১. একাধিপ্পাযকথাৱণ্ণনা

৯০৮. এক-সদ্দো অঞ্ঞত্থোপি হোতি ‘‘ইত্থেকে অভিৱদন্তী’’তিআদীসু ৱিয, অঞ্ঞত্তঞ্চেত্থ ৰাগাধিপ্পাযতো ৱেদিতব্বং, পুথুজ্জনস্স পন সছন্দৰাগপৰিভোগভাৱতো আহ ‘‘ৰাগাধিপ্পাযতো অঞ্ঞাধিপ্পাযোৱাতি ৱুত্তং হোতী’’তি. কো পন সো অঞ্ঞাধিপ্পাযোতি? কৰুণাধিপ্পাযো. তেন ৱুত্তং ‘‘কৰুণাধিপ্পাযেন একাধিপ্পাযো’’তি. অযঞ্চ নযো ইত্থিযা জীৱিতৰক্খণত্থং কাৰুঞ্ঞেন মনোৰথং পূৰেন্তস্স বোধিসত্তস্স সংৱৰৱিনাসো ন হোতীতি এৱংৱাদিনং পৰৱাদিং সন্ধায ৱুত্তো, পণিধানাধিপ্পাযৱাদিনং পন সন্ধায ‘‘একো অধিপ্পাযোতি এত্থা’’তিআদি ৱুত্তং. পুত্তমুখদস্সনাধিপ্পাযোপি এত্থেৱ সঙ্গহং গতোতি দট্ঠব্বং. একতোভাৱেতি সহভাৱে.

একাধিপ্পাযকথাৱণ্ণনা নিট্ঠিতা.