৭. পথৱীকম্মৱিপাকোতিকথাৱণ্ণনা

৪৯২. অত্তৱজ্জেহীতি ফস্সৱজ্জেহি. ন হি সো এৱ তেন সম্পযুত্তো হোতি. সোতি ফস্সমেৱ পচ্চামসতি. সাৱজ্জনেতি আৱজ্জনসহিতে, আৱজ্জনং পুৰেচাৰিকং কত্ৱা এৱ পৱত্তনকেতি অত্থো. কম্মূপনিস্সযভূতমেৱাতি যেন কম্মুনা যথাৱুত্তা ফস্সাদযো নিব্বত্তিতা, তস্স কম্মস্স উপনিস্সযভূতমেৱ. দুক্খস্সাতি আযতিং উপ্পজ্জনকদুক্খস্স. ‘‘মূলতণ্হা’’তি দস্সেতীতি যোজনা, তথা ‘‘উপনিস্সযভূত’’ন্তি এত্থাপি. কম্মাযূহনস্স কাৰণভূতা পুৰিমসিদ্ধা তণ্হা কম্মস্স উপনিস্সযো, কতূপচিতে কম্মে ভৱাদীসু নমনৱসেন পৱত্তা হি ৱিপাকস্স উপনিস্সযো.

৪৯৩. ওকাসকতুপ্পন্নং অখেপেত্ৱা পৰিনিব্বানভাৱো সকসমযৱসেন চোদনায যুজ্জমানতা.

৪৯৪. কম্মে সতীতি ইমিনা কম্মস্স পথৱীআদীনং পচ্চযতামত্তমাহ, ন জনকত্তং. তেনাহ ‘‘তংসংৱত্তনিকং নাম হোতী’’তি.

পথৱীকম্মৱিপাকোতিকথাৱণ্ণনা নিট্ঠিতা.