং পাৰাজিকং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? সুন্দৰীনন্দং ভিক্খুনিং আৰব্ভ. কিস্মিং ৱত্থুস্মিন্তি? সুন্দৰীনন্দা ভিক্খুনী অৱস্সুতা অৱস্সুতস্স পুৰিসপুগ্গলস্স কাযসংসগ্গং সাদিযি, তস্মিং ৱত্থুস্মিং. অত্থি তত্থ পঞ্ঞত্তি অনুপঞ্ঞত্তি অনুপ্পন্নপঞ্ঞত্তীতি? একা পঞ্ঞত্তি. অনুপঞ্ঞত্তি অনুপ্পন্নপঞ্ঞত্তি তস্মিং নত্থি. সব্বত্থপঞ্ঞত্তি, পদেসপঞ্ঞত্তীতি? সব্বত্থপঞ্ঞত্তি. সাধাৰণপঞ্ঞত্তি, অসাধাৰণপঞ্ঞত্তীতি? অসাধাৰণপঞ্ঞত্তি. একতোপঞ্ঞত্তি, উভতোপঞ্ঞত্তীতি? একতোপঞ্ঞত্তি. চতুন্নং পাতিমোক্খুদ্দেসানং কত্থোগধং কত্থ পৰিযাপন্নন্তি? নিদানোগধং নিদানপৰিযাপন্নং. কতমেন উদ্দেসেন উদ্দেসং আগচ্ছতীতি? দুতিযেন উদ্দেসেন উদ্দেসং আগচ্ছতি. চতুন্নং ৱিপত্তীনং কতমা ৱিপত্তীতি? সীলৱিপত্তি. সত্তন্নং আপত্তিক্খন্ধানং কতমো আপত্তিক্খন্ধোতি? পাৰাজিকাপত্তিক্খন্ধো. ছন্নং আপত্তিসমুট্ঠানানং কতিহি সমুট্ঠানেহি সমুট্ঠাতীতি? একেন সমুট্ঠানে সমুট্ঠাতি – কাযতো চ চিত্ততো চ সমুট্ঠাতি, ন ৱাচতো. চতুন্নং অধিকৰণানং কতমং অধিকৰণন্তি? আপত্তাধিকৰণং? সত্তন্নং সমথানং কতিহি সমথেহি সম্মতীতি? দ্ৱীহি সমথেহি সম্মতি – সম্মুখাৱিনযেন চ পটিঞ্ঞাতকৰণেন চ. কো তত্থ ৱিনযো, কো তত্থ অভিৱিনযোতি? পঞ্ঞত্তি ৱিনযো, ৱিভত্তি অভিৱিনযো. কিং তত্থ পাতিমোক্খং, কিং তত্থ অধিপাতিমোক্খন্তি? পঞ্ঞত্তি পাতিমোক্খং, ৱিভত্তি অধিপাতিমোক্খং. কা ৱিপত্তীতি? অসংৱৰো ৱিপত্তি. কা সম্পত্তীতি? সংৱৰো সম্পত্তি. কা পটিপত্তীতি? ন এৱৰূপং কৰিস্সামীতি যাৱজীৱং আপাণকোটিকং সমাদায সিক্খতি সিক্খাপদেসু. [অ. নি. ১০.৩১] কতি অত্থৱসে পটিচ্চ ভগৱতা ভিক্খুনীনং পঞ্চমং পাৰাজিকং পঞ্ঞত্তন্তি? দস অত্থৱসে পটিচ্চ ভগৱতা ভিক্খুনীনং পঞ্চমং পাৰাজিকং পঞ্ঞত্তং – সঙ্ঘসুট্ঠুতায, সঙ্ঘফাসুতায, দুম্মঙ্কূনং ভিক্খুনীনং নিগ্গহায, পেসলানং ভিক্খুনীনং ফাসুৱিহাৰায, দিট্ঠধম্মিকানং আসৱানং সংৱৰায, সম্পৰাযিকানং আসৱানং পটিঘাতায, অপ্পসন্নানং পসাদায, পসন্নানং ভিয্যোভাৱায, সদ্ধম্মট্ঠিতিযা, ৱিনযানুগ্গহায. কা সিক্খন্তীতি? সেক্খা চ পুথুজ্জনকল্যাণিকা চ সিক্খন্তি. কা সিক্খিতসিক্খাতি? অৰহন্তিযো [অৰহন্তা (ক.)] সিক্খিতসিক্খা. কত্থ ঠিতন্তি? সিক্খাকামাসু ঠিতং. কা ধাৰেন্তীতি? যাসং ৱত্ততি তা ধাৰেন্তি. কস্স ৱচনন্তি? ভগৱতো ৱচনং অৰহতো সম্মাসম্বুদ্ধস্স. কেনাভতন্তি? পৰম্পৰাভতং –

উপালি দাসকো চেৱ, সোণকো সিগ্গৱো তথা;

মোগ্গলিপুত্তেন পঞ্চমা, এতে জম্বুসিৰিৱ্হযে.

ততো মহিন্দো ইট্টিযো, উত্তিযো সম্বলো তথা;

ভদ্দনামো চ পণ্ডিতো.

এতে নাগা মহাপঞ্ঞা, জম্বুদীপা ইধাগতা;

ৱিনযং তে ৱাচযিংসু, পিটকং তম্বপণ্ণিযা.

নিকাযে পঞ্চ ৱাচেসুং, সত্ত চেৱ পকৰণে;

ততো অৰিট্ঠো মেধাৱী, তিস্সদত্তো চ পণ্ডিতো.

ৱিসাৰদো কাড়সুমনো, থেৰো চ দীঘনামকো;

দীঘসুমনো চ পণ্ডিতো.

পুনদেৱ কাড়সুমনো, নাগত্থেৰো চ বুদ্ধৰক্খিতো;

তিস্সত্থেৰো চ মেধাৱী, দেৱত্থেৰো চ পণ্ডিতো.

পুনদেৱ সুমনো মেধাৱী, ৱিনযে চ ৱিসাৰদো;

বহুস্সুতো চূড়নাগো, গজোৱ দুপ্পধংসিযো.

ধম্মপালিতনামো চ, ৰোহণে সাধুপূজিতো;

তস্স সিস্সো মহাপঞ্ঞো, খেমনামো তিপেটকো.

দীপে তাৰকৰাজাৱ পঞ্ঞায অতিৰোচথ;

উপতিস্সো চ মেধাৱী, ফুস্সদেৱো মহাকথী.

পুনদেৱ সুমনো মেধাৱী, পুপ্ফনামো বহুস্সুতো;

মহাকথী মহাসিৱো, পিটকে সব্বত্থ কোৱিদো.

পুনদেৱ উপালি মেধাৱী, ৱিনযে চ ৱিসাৰদো;

মহানাগো মহাপঞ্ঞো, সদ্ধম্মৱংসকোৱিদো.

পুনদেৱ অভযো মেধাৱী, পিটকে সব্বত্থ কোৱিদো;

তিস্সত্থেৰো চ মেধাৱী, ৱিনযে চ ৱিসাৰদো.

তস্স সিস্সো মহাপঞ্ঞো, পুপ্ফনামো বহুস্সুতো;

সাসনং অনুৰক্খন্তো, জম্বুদীপে পতিট্ঠিতো.

চূড়াভযো চ মেধাৱী, ৱিনযে চ ৱিসাৰদো;

তিস্সত্থেৰো চ মেধাৱী, সদ্ধম্মৱংসকোৱিদো.

চূড়দেৱো চ মেধাৱী, ৱিনযে চ ৱিসাৰদো;

সিৱত্থেৰো চ মেধাৱী, ৱিনযে সব্বত্থ কোৱিদো.

এতে নাগা মহাপঞ্ঞা, ৱিনযঞ্ঞূ মগ্গকোৱিদা;

ৱিনযং দীপে পকাসেসুং, পিটকং তম্বপণ্ণিযাতি.

২০৩. যং তেন ভগৱতা জানতা পস্সতা অৰহতা সম্মাসম্বুদ্ধেন ভিক্খুনীনং ছট্ঠং পাৰাজিকং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? থুল্লনন্দং ভিক্খুনিং আৰব্ভ. কিস্মিং ৱত্থুস্মিন্তি? থুল্লনন্দা ভিক্খুনী জানং পাৰাজিকং ধম্মং অজ্ঝাপন্নং ভিক্খুনিং নেৱত্তনা পটিচোদেসি গণস্স আৰোচেসি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং একেন সমুট্ঠানেন সমুট্ঠাতি – কাযতো চ ৱাচতো চ চিত্ততো চ সমুট্ঠাতি…পে….

২০৪. ভিক্খুনীনং সত্তমং পাৰাজিকং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? থুল্লনন্দং ভিক্খুনিং আৰব্ভ. কিস্মিং ৱত্থুস্মিন্তি? থুল্লনন্দা ভিক্খুনী সমগ্গেন সঙ্ঘেন উক্খিত্তং অৰিট্ঠং ভিক্খুং গদ্ধবাধিপুব্বং অনুৱত্তি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ধুৰনিক্খেপে…পে….

২০৫. ভিক্খুনীনং অট্ঠমং পাৰাজিকং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? ছব্বগ্গিযা ভিক্খুনিযো আৰব্ভ. কিস্মিং ৱত্থুস্মিন্তি? ছব্বগ্গিযা ভিক্খুনিযো অট্ঠমং ৱত্থুং পৰিপূৰেসুং, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ধুৰনিক্খেপে…পে….

অট্ঠ পাৰাজিকা নিট্ঠিতা.

তস্সুদ্দানং –

মেথুনাদিন্নাদানঞ্চ, মনুস্সৱিগ্গহুত্তৰি;

কাযসংসগ্গং ছাদেতি, উক্খিত্তা অট্ঠ ৱত্থুকা;

পঞ্ঞাপেসি মহাৱীৰো, ছেজ্জৱত্থূ অসংসযাতি.

২. সঙ্ঘাদিসেসকণ্ডং

২০৬. যং তেন ভগৱতা জানতা পস্সতা অৰহতা সম্মাসম্বুদ্ধেন উস্সযৱাদিকায ভিক্খুনিযা অড্ডং কৰোন্তিযা সঙ্ঘাদিসেসো কত্থ পঞ্ঞত্তো? কং আৰব্ভ? কিস্মিং ৱত্থুস্মিং…পে… কেনাভতন্তি?

২০৭. যং তেন ভগৱতা জানতা পস্সতা অৰহতা সম্মাসম্বুদ্ধেন উস্সযৱাদিকায ভিক্খুনিযা অড্ডং কৰোন্তিযা সঙ্ঘাদিসেসো কত্থ পঞ্ঞত্তোতি? সাৱত্থিযং পঞ্ঞত্তো. কং আৰব্ভাতি? থুল্লনন্দং ভিক্খুনিং আৰব্ভ. কিস্মিং ৱত্থুস্মিন্তি? থুল্লনন্দা ভিক্খুনী উস্সযৱাদিকা ৱিহৰি, তস্মিং ৱত্থুস্মিং. অত্থি তত্থ পঞ্ঞত্তি, অনুপঞ্ঞত্তি, অনুপ্পন্নপঞ্ঞত্তীতি? একা পঞ্ঞত্তি. অনুপঞ্ঞত্তি অনুপ্পন্নপঞ্ঞত্তি তস্মিং নত্থি. সব্বত্থপঞ্ঞত্তি, পদেসপঞ্ঞত্তীতি? সব্বত্থপঞ্ঞত্তি. সাধাৰণপঞ্ঞত্তি, অসাধাৰণপঞ্ঞত্তীতি? অসাধাৰণপঞ্ঞত্তি. একতোপঞ্ঞত্তি, উভতোপঞ্ঞত্তীতি? একতোপঞ্ঞত্তি. চতুন্নং পাতিমোক্খুদ্দেসানং কত্থোগধং কত্থ পৰিযাপন্নন্তি? নিদানোগধং নিদানপৰিযাপন্নং. কতমেন উদ্দেসেন উদ্দেসং আগচ্ছতীতি? ততিযেন উদ্দেসেন উদ্দেসং আগচ্ছতি. চতুন্নং ৱিপত্তীনং কতমা ৱিপত্তীতি? সীলৱিপত্তি. সত্তন্নং আপত্তিক্খন্ধানং কতমো আপত্তিক্খন্ধোতি? সঙ্ঘাদিসেসাপত্তিক্খন্ধো. ছন্নং আপত্তিসমুট্ঠানানং কতিহি সমুট্ঠানেহি সমুট্ঠাতীতি? দ্ৱীহি সমুট্ঠানেহি সমুট্ঠাতি – সিযা কাযতো চ ৱাচতো চ সমুট্ঠাতি, ন চিত্ততো; সিযা কাযতো চ ৱাচতো চ চিত্ততো চ সমুট্ঠাতি…পে… কেনাভতন্তি? পৰম্পৰাভতং –

উপালি দাসকো চেৱ, সোণকো সিগ্গৱো তথা;

মোগ্গলিপুত্তেন পঞ্চমা, এতে জম্বুসিৰিৱ্হযে. …পে…;

এতে নাগা মহাপঞ্ঞা, ৱিনযঞ্ঞূ মগ্গকোৱিদা;

ৱিনযং দীপে পকাসেসুং, পিটকং তম্বপণ্ণিযাতি.

২০৮. চোৰিং ৱুট্ঠাপেন্তিযা সঙ্ঘাদিসেসো কত্থ পঞ্ঞত্তোতি? সাৱত্থিযং পঞ্ঞত্তো. কং আৰব্ভাতি? থুল্লনন্দং ভিক্খুনিং আৰব্ভ. কিস্মিং ৱত্থুস্মিন্তি? থুল্লনন্দা ভিক্খুনী চোৰিং ৱুট্ঠাপেসি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং দ্ৱীহি সমুট্ঠানেহি সমুট্ঠাতি – সিযা ৱাচতো চ চিত্ততো চ সমুট্ঠাতি, ন কাযতো; সিযা কাযতো চ ৱাচতো চ চিত্ততো চ সমুট্ঠাতি…পে….

২০৯. একায গামন্তৰং গচ্ছন্তিযা সঙ্ঘাদিসেসো কত্থ পঞ্ঞত্তোতি? সাৱত্থিযং পঞ্ঞত্তো. কং আৰব্ভাতি? অঞ্ঞতৰং ভিক্খুনিং আৰব্ভ. কিস্মিং ৱত্থুস্মিন্তি? অঞ্ঞতৰা ভিক্খুনী একা গামন্তৰং গচ্ছি, তস্মিং ৱত্থুস্মিং. একা পঞ্ঞত্তি, তিস্সো অনুপঞ্ঞত্তিযো. ছন্নং আপত্তিসমুট্ঠানানং একেন সমুট্ঠানেন সমুট্ঠাতি – পঠমপাৰাজিকে…পে….

২১০. সমগ্গেন সঙ্ঘেন উক্খিত্তং ভিক্খুনিং ধম্মেন ৱিনযেন সত্থুসাসনেন অনপলোকেত্ৱা কাৰকসঙ্ঘং অনঞ্ঞায গণস্স ছন্দং ওসাৰেন্তিযা সঙ্ঘাদিসেসো কত্থ পঞ্ঞত্তোতি? সাৱত্থিযং পঞ্ঞত্তো. কং আৰব্ভাতি? থুল্লনন্দং ভিক্খুনিং আৰব্ভ. কিস্মিং ৱত্থুস্মিন্তি? থুল্লনন্দা ভিক্খুনী সমগ্গেন সঙ্ঘেন উক্খিত্তং ভিক্খুনিং ধম্মেন ৱিনযেন সত্থুসাসনেন অনপলোকেত্ৱা কাৰকসঙ্ঘং অনঞ্ঞায গণস্স ছন্দং ওসাৰেসি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ধুৰনিক্খেপে…পে….

২১১. অৱস্সুতায ভিক্খুনিযা অৱস্সুতস্স পুৰিসপুগ্গলস্স হত্থতো খাদনীযং ৱা ভোজনীযং ৱা সহত্থা পটিগ্গহেত্ৱা ভুঞ্জন্তিযা সঙ্ঘাদিসেসো কত্থ পঞ্ঞত্তোতি? সাৱত্থিযং পঞ্ঞত্তো. কং আৰব্ভাতি? সুন্দৰীনন্দং ভিক্খুনিং আৰব্ভ. কিস্মিং ৱত্থুস্মিন্তি? সুন্দৰীনন্দা ভিক্খুনী অৱস্সুতা অৱস্সুতস্স পুৰিসপুগ্গলস্স হত্থতো আমিসং পটিগ্গহেসি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং একেন সমুট্ঠানেন সমুট্ঠাতি – পঠমপাৰাজিকে…পে….

২১২. ‘‘কিং তে, অয্যে, এসো পুৰিসপুগ্গলো কৰিস্সতি অৱস্সুতো ৱা অনৱস্সুতো ৱা, যতো ত্ৱং অনৱস্সুতা! ইঙ্ঘ, অয্যে, যং তে এসো পুৰিসপুগ্গলো দেতি খাদনীযং ৱা ভোজনীযং ৱা, তং ত্ৱং সহত্থা পটিগ্গহেত্ৱা খাদ ৱা ভুঞ্জ ৱা’’তি উয্যোজেন্তিযা সঙ্ঘাদিসেসো কত্থ পঞ্ঞত্তোতি? সাৱত্থিযং পঞ্ঞত্তো. কং অৰব্ভাতি? অঞ্ঞতৰং ভিক্খুনিং আৰব্ভ. কিস্মিং ৱত্থুস্মিন্তি? অঞ্ঞতৰা ভিক্খুনী –‘‘কিং তে, অয্যে, এসো পুৰিসপুগ্গলো কৰিস্সতি অৱস্সুতো ৱা অনৱস্সুতো ৱা, যতো ত্ৱং অনৱস্সুতা! ইঙ্ঘ, অয্যে, যং তে এসো পুৰিসপুগ্গলো দেতি খাদনীযং ৱা ভোজনীযং ৱা, তং ত্ৱং সহত্থা পটিগ্গহেত্ৱা খাদ ৱা ভুঞ্জ ৱা’’তি উয্যোজেসি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে….

২১৩. কুপিতায অনত্তমনায ভিক্খুনিযা যাৱততিযং সমনুভাসনায ন পটিনিস্সজ্জন্তিযা সঙ্ঘাদিসেসো কত্থ পঞ্ঞত্তোতি? সাৱত্থিযং পঞ্ঞত্তো. কং আৰব্ভাতি? চণ্ডকাড়িং ভিক্খুনিং আৰব্ভ. কিস্মিং ৱত্থুস্মিন্তি? চণ্ডকাড়ী ভিক্খুনী কুপিতা অনত্তমনা এৱং অৱচ – ‘‘বুদ্ধং পচ্চাচিক্খামি, ধম্মং পচ্চাচিক্খামি, সঙ্ঘং পচ্চাচিক্খামি, সিক্খং পচ্চাচিক্খামী’’তি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ধুৰনিক্খেপে…পে….

২১৪. কিস্মিঞ্চিদেৱ অধিকৰণে পচ্চাকতায ভিক্খুনিযা যাৱততিযং সমনুভাসনায ন পটিনিস্সজ্জন্তিযা সঙ্ঘাদিসেসো কত্থ পঞ্ঞত্তোতি? সাৱত্থিযং পঞ্ঞত্তো. কং আৰব্ভাতি? চণ্ডকাড়িং ভিক্খুনিং আৰব্ভ. কিস্মিং ৱত্থুস্মিন্তি? চণ্ডকাড়ী ভিক্খুনী কিস্মিঞ্চিদেৱ অধিকৰণে পচ্চাকতা কুপিতা অনত্তমনা এৱং অৱচ – ‘‘ছন্দগামিনিযো চ ভিক্খুনিযো, দোসগামিনিযো চ ভিক্খুনিযো, মোহগামিনিযো চ ভিক্খুনিযো, ভযগামিনিযো চ ভিক্খুনিযো’’তি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ধুৰনিক্খেপে…পে….

২১৫. সংসট্ঠানং ভিক্খুনীনং যাৱততিযং সমনুভাসনায ন পটিনিস্সজ্জন্তীনং সঙ্ঘাদিসেসো কত্থ পঞ্ঞত্তোতি? সাৱত্থিযং পঞ্ঞত্তো. কং আৰব্ভাতি? সম্বহুলা ভিক্খুনিযো আৰব্ভ. কিস্মিং ৱত্থুস্মিন্তি? সম্বহুলা ভিক্খুনিযো সংসট্ঠা ৱিহৰিংসু, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ধুৰনিক্খেপে…পে….

২১৬. ‘‘সংসট্ঠাৱ, অয্যে, তুম্হে ৱিহৰথ. মা তুম্হে নানা ৱিহৰিত্থা’’তি উয্যোজেন্তিযা যাৱততিযং সমনুভাসনায ন পটিনিস্সজ্জন্তিযা সঙ্ঘাদিসেসো কত্থ পঞ্ঞত্তোতি? সাৱত্থিযং পঞ্ঞত্তো. কং আৰব্ভাতি? থুল্লনন্দং ভিক্খুনিং আৰব্ভ. কিস্মিং ৱত্থুস্মিন্তি? থুল্লনন্দা ভিক্খুনী – ‘‘সংসট্ঠাৱ অয্যে, তুম্হে ৱিহৰথ, মা তুম্হে নানা ৱিহৰিত্থা’’তি উয্যোজেসি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ধুৰনিক্খেপে…পে….

দস সঙ্ঘাদিসেসা নিট্ঠিতা.

তস্সুদ্দানং –

উস্সযচোৰি গামন্তং, উক্খিত্তং খাদনেন চ;

কিং তে কুপিতা কিস্মিঞ্চি, সংসট্ঠা ঞাযতে দসাতি.

৩. নিস্সগ্গিযকণ্ডং

২১৭. যং তেন ভগৱতা জানতা পস্সতা অৰহতা সম্মাসম্বুদ্ধেন পত্তসন্নিচযং কৰোন্তিযা নিস্সগ্গিযং পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? ছব্বগ্গিযা ভিক্খুনিযো আৰব্ভ. কিস্মিং ৱত্থুস্মিন্তি? ছব্বগ্গিযা ভিক্খুনিযো পত্তসন্নিচযং অকংসু, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং দ্ৱীহি সমুট্ঠানেহি সমুট্ঠাতি – কথিনকে…পে….

অকালচীৱৰং ‘‘কালচীৱৰ’’ন্তি অধিট্ঠহিত্ৱা ভাজাপেন্তিযা নিস্সগ্গিযং পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? থুল্লনন্দং ভিক্খুনিং আৰব্ভ. কিস্মিং ৱত্থুস্মিন্তি? থুল্লনন্দা ভিক্খুনী অকালচীৱৰং ‘‘কালচীৱৰ’’ন্তি অধিট্ঠহিত্ৱা ভাজাপেসি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে….

ভিক্খুনিযা সদ্ধিং চীৱৰং পৰিৱত্তেত্ৱা অচ্ছিন্দন্তিযা নিস্সগ্গিযং পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? থুল্লনন্দং ভিক্খুনিং আৰব্ভ. কিস্মিং ৱত্থুস্মিন্তি? থুল্লনন্দা ভিক্খুনী ভিক্খুনিযা সদ্ধিং চীৱৰং পৰিৱত্তেত্ৱা অচ্ছিন্দি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে….

অঞ্ঞং ৱিঞ্ঞাপেত্ৱা অঞ্ঞং ৱিঞ্ঞাপেন্তিযা নিস্সগ্গিযং পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? থুল্লনন্দং ভিক্খুনিং আৰব্ভ. কিস্মিং ৱত্থুস্মিন্তি? থুল্লনন্দা ভিক্খুনী অঞ্ঞং ৱিঞ্ঞাপেত্ৱা অঞ্ঞং ৱিঞ্ঞাপেসি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং ছহি সমুট্ঠানেহি সমুট্ঠাতি…পে….

অঞ্ঞং চেতাপেত্ৱা অঞ্ঞং চেতাপেন্তিযা নিস্সগ্গিযং পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? থুল্লনন্দং ভিক্খুনিং আৰব্ভ. কিস্মিং ৱত্থুস্মিন্তি? থুল্লনন্দা ভিক্খুনী অঞ্ঞং চেতাপেত্ৱা অঞ্ঞং চেতাপেসি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং ছহি সমুট্ঠানেহি সমুট্ঠাতি…পে….

অঞ্ঞদত্থিকেন পৰিক্খাৰেন অঞ্ঞুদ্দিসিকেন সঙ্ঘিকেন অঞ্ঞং চেতাপেন্তিযা নিস্সগ্গিযং পাচিত্তিযং কত্থং পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? সম্বহুলা ভিক্খুনিযো আৰব্ভ. কিস্মিং ৱত্থুস্মিন্তি? সম্বহুলা ভিক্খুনিযো অঞ্ঞদত্থিকেন পৰিক্খাৰেন অঞ্ঞুদ্দিসিকেন সঙ্ঘিকেন অঞ্ঞং চেতাপেসুং, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং ছহি সমুট্ঠানেহি সমুট্ঠাতি…পে….

অঞ্ঞদত্থিকেন পৰিক্খাৰেন অঞ্ঞুদ্দিসিকেন সঙ্ঘিকেন সঞ্ঞাচিকেন অঞ্ঞং চেতাপেন্তিযা নিস্সগ্গিযং পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? সম্বহুলা ভিক্খুনিযো আৰব্ভ. কিস্মিং ৱত্থুস্মিন্তি? সম্বহুলা ভিক্খুনিযো অঞ্ঞদত্থিকেন পৰিক্খাৰেন অঞ্ঞুদ্দিসিকেন সঙ্ঘিকেন সঞ্ঞাচিকেন অঞ্ঞং চেতাপেসুং, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং ছহি সমুট্ঠানেহি সমুট্ঠাতি…পে….

অঞ্ঞদত্থিকেন পৰিক্খাৰেন অঞ্ঞুদ্দিসিকেন মহাজনিকেন অঞ্ঞং চেতাপেন্তিযা নিস্সগ্গিযং পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? সম্বহুলা ভিক্খুনিযো আৰব্ভ. কিস্মিং ৱত্থুস্মিন্তি? সম্বহুলা ভিক্খুনিযো অঞ্ঞদত্থিকেন পৰিক্খাৰেন অঞ্ঞুদ্দিসিকেন মহাজনিকেন অঞ্ঞং চেতাপেসুং, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং ছহি সমুট্ঠানেহি সমুট্ঠাতি…পে….

অঞ্ঞদত্থিকেন পৰিক্খাৰেন অঞ্ঞুদ্দিসিকেন মহাজনিকেন সঞ্ঞাচিকেন অঞ্ঞং চেতাপেন্তিযা নিস্সগ্গিযং পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? সম্বহুলা ভিক্খুনিযো আৰব্ভ. কিস্মিং ৱত্থুস্মিন্তি? সম্বহুলা ভিক্খুনিযো অঞ্ঞদত্থিকেন পৰিক্খাৰেন অঞ্ঞুদ্দিসিকেন মহাজনিকেন সঞ্ঞাচিকেন অঞ্ঞং চেতাপেসুং, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং ছহি সমুট্ঠানেহি সমুট্ঠাতি…পে….

অঞ্ঞদত্থিকেন পৰিক্খাৰেন অঞ্ঞুদ্দিসিকেন পুগ্গলিকেন সঞ্ঞাচিকেন অঞ্ঞং চেতাপেন্তিযা নিস্সগ্গিযং পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? থুল্লনন্দং ভিক্খুনিং আৰব্ভ. কিস্মিং ৱত্থুস্মিন্তি? থুল্লনন্দা ভিক্খুনী অঞ্ঞদত্থিকেন পৰিক্খাৰেন অঞ্ঞুদ্দিসিকেন পুগ্গলিকেন সঞ্ঞাচিকেন অঞ্ঞং চেতাপেসি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং ছহি সমুট্ঠানেহি সমুট্ঠাতি…পে….

অতিৰেকচতুক্কংসপৰমং গৰুপাৱুৰণং চেতাপেন্তিযা নিস্সগ্গিযং পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? থুল্লনন্দং ভিক্খুনিং আৰব্ভ. কিস্মিং ৱত্থুস্মিন্তি? থুল্লনন্দা ভিক্খুনী ৰাজানং কম্বলং ৱিঞ্ঞাপেসি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং ছহি সমুট্ঠানেহি সমুট্ঠাতি…পে….

অতিৰেকঅড্ঢতেয্যকংসপৰমং লহুপাৱুৰণং চেতাপেন্তিযা নিস্সগ্গিযং পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? থুল্লনন্দং ভিক্খুনিং আৰব্ভ. কিস্মিং ৱত্থুস্মিন্তি? থুল্লনন্দা ভিক্খুনী ৰাজানং খোমং ৱিঞ্ঞাপেসি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং ছহি সমুট্ঠানেহি সমুট্ঠাতি …পে….

দ্ৱাদস নিস্সগ্গিযা পাচিত্তিযা নিট্ঠিতা.

তস্সুদ্দানং –

পত্তং অকালং কালঞ্চ, পৰিৱত্তে চ ৱিঞ্ঞাপে;

চেতাপেত্ৱা অঞ্ঞদত্থি, সঙ্ঘিকঞ্চ মহাজনিকং;

সঞ্ঞাচিকা পুগ্গলিকা, চতুক্কংসড্ঢতেয্যকাতি.

৪. পাচিত্তিযকণ্ডং

১. লসুণৱগ্গো

২১৮. যং তেন ভগৱতা জানতা পস্সতা অৰহতা সম্মাসম্বুদ্ধেন লসুণং খাদন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? থুল্লনন্দং ভিক্খুনিং আৰব্ভ. কিস্মিং ৱত্থুস্মিন্তি? থুল্লনন্দা ভিক্খুনী ন মত্তং জানিত্ৱা লসুণং হৰাপেসি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং দ্ৱীহি সমুট্ঠানেহি সমুট্ঠাতি এড়কলোমকে…পে….

সম্বাধে লোমং সংহৰাপেন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? ছব্বগ্গিযা ভিক্খুনিযো আৰব্ভ. কিস্মিং ৱত্থুস্মিন্তি? ছব্বগ্গিযা ভিক্খুনিযো সম্বাধে লোমং সংহৰাপেসুং, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং চতূহি সমুট্ঠানেহি সমুট্ঠাতি…পে….

তলঘাতকে পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? দ্ৱে ভিক্খুনিযো আৰব্ভ. কিস্মিং ৱত্থুস্মিন্তি? দ্ৱে ভিক্খুনিযো তলঘাতকং অকংসু, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং একেন সমুট্ঠানেন সমুট্ঠাতি – পঠমপাৰাজিকে…পে….

জতুমট্ঠকে পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? অঞ্ঞতৰং ভিক্খুনিং আৰব্ভ. কিস্মিং ৱত্থুস্মিন্তি? অঞ্ঞতৰা ভিক্খুনী জতুমট্ঠকং আদিযি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং একেন সমুট্ঠানেন সমুট্ঠাতি – পঠমপাৰাজিকে…পে….

অতিৰেকদ্ৱঙ্গুলপব্বপৰমং উদকসুদ্ধিকং আদিযন্তিযা পাচিত্তিযং কত্থ পঞ্ঞত্তন্তি? সক্কেসু পঞ্ঞত্তং. কং আৰব্ভাতি? অঞ্ঞতৰং ভিক্খুনিং আৰব্ভ. কিস্মিং ৱত্থুস্মিন্তি? অঞ্ঞতৰা ভিক্খুনী অতিগম্ভীৰং উদকসুদ্ধিকং আদিযি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং একেন সমুট্ঠানেন সমুট্ঠাতি – পঠমপাৰাজিকে…পে….

ভিক্খুস্স ভুঞ্জন্তস্স পানীযেন ৱা ৱিধূপনেন ৱা উপতিট্ঠন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? অঞ্ঞতৰং ভিক্খুনিং আৰব্ভ. কিস্মিং ৱত্থুস্মিন্তি? অঞ্ঞতৰা ভিক্খুনী ভিক্খুস্স ভুঞ্জন্তস্স পানীযেন চ ৱিধূপনেন চ উপতিট্ঠি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং দ্ৱীহি সমুট্ঠানেহি সমুট্ঠাতি – এড়কলোমকে…পে….

আমকধঞ্ঞং ৱিঞ্ঞাপেত্ৱা ভুঞ্জন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? সম্বহুলা ভিক্খুনিযো আৰব্ভ. কিস্মিং ৱত্থুস্মিন্তি? সম্বহুলা ভিক্খুনিযো আমকধঞ্ঞং ৱিঞ্ঞাপেত্ৱা ভুঞ্জিংসু, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং চতূহি সমুট্ঠানেহি সমুট্ঠাতি…পে….

উচ্চাৰং ৱা পস্সাৱং ৱা সঙ্কাৰং ৱা ৱিঘাসং ৱা তিৰোকুট্টে [তিৰোকুড্ডে (সী. স্যা.)] ছড্ডেন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? অঞ্ঞতৰং ভিক্খুনিং আৰব্ভ. কিস্মিং ৱত্থুস্মিন্তি? অঞ্ঞতৰা ভিক্খুনী উচ্চাৰং [উচ্চাৰম্পি পস্সাৱম্পি সঙ্কাৰম্পি ৱিঘাসম্পি (ক.)] তিৰোকুট্টে ছড্ডেসি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং ছহি সমুট্ঠানেহি সমুট্ঠাতি…পে….

উচ্চাৰং ৱা পস্সাৱং ৱা সঙ্কাৰং ৱা ৱিঘাসং ৱা হৰিতে ছড্ডেন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? সম্বহুলা ভিক্খুনিযো আৰব্ভ. কিস্মিং ৱত্থুস্মিন্তি? সম্বহুলা ভিক্খুনিযো উচ্চাৰম্পি পস্সাৱম্পি সঙ্কাৰম্পি ৱিঘাসম্পি হৰিতে ছড্ডেসুং, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং ছহি সমুট্ঠানেহি সমুট্ঠাতি…পে….

নচ্চং ৱা গীতং ৱা ৱাদিতং ৱা দস্সনায গচ্ছন্তিযা পাচিত্তিযং কত্থ পঞ্ঞত্তন্তি? ৰাজগহে পঞ্ঞত্তং. কং আৰব্ভাতি? ছব্বগ্গিযা ভিক্খুনিযো আৰব্ভ. কিস্মিং ৱত্থুস্মিন্তি? ছব্বগ্গিযা ভিক্খুনিযো নচ্চম্পি গীতম্পি ৱাদিতম্পি দস্সনায অগমংসু, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং দ্ৱীহি সমুট্ঠানেহি সমুট্ঠাতি – এড়কলোমকে…পে….

লসুণৱগ্গো পঠমো.

২. ৰত্তন্ধকাৰৱগ্গো

২১৯. ৰত্তন্ধকাৰে অপ্পদীপে পুৰিসেন সদ্ধিং একেনেকায সন্তিট্ঠন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? অঞ্ঞতৰং ভিক্খুনিং আৰব্ভ. কিস্মিং ৱত্থুস্মিন্তি? অঞ্ঞতৰা ভিক্খুনী ৰত্তন্ধকাৰে অপ্পদীপে পুৰিসেন সদ্ধিং একেনেকা সন্তিট্ঠি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং দ্ৱীহি সমুট্ঠানেহি সমুট্ঠাতি – থেয্যসত্থকে…পে….

পটিচ্ছন্নে ওকাসে পুৰিসেন সদ্ধিং একেনেকায সন্তিট্ঠন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? অঞ্ঞতৰং ভিক্খুনিং আৰব্ভ. কিস্মিং ৱত্থুস্মিন্তি? অঞ্ঞতৰা ভিক্খুনী পটিচ্ছন্নে ওকাসে পুৰিসেন সদ্ধিং একেনেকা সন্তিট্ঠি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং দ্ৱীহি সমুট্ঠানেহি সমুট্ঠাতি – থেয্যসত্থকে…পে….

অজ্ঝোকাসে পুৰিসেন সদ্ধিং একেনেকায সন্তিট্ঠন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? অঞ্ঞতৰং ভিক্খুনিং আৰব্ভ. কিস্মিং ৱত্থুস্মিন্তি? অঞ্ঞতৰা ভিক্খুনী অজ্ঝোকাসে পুৰিসেন সদ্ধিং একেনেকা সন্তিট্ঠি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং দ্ৱীহি সমুট্ঠানেহি সমুট্ঠাতি – থেয্যসত্থকে…পে….

ৰথিকা ৱা [ৰথিযায ৱা (ক.)] ব্যূহে ৱা সিঙ্ঘাটকে ৱা পুৰিসেন সদ্ধিং একেনেকায সন্তিট্ঠন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? থুল্লনন্দং ভিক্খুনিং আৰব্ভ. কিস্মিং ৱত্থুস্মিন্তি? থুল্লনন্দা ভিক্খুনী ৰথিকাযপি ব্যূহেপি সিঙ্ঘাটকেপি পুৰিসেন সদ্ধিং একেনেকা সন্তিট্ঠি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং দ্ৱীহি সমুট্ঠানেহি সমুট্ঠাতি – থেয্যসত্থকে…পে….

পুৰেভত্তং কুলানি উপসঙ্কমিত্ৱা আসনে নিসীদিত্ৱা সামিকে অনাপুচ্ছা পক্কমন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? অঞ্ঞতৰং ভিক্খুনিং আৰব্ভ. কিস্মিং ৱত্থুস্মিন্তি? অঞ্ঞতৰা ভিক্খুনী পুৰেভত্তং কুলানি উপসঙ্কমিত্ৱা আসনে নিসীদিত্ৱা সামিকে অনাপুচ্ছা পক্কামি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং দ্ৱীহি সমুট্ঠানেহি সমুট্ঠাতি – কথিনকে…পে….

পচ্ছাভত্তং কুলানি উপসঙ্কমিত্ৱা সামিকে অনাপুচ্ছা আসনে অভিনিসীদন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? থুল্লনন্দং ভিক্খুনিং আৰব্ভ. কিস্মিং ৱত্থুস্মিন্তি? থুল্লনন্দা ভিক্খুনী পচ্ছাভত্তং কুলানি উপসঙ্কমিত্ৱা সামিকে অনাপুচ্ছা আসনে অভিনিসীদি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং দ্ৱীহি সমুট্ঠানেহি সমুট্ঠাতি – কথিনকে…পে….

ৱিকালে কুলানি উপসঙ্কমিত্ৱা সামিকে অনাপুচ্ছা সেয্যং সন্থৰিত্ৱা ৱা সন্থৰাপেত্ৱা ৱা অভিনিসীদন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? সম্বহুলা ভিক্খুনিযো আৰব্ভ. কিস্মিং ৱত্থুস্মিন্তি? সম্বহুলা ভিক্খুনিযো ৱিকালে কুলানি উপসঙ্কমিত্ৱা সামিকে অনাপুচ্ছা সেয্যং সন্থৰিত্ৱা অভিনিসীদিংসু, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং দ্ৱীহি সমুট্ঠানেহি সমুট্ঠাতি – কথিনকে…পে….

দুগ্গহিতেন দূপধাৰিতেন পৰং উজ্ঝাপেন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? অঞ্ঞতৰং ভিক্খুনিং আৰব্ভ. কিস্মিং ৱত্থুস্মিন্তি? অঞ্ঞতৰা ভিক্খুনী দুগ্গহিতেন দূপধাৰিতেন পৰং উজ্ঝাপেসি, তস্মিং ৱত্থুস্মিং. একা পঞ্ঞত্তি ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে….

অত্তানং ৱা পৰং ৱা নিৰযেন ৱা ব্ৰহ্মচৰিযেন ৱা অভিসপন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? চণ্ডকাড়িং ভিক্খুনিং আৰব্ভ. কিস্মিং ৱত্থুস্মিন্তি? চণ্ডকাড়ী ভিক্খুনী অত্তানম্পি পৰম্পি নিৰযেনপি ব্ৰহ্মচৰিযেনপি অভিসপি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে….

অত্তানং ৱধিত্ৱা ৱধিত্ৱা ৰোদন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? চণ্ডকাড়িং ভিক্খুনিং আৰব্ভ. কিস্মিং ৱত্থুস্মিন্তি? চণ্ডকাড়ী ভিক্খুনী অত্তানং ৱধিত্ৱা ৱধিত্ৱা ৰোদি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ধুৰনিক্খেপে…পে….

ৰত্তন্ধকাৰৱগ্গো দুতিযো.

৩. নহানৱগ্গো

২২০. নগ্গায নহাযন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? সম্বহুলা ভিক্খুনিযো আৰব্ভ. কিস্মিং ৱত্থুস্মিন্তি? সম্বহুলা ভিক্খুনিযো নগ্গা নহাযিংসু, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং দ্ৱীহি সমুট্ঠানেহি সমুট্ঠাতি – এড়কলোমকে…পে….

পমাণাতিক্কন্তং উদকসাটিকং কাৰাপেন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? ছব্বগ্গিযা ভিক্খুনিযো আৰব্ভ. কিস্মিং ৱত্থুস্মিন্তি? ছব্বগ্গিযা ভিক্খুনিযো অপ্পমাণিকাযো উদকসাটিকাযো ধাৰেসুং, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং ছহি সমুট্ঠানেহি সমুট্ঠাতি…পে….

ভিক্খুনিযা চীৱৰং ৱিসিব্বেত্ৱা ৱা ৱিসিব্বাপেত্ৱা ৱা নেৱ সিব্বেন্তিযা ন সিব্বাপনায উস্সুক্কং কৰোন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? থুল্লনন্দং ভিক্খুনিং আৰব্ভ. কিস্মিং ৱত্থুস্মিন্তি? থুল্লনন্দা ভিক্খুনী ভিক্খুনিযা চীৱৰং ৱিসিব্বাপেত্ৱা নেৱ সিব্বেসি ন সিব্বাপনায উস্সুক্কং অকাসি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ধুৰনিক্খেপে…পে….

পঞ্চাহিকং সঙ্ঘাটিচাৰং অতিক্কামেন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? সম্বহুলা ভিক্খুনিযো আৰব্ভ. কিস্মিং ৱত্থুস্মিন্তি? সম্বহুলা ভিক্খুনিযো ভিক্খুনীনং হত্থে চীৱৰং নিক্খিপিত্ৱা সন্তৰুত্তৰেন জনপদচাৰিকং পক্কমিংসু, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং দ্ৱীহি সমুট্ঠানেহি সমুট্ঠাতি কথিনকে…পে….

চীৱৰসঙ্কমনীযং ধাৰেন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? অঞ্ঞতৰং ভিক্খুনিং আৰব্ভ. কিস্মিং ৱত্থুস্মিন্তি? অঞ্ঞতৰা ভিক্খুনী অঞ্ঞতৰায ভিক্খুনিযা চীৱৰং অনাপুচ্ছা পাৰুপি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং দ্ৱীহি সমুট্ঠানেহি সমুট্ঠাতি – কথিনকে…পে….

গণস্স চীৱৰলাভং অন্তৰাযং কৰোন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? থুল্লনন্দং ভিক্খুনিং আৰব্ভ. কিস্মিং ৱত্থুস্মিন্তি? থুল্লনন্দা ভিক্খুনী গণস্স চীৱৰলাভং অন্তৰাযং অকাসি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে….

ধম্মিকং চীৱৰৱিভঙ্গং পটিবাহন্তিযা পাচিত্তিযং কত্থ পঞ্ঞত্তন্তি. সাৱত্থিযং পঞ্ঞত্তং. কং আৰব্ভাতি? থুল্লনন্দং ভিক্খুনিং আৰব্ভ. কিস্মিং ৱত্থুস্মিন্তি? থুল্লনন্দা ভিক্খুনী ধম্মিকং চীৱৰৱিভঙ্গং পটিবাহি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে….

অগাৰিকস্স ৱা পৰিব্বাজকস্স ৱা পৰিব্বাজিকায ৱা সমণচীৱৰং দেন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? থুল্লনন্দং ভিক্খুনিং আৰব্ভ. কিস্মিং ৱত্থুস্মিন্তি? থুল্লনন্দা ভিক্খুনী অগাৰিকস্স সমণচীৱৰং অদাসি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং ছহি সমুট্ঠানেহি সমুট্ঠাতি…পে….

দুব্বলচীৱৰপচ্চাসায চীৱৰকালসমযং অতিক্কামেন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? থুল্লনন্দং ভিক্খুনিং আৰব্ভ. কিস্মিং ৱত্থুস্মিন্তি? থুল্লনন্দা ভিক্খুনী দুব্বলচীৱৰপচ্চাসায চীৱৰকালসমযং অতিক্কামেসি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে….

ধম্মিকং কথিনুদ্ধাৰং পটিবাহন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? থুল্লনন্দং ভিক্খুনিং আৰব্ভ. কিস্মিং ৱত্থুস্মিন্তি? থুল্লনন্দা ভিক্খুনী ধম্মিকং কথিনুদ্ধাৰং পটিবাহি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে….

নহানৱগ্গো ততিযো.

৪. তুৱট্টৱগ্গো

২২১. দ্ৱিন্নং ভিক্খুনীনং একমঞ্চে তুৱট্টেন্তীনং পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? সম্বহুলা ভিক্খুনিযো আৰব্ভ. কিস্মিং ৱত্থুস্মিন্তি? সম্বহুলা ভিক্খুনিযো দ্ৱে একমঞ্চে তুৱট্টেসুং, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং দ্ৱীহি সমুট্ঠানেহি সমুট্ঠাতি – এড়কলোমকে…পে….

দ্ৱিন্নং ভিক্খুনীনং একত্থৰণপাৱুৰণে তুৱট্টেন্তীনং পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? সম্বহুলা ভিক্খুনিযো আৰব্ভ. কিস্মিং ৱত্থুস্মিন্তি? সম্বহুলা ভিক্খুনিযো দ্ৱে একত্থৰণপাৱুৰণা তুৱট্টেসুং, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং দ্ৱীহি সমুট্ঠানেহি সমুট্ঠাতি – এড়কলোমকে…পে….

ভিক্খুনিযা সঞ্চিচ্চ অফাসুং কৰোন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? থুল্লনন্দং ভিক্খুনিং আৰব্ভ. কিস্মিং ৱত্থুস্মিন্তি? থুল্লনন্দা ভিক্খুনী ভিক্খুনিযা সঞ্চিচ্চ অফাসুং অকাসি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে….

দুক্খিতং সহজীৱিনিং নেৱ উপট্ঠেন্তিযা ন উপট্ঠাপনায উস্সুক্কং কৰোন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? থুল্লনন্দং ভিক্খুনিং আৰব্ভ. কিস্মিং ৱত্থুস্মিন্তি? থুল্লনন্দা ভিক্খুনী দুক্খিতং সহজীৱিনিং নেৱ উপট্ঠেসি ন উপট্ঠাপনায উস্সুক্কং অকাসি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ধুৰনিক্খেপে…পে….

ভিক্খুনিযা উপস্সযং দত্ৱা কুপিতায অনত্তমনায নিক্কড্ঢন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? থুল্লনন্দং ভিক্খুনিং আৰব্ভ. কিস্মিং ৱত্থুস্মিন্তি? থুল্লনন্দা ভিক্খুনী ভিক্খুনিযা উপস্সযং দত্ৱা কুপিতা অনত্তমনা নিক্কড্ঢি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে….

সংসট্ঠায ভিক্খুনিযা যাৱততিযং সমনুভাসনায ন পটিনিস্সজ্জন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? চণ্ডকাড়িং ভিক্খুনিং আৰব্ভ. কিস্মিং ৱত্থুস্মিন্তি? চণ্ডকাড়ী ভিক্খুনী সংসট্ঠা ৱিহৰি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ধুৰনিক্খেপে…পে….

অন্তোৰট্ঠে সাসঙ্কসম্মতে সপ্পটিভযে অসত্থিকায চাৰিকং চৰন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? সম্বহুলা ভিক্খুনিযো আৰব্ভ. কিস্মিং ৱত্থুস্মিন্তি? সম্বহুলা ভিক্খুনিযো অন্তোৰট্ঠে সাসঙ্কসম্মতে সপ্পটিভযে অসত্থিকাযো চাৰিকং চৰিংসু, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং দ্ৱীহি সমুট্ঠানেহি সমুট্ঠাতি – এড়কলোমকে…পে….

তিৰোৰট্ঠে সাসঙ্কসম্মতে সপ্পটিভযে অসত্থিকায চাৰিকং চৰন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? সম্বহুলা ভিক্খুনিযো আৰব্ভ. কিস্মিং ৱত্থুস্মিন্তি? সম্বহুলা ভিক্খুনিযো তিৰোৰট্ঠে সাসঙ্কসম্মতে সপ্পটিভযে অসত্থিকাযো চাৰিকং চৰিংসু, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং দ্ৱীহি সমুট্ঠানেহি সমুট্ঠাতি – এড়কলোমকে…পে….

অন্তোৱস্সং চাৰিকং চৰন্তিযা পাচিত্তিযং কত্থ পঞ্ঞত্তন্তি? ৰাজগহে পঞ্ঞত্তং. কং আৰব্ভাতি? সম্বহুলা ভিক্খুনিযো আৰব্ভ. কিস্মিং ৱত্থুস্মিন্তি? সম্বহুলা ভিক্খুনিযো অন্তোৱস্সং চাৰিকং চৰিংসু, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং দ্ৱীহি সমুট্ঠানেহি সমুট্ঠাতি – এড়কলোমকে…পে….

ৱস্সংৱুট্ঠায [ৱস্সংৱুত্থায (সী. স্যা.)] ভিক্খুনিযা চাৰিকং ন পক্কমন্তিযা পাচিত্তিযং কত্থ পঞ্ঞত্তন্তি? ৰাজগহে পঞ্ঞত্তং. কং আৰব্ভাতি? সম্বহুলা ভিক্খুনিযো আৰব্ভ. কিস্মিং ৱত্থুস্মিন্তি? সম্বহুলা ভিক্খুনিযো ৱস্সংৱুট্ঠা চাৰিকং ন পক্কমিংসু, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং একেন সমুট্ঠানেন সমুট্ঠাতি – পঠমপাৰাজিকে…পে….

তুৱট্টৱগ্গো চতুত্থো.

৫. চিত্তাগাৰৱগ্গো

২২২. ৰাজাগাৰং ৱা চিত্তাগাৰং ৱা আৰামং ৱা উয্যানং ৱা পোক্খৰণিং ৱা দস্সনায গচ্ছন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? ছব্বগ্গিযা ভিক্খুনিযো আৰব্ভ. কিস্মিং ৱত্থুস্মিন্তি? ছব্বগ্গিযা ভিক্খুনিযো ৰাজাগাৰম্পি চিত্তাগাৰম্পি দস্সনায অগমংসু, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং দ্ৱীহি সমুট্ঠানেহি সমুট্ঠাতি – এড়কলোমকে…পে….

আসন্দিং ৱা পল্লঙ্কং ৱা পৰিভুঞ্জন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? সম্বহুলা ভিক্খুনিযো আৰব্ভ. কিস্মিং ৱত্থুস্মিন্তি? সম্বহুলা ভিক্খুনিযো আসন্দিম্পি পল্লঙ্কম্পি পৰিভুঞ্জিংসু, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং দ্ৱীহি সমুট্ঠানেহি সমুট্ঠাতি – এড়কলোমকে…পে….

সুত্তং কন্তন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? ছব্বগ্গিযা ভিক্খুনিযো আৰব্ভ. কিস্মিং ৱত্থুস্মিন্তি? ছব্বগ্গিযা ভিক্খুনিযো সুত্তং কন্তিংসু, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং দ্ৱীহি সমুট্ঠানেহি সমুট্ঠাতি – এড়কলোমকে…পে….

গিহিৱেয্যাৱচ্চং কৰোন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? সম্বহুলা ভিক্খুনিযো আৰব্ভ. কিস্মিং ৱত্থুস্মিন্তি? সম্বহুলা ভিক্খুনিযো গিহিৱেয্যাৱচ্চং অকংসু, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং দ্ৱীহি সমুট্ঠানেহি সমুট্ঠাতি – এড়কলোমকে…পে….

ভিক্খুনিযা ‘‘এহায্যে ইমং অধিকৰণং ৱূপসমেহী’’তি ৱুচ্চমানায ‘‘সাধূ’’তি পটিস্সুণিত্ৱা নেৱ ৱূপসমেন্তিযা ন ৱূপসমায উস্সুক্কং কৰোন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? থুল্লনন্দং ভিক্খুনিং আৰব্ভ. কিস্মিং ৱত্থুস্মিন্তি? থুল্লনন্দা ভিক্খুনী ভিক্খুনিযা – ‘‘এহায্যে, ইমং অধিকৰণং ৱূপসমেহী’’তি ৱুচ্চমানা ‘‘সাধূ’’তি পটিস্সুণিত্ৱা নেৱ ৱূপসমেসি ন ৱূপসমায উস্সুক্কং অকাসি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ধুৰনিক্খেপে…পে….

অগাৰিকস্স ৱা পৰিব্বাজকস্স ৱা পৰিব্বাজিকায ৱা সহত্থা খাদনীযং ৱা ভোজনীযং ৱা দেন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? থুল্লনন্দং ভিক্খুনিং আৰব্ভ. কিস্মিং ৱত্থুস্মিন্তি? থুল্লনন্দা ভিক্খুনী অগাৰিকস্স সহত্থা খাদনীযম্পি ভোজনীযম্পি অদাসি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং দ্ৱীহি সমুট্ঠানেহি সমুট্ঠাতি – এড়কলোমকে…পে….

আৱসথচীৱৰং অনিস্সজ্জিত্ৱা পৰিভুঞ্জন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? থুল্লনন্দং ভিক্খুনিং আৰব্ভ. কিস্মিং ৱত্থুস্মিন্তি? থুল্লনন্দা ভিক্খুনী আৱসথচীৱৰং অনিস্সজ্জিত্ৱা পৰিভুঞ্জি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং দ্ৱীহি সমুট্ঠানেহি সমুট্ঠাতি – কথিনকে…পে….

আৱসথং অনিস্সজ্জিত্ৱা চাৰিকং পক্কমন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? থুল্লনন্দং ভিক্খুনিং আৰব্ভ. কিস্মিং ৱত্থুস্মিন্তি? থুল্লনন্দা ভিক্খুনী আৱসথং অনিস্সজ্জিত্ৱা চাৰিকং পক্কামি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং দ্ৱীহি সমুট্ঠানেহি সমুট্ঠাতি – কথিনকে…পে….

তিৰচ্ছানৱিজ্জং পৰিযাপুণন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? ছব্বগ্গিযা ভিক্খুনিযো আৰব্ভ. কিস্মিং ৱত্থুস্মিন্তি? ছব্বগ্গিযা ভিক্খুনিযো তিৰচ্ছানৱিজ্জং পৰিযাপুণিংসু, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং দ্ৱীহি সমুট্ঠানেহি সমুট্ঠাতি – পদসোধম্মে…পে….

তিৰচ্ছানৱিজ্জং ৱাচেন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? ছব্বগ্গিযা ভিক্খুনিযো আৰব্ভ. কিস্মিং ৱত্থুস্মিন্তি. ছব্বগ্গিযা ভিক্খুনিযো তিৰচ্ছানৱিজ্জং ৱাচেসুং, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং দ্ৱীহি সমুট্ঠানেহি সমুট্ঠাতি – পদসোধম্মে…পে….

চিত্তাগাৰৱগ্গো পঞ্চমো.

৬. আৰামৱগ্গো

২২৩. জানং সভিক্খুকং আৰামং অনাপুচ্ছা পৱিসন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? সম্বহুলা ভিক্খুনিযো আৰব্ভ. কিস্মিং ৱত্থুস্মিন্তি? সম্বহুলা ভিক্খুনিযো আৰামং অনাপুচ্ছা পৱিসিংসু, তস্মিং ৱত্থুস্মিং. একা পঞ্ঞত্তি, দ্ৱে অনুপঞ্ঞত্তিযো. ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ধুৰনিক্খেপে…পে….

ভিক্খুং অক্কোসন্তিযা পৰিভাসন্তিযা পাচিত্তিযং কত্থ পঞ্ঞত্তন্তি? ৱেসালিযং পঞ্ঞত্তং. কং আৰব্ভাতি? ছব্বগ্গিযা ভিক্খুনিযো আৰব্ভ. কিস্মিং ৱত্থুস্মিন্তি? ছব্বগ্গিযা ভিক্খুনিযো আযস্মন্তং উপালিং অক্কোসিংসু, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে….

চণ্ডীকতায গণং পৰিভাসন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? থুল্লনন্দং ভিক্খুনিং আৰব্ভ. কিস্মিং ৱত্থুস্মিন্তি? থুল্লনন্দা ভিক্খুনী চণ্ডীকতায গণং পৰিভাসি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে….

নিমন্তিতায ৱা পৱাৰিতায ৱা খাদনীযং ৱা ভোজনীযং ৱা অঞ্ঞত্ৰ ভুঞ্জন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? সম্বহুলা ভিক্খুনিযো আৰব্ভ. কিস্মিং ৱত্থুস্মিন্তি? সম্বহুলা ভিক্খুনিযো ভুত্তাৱিনিযো পৱাৰিতা অঞ্ঞত্ৰ ভুঞ্জিংসু, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং চতূহি সমুট্ঠানেহি সমুট্ঠাতি…পে….

কুলং মচ্ছৰাযন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? অঞ্ঞতৰং ভিক্খুনিং আৰব্ভ. কিস্মিং ৱত্থুস্মিন্তি? অঞ্ঞতৰা ভিক্খুনী কুলং মচ্ছৰাযি, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে….

অভিক্খুকে আৱাসে ৱস্সং ৱসন্তিযা পাচিত্তিযং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? সম্বহুলা ভিক্খুনিযো আৰব্ভ. কিস্মিং ৱত্থুস্মিন্তি? সম্বহুলা ভিক্খুনিযো অভিক্খুকে আৱাসে ৱস্সং ৱসিংসু, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং দ্ৱীহি সমুট্ঠানেহি সমুট্ঠাতি – এড়কলোমকে…পে….