১. পৰিমণ্ডলৱগ্গো

১৫০. যং তেন ভগৱতা জানতা পস্সতা অৰহতা সম্মাসম্বুদ্ধেন অনাদৰিযং পটিচ্চ পুৰতো ৱা পচ্ছতো ৱা ওলম্বেন্তেন নিৱাসেন্তস্স দুক্কটং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? ছব্বগ্গিযে ভিক্খূ আৰব্ভ. কিস্মিং ৱত্থুস্মিন্তি? ছব্বগ্গিযা ভিক্খূ পুৰতোপি পচ্ছতোপি ওলম্বেন্তা নিৱাসেসুং, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং একেন সমুট্ঠানেন সমুট্ঠাতি – কাযতো চ চিত্ততো চ সমুট্ঠাতি, ন ৱাচতো…পে….

অনাদৰিযং পটিচ্চ পুৰতো ৱা পচ্ছতো ৱা ওলম্বেন্তেন পাৰুপন্তস্স দুক্কটং কত্থ পঞ্ঞত্তন্তি? সাৱত্থিযং পঞ্ঞত্তং. কং আৰব্ভাতি? ছব্বগ্গিযে ভিক্খূ আৰব্ভ. কিস্মিং ৱত্থুস্মিন্তি? ছব্বগ্গিযা ভিক্খূ পুৰতোপি পচ্ছতোপি ওলম্বেন্তা পাৰুপিংসু, তস্মিং ৱত্থুস্মিং. একা পঞ্ঞত্তি. ছন্নং আপত্তিসমুট্ঠানানং একেন সমুট্ঠানেন সমুট্ঠাতি – কাযতো চ চিত্ততো চ সমুট্ঠাতি, ন ৱাচতো…পে….

অনাদৰিযং পটিচ্চ কাযং ৱিৱৰিত্ৱা অন্তৰঘৰে গচ্ছন্তস্স দুক্কটং…পে… একা পঞ্ঞত্তি. একেন সমুট্ঠানেন সমুট্ঠাতি – কাযতো চ চিত্ততো চ সমুট্ঠাতি, ন ৱাচতো…পে….

অনাদৰিযং পটিচ্চ কাযং ৱিৱৰিত্ৱা অন্তৰঘৰে নিসীদন্তস্স দুক্কটং…পে… একা পঞ্ঞত্তি. একেন সমুট্ঠানেন সমুট্ঠাতি – কাযতো চ চিত্ততো চ সমুট্ঠাতি, ন ৱাচতো…পে….

অনাদৰিযং পটিচ্চ হত্থং ৱা পাদং ৱা কীড়াপেন্তেন অন্তৰঘৰে গচ্ছন্তস্স দুক্কটং…পে… একা পঞ্ঞত্তি. একেন সমুট্ঠানেন সমুট্ঠাতি – কাযতো চ চিত্ততো চ সমুট্ঠাতি, ন ৱাচতো…পে….

অনাদৰিযং পটিচ্চ হত্থং ৱা পাদং ৱা কীড়াপেন্তেন অন্তৰঘৰে নিসীদন্তস্স দুক্কটং …পে… একা পঞ্ঞত্তি. একেন সমুট্ঠানেন সমুট্ঠাতি – কাযতো চ চিত্ততো চ সমুট্ঠাতি, ন ৱাচতো…পে….

অনাদৰিযং পটিচ্চ তহং তহং ওলোকেন্তেন অন্তৰঘৰে গচ্ছন্তস্স দুক্কটং…পে… একা পঞ্ঞত্তি. একেন সমুট্ঠানেন সমুট্ঠাতি – কাযতো চ চিত্ততো চ সমুট্ঠাতি, ন ৱাচতো…পে….

অনাদৰিযং পটিচ্চ তহং তহং ওলোকেন্তেন অন্তৰঘৰে নিসীদন্তস্স দুক্কটং…পে… একা পঞ্ঞত্তি. একেন সমুট্ঠানেন সমুট্ঠাতি – কাযতো চ চিত্ততো চ সমুট্ঠাতি, ন ৱাচতো…পে….

অনাদৰিযং পটিচ্চ উক্খিত্তকায অন্তৰঘৰে গচ্ছন্তস্স দুক্কটং…পে… একা পঞ্ঞত্তি. একেন সমুট্ঠানেন সমুট্ঠাতি – কাযতো চ চিত্ততো চ সমুট্ঠাতি, ন ৱাচতো…পে….

অনাদৰিযং পটিচ্চ উক্খিত্তকায অন্তৰঘৰে নিসীদন্তস্স দুক্কটং…পে… একা পঞ্ঞত্তি. একেন সমুট্ঠানেন সমুট্ঠাতি – কাযতো চ চিত্ততো চ সমুট্ঠাতি, ন ৱাচতো…পে….

পৰিমণ্ডলৱগ্গো পঠমো.