১. পৰূপহাৰৱণ্ণনা

৩০৭. ৱিক্খম্ভিতৰাগাৱ অৱিক্খম্ভিতৰাগানং অধিমানিকতায অসম্ভৱতোতি যাৱ অধিমানিকং, তাৱ সম্পজানা নিদ্দং ওক্কমন্তীতি অধিপ্পাযো. ‘‘অধিমানিকান’’ন্তি ইদং ভূতপুব্বগতিযা ৱুত্তন্তি আহ ‘‘অধিমানিকপুব্বা অধিপ্পেতা সিযু’’ন্তি.

৩০৮. যং ৱিমতিগাহকাৰণং ৱুচ্চমানং, তং ‘‘হন্দ হী’’তি পৰং জোতেতীতি অধিপ্পাযেনাহ ‘‘কাৰণত্থেতি যুত্ত’’ন্তি. ৱিমতিগাহস্স পন নিচ্ছিততং ‘‘হন্দ হী’’তি পৰং জোতেতীতি ৱুত্তং ‘‘ৱচসাযত্থে’’তি.

পৰূপহাৰৱণ্ণনা নিট্ঠিতা.