১০৪. গন্তব্বৱাৰো

১৮২. গন্তব্বো, ভিক্খৱে, তদহুপোসথে সভিক্খুকা আৱাসা সভিক্খুকো আৱাসো, যত্থস্সু ভিক্খূ সমানসংৱাসকা, যং জঞ্ঞা – ‘‘সক্কোমি অজ্জেৱ গন্তু’’ন্তি. গন্তব্বো, ভিক্খৱে, তদহুপোসথে সভিক্খুকা আৱাসা সভিক্খুকো অনাৱাসো…পে… সভিক্খুকো আৱাসো ৱা অনাৱাসো ৱা, যত্থস্সু ভিক্খূ সমানসংৱাসকা, যং জঞ্ঞা – ‘‘সক্কোমি অজ্জেৱ গন্তু’’ন্তি.

গন্তব্বো, ভিক্খৱে, তদহুপোসথে সভিক্খুকা অনাৱাসা সভিক্খুকো আৱাসো…পে… সভিক্খুকো অনাৱাসো…পে… সভিক্খুকো আৱাসো ৱা অনাৱাসো ৱা, যত্থস্সু ভিক্খূ সমানসংৱাসকা, যং জঞ্ঞা – ‘‘সক্কোমি অজ্জেৱ গন্তু’’ন্তি.

গন্তব্বো, ভিক্খৱে, তদহুপোসথে সভিক্খুকা আৱাসা ৱা অনাৱাসা ৱা সভিক্খুকো আৱাসো…পে… সভিক্খুকো অনাৱাসো…পে… সভিক্খুকো আৱাসো ৱা অনাৱাসো ৱা, যত্থস্সু ভিক্খূ সমানসংৱাসকা, যং জঞ্ঞা – ‘‘সক্কোমি অজ্জেৱ গন্তু’’ন্তি.

গন্তব্বৱাৰো নিট্ঠিতো.