১০০. সীমোক্কন্তিকপেয্যালং

১৭৭. ইধ পন, ভিক্খৱে, অঞ্ঞতৰস্মিং আৱাসে তদহুপোসথে সম্বহুলা আৱাসিকা ভিক্খূ সন্নিপতন্তি চত্তাৰো ৱা অতিৰেকা ৱা. তে ন জানন্তি ‘‘অঞ্ঞে আৱাসিকা ভিক্খূ অন্তোসীমং ওক্কমন্তী’’তি …পে… তে ন জানন্তি ‘‘অঞ্ঞে আৱাসিকা ভিক্খূ অন্তোসীমং ওক্কন্তা’’তি…পে… তে ন পস্সন্তি অঞ্ঞে আৱাসিকে ভিক্খূ অন্তোসীমং ওক্কমন্তে …পে… তে ন পস্সন্তি অঞ্ঞে আৱাসিকে ভিক্খূ অন্তোসীমং ওক্কন্তে…পে… তে ন সুণন্তি ‘‘অঞ্ঞে আৱাসিকা ভিক্খূ অন্তোসীমং ওক্কমন্তী’’তি…পে… তে ন সুণন্তি ‘‘অঞ্ঞে আৱাসিকা ভিক্খূ অন্তোসীমং ওক্কন্তা’’তি…পে….

আৱাসিকেন আৱাসিকা একসতপঞ্চসত্ততি তিকনযতো, আৱাসিকেন আগন্তুকা, আগন্তুকেন আৱাসিকা, আগন্তুকেন আগন্তুকা পেয্যালমুখেন সত্ত তিকসতানি হোন্তি.

১৭৮. ইধ পন, ভিক্খৱে, আৱাসিকানং ভিক্খূনং চাতুদ্দসো হোতি, আগন্তুকানং পন্নৰসো. সচে আৱাসিকা বহুতৰা হোন্তি, আগন্তুকেহি আৱাসিকানং অনুৱত্তিতব্বং. সচে সমসমা হোন্তি, আগন্তুকেহি আৱাসিকানং অনুৱত্তিতব্বং. সচে আগন্তুকা বহুতৰা হোন্তি, আৱাসিকেহি আগন্তুকানং অনুৱত্তিতব্বং.

ইধ পন, ভিক্খৱে, আৱাসিকানং ভিক্খূনং পন্নৰসো হোতি, আগন্তুকানং চাতুদ্দসো. সচে আৱাসিকা বহুতৰা হোন্তি, আগন্তুকেহি আৱাসিকানং অনুৱত্তিতব্বং. সচে সমসমা হোন্তি, আগন্তুকেহি আৱাসিকানং অনুৱত্তিতব্বং. সচে আগন্তুকা বহুতৰা হোন্তি, আৱাসিকেহি আগন্তুকানং অনুৱত্তিতব্বং.

ইধ পন, ভিক্খৱে, আৱাসিকানং ভিক্খূনং পাটিপদো হোতি, আগন্তুকানং পন্নৰসো. সচে আৱাসিকা বহুতৰা হোন্তি, আৱাসিকেহি আগন্তুকানং নাকামা দাতব্বা সামগ্গী. আগন্তুকেহি নিস্সীমং গন্ত্ৱা উপোসথো কাতব্বো. সচে সমসমা হোন্তি, আৱাসিকেহি আগন্তুকানং নাকামা দাতব্বা সামগ্গী. আগন্তুকেহি নিস্সীমং গন্ত্ৱা উপোসথো কাতব্বো. সচে আগন্তুকা বহুতৰা হোন্তি, আৱাসিকেহি আগন্তুকানং সামগ্গী ৱা দাতব্বা নিস্সীমং ৱা গন্তব্বং.

ইধ পন, ভিক্খৱে, আৱাসিকানং ভিক্খূনং পন্নৰসো হোতি, আগন্তুকানং

পাটিপদো. সচে আৱাসিকা বহুতৰা হোন্তি, আগন্তুকেহি আৱাসিকানং সামগ্গী ৱা দাতব্বা নিস্সীমং ৱা গন্তব্বং. সচে সমসমা হোন্তি, আগন্তুকেহি আৱাসিকানং সামগ্গী ৱা দাতব্বা নিস্সীমং ৱা গন্তব্বং. সচে আগন্তুকা বহুতৰা হোন্তি, আগন্তুকেহি আৱাসিকানং নাকামা দাতব্বা সামগ্গী. আৱাসিকেহি নিস্সীমং গন্ত্ৱা উপোসথো কাতব্বো.

সীমোক্কন্তিকপেয্যালং নিট্ঠিতং.