২৬৬. পটিসাৰণীযকম্মপটিপ্পস্সদ্ধিকথা

৪৪৭. ইধ পন, ভিক্খৱে, ভিক্খু সঙ্ঘেন পটিসাৰণীযকম্মকতো সম্মা ৱত্ততি, লোমং পাতেতি, নেত্থাৰং ৱত্ততি, পটিসাৰণীযস্স কম্মস্স পটিপ্পস্সদ্ধিং যাচতি. তত্ৰ চে ভিক্খূনং এৱং হোতি – ‘‘অযং খো, আৱুসো, ভিক্খু সঙ্ঘেন পটিসাৰণীযকম্মকতো সম্মা ৱত্ততি, লোমং পাতেতি, নেত্থাৰং ৱত্ততি, পটিসাৰণীযস্স কম্মস্স পটিপ্পস্সদ্ধিং যাচতি. হন্দস্স মযং পটিসাৰণীযকম্মং পটিপ্পস্সম্ভেমা’’তি. তে তস্স পটিসাৰণীযকম্মং পটিপ্পস্সম্ভেন্তি – অধম্মেন ৱগ্গা…পে… অধম্মেন সমগ্গা… ধম্মেন ৱগ্গা… ধম্মপতিৰূপকেন ৱগ্গা… ধম্মপতিৰূপকেন সমগ্গা. তত্ৰট্ঠো সঙ্ঘো ৱিৱদতি – ‘‘অধম্মেন ৱগ্গকম্মং, অধম্মেন সমগ্গকম্মং, ধম্মেন ৱগ্গকম্মং, ধম্মপতিৰূপকেন ৱগ্গকম্মং, ধম্মপতিৰূপকেন সমগ্গকম্মং, অকতং কম্মং দুক্কটং কম্মং পুন কাতব্বং কম্ম’’ন্তি. তত্ৰ, ভিক্খৱে, যে তে ভিক্খূ এৱমাহংসু – ‘‘ধম্মপতিৰূপকেন সমগ্গকম্ম’’ন্তি, যে চ তে ভিক্খূ এৱমাহংসু – ‘‘অকতং কম্মং দুক্কটং কম্মং পুন কাতব্বং কম্ম’’ন্তি. ইমে তত্থ ভিক্খূ ধম্মৱাদিনো. ইমেপি পঞ্চ ৱাৰা সংখিত্তা.

পটিসাৰণীযকম্মপটিপ্পস্সদ্ধিকথা নিট্ঠিতা.