১০. খণিককথাৱণ্ণনা

৯০৬-৯০৭. পথৱিযাদিৰূপেসূতি অনেককলাপসমুদাযভূতেসু সসম্ভাৰপথৱীআদিৰূপেসু. তত্থ হি কেসুচি পুৰিমুপ্পন্নেসু ঠিতেসু কেসঞ্চি তদঞ্ঞেসং উপ্পাদো, ততো পুৰিমন্তৰুপ্পন্নানং কেসঞ্চি নিৰোধো হোতি একেককলাপৰূপেসু সমানুপ্পাদনিৰোধত্তা তেসং. এৱং পতিট্ঠানন্তি এৱং ৱুত্তপ্পকাৰেন অসমানুপ্পাদনিৰোধেন পবন্ধেন পতিট্ঠানপৱত্তীতি অত্থো. সা পনাযং যথাৱুত্তা পৱত্তি কস্মা ৰূপসন্ততিযা এৱাতি আহ ‘‘ন হি ৰূপান’’ন্তিআদি. তস্সত্থো – যদি সব্বে সঙ্খতধম্মা সমানক্খণা, তথা সতি অৰূপসন্ততিযা ৱিয ৰূপসন্ততিযাপি অনন্তৰাদিপচ্চযেন ৱিধিনা পৱত্তি সিযা, ন চেতং অত্থি. যদি সিযা, চিত্তক্খণে চিত্তক্খণে পথৱীআদীনং উপ্পাদনিৰোধেহি ভৱিতব্বন্তি.

খণিককথাৱণ্ণনা নিট্ঠিতা.

বাৱীসতিমৱগ্গৱণ্ণনা নিট্ঠিতা.