২৪৬. অদস্সনে উক্খেপনীযকম্মকথা

৪১৫. ইধ পন, ভিক্খৱে, ভিক্খু আপত্তিং আপজ্জিত্ৱা ন ইচ্ছতি আপত্তিং পস্সিতুং. তত্ৰ চে ভিক্খূনং এৱং হোতি – ‘‘অযং খো, আৱুসো, ভিক্খু আপত্তিং আপজ্জিত্ৱা ন ইচ্ছতি আপত্তিং পস্সিতুং. হন্দস্স মযং আপত্তিযা অদস্সনে উক্খেপনীযকম্মং কৰোমা’’তি. তে তস্স আপত্তিযা অদস্সনে উক্খেপনীযকম্মং কৰোন্তি – অধম্মেন ৱগ্গা. সো তম্হা আৱাসা অঞ্ঞং আৱাসং গচ্ছতি. তত্থপি ভিক্খূনং এৱং হোতি – ‘‘অযং খো, আৱুসো, ভিক্খু সঙ্ঘেন আপত্তিযা অদস্সনে উক্খেপনীযকম্মকতো অধম্মেন ৱগ্গেহি. হন্দস্স মযং আপত্তিযা অদস্সনে উক্খেপনীযকম্মং কৰোমা’’তি. তে তস্স আপত্তিযা অদস্সনে উক্খেপনীযকম্মং কৰোন্তি – অধম্মেন সমগ্গা…পে… ধম্মেন ৱগ্গা… ধম্মপতিৰূপকেন ৱগ্গা… ধম্মপতিৰূপকেন সমগ্গা…পে….

চক্কং কাতব্বং.

অদস্সনে উক্খেপনীযকম্মকথা নিট্ঠিতা.