২. নত্থিঅৰহতোঅকালমচ্চূতিকথাৱণ্ণনা

৭৮০. অলদ্ধৱিপাকৱাৰানন্তি ৱিপাকদানং পতি অলদ্ধোকাসানং. ব্যন্তীভাৱন্তি ৱিগতন্ততং, ৱিগমং অৱিপাকন্তি অত্থো.

৭৮১. ততো পৰন্তি ব্যতিৰেকেন অত্থসিদ্ধি, ন কেৱলেন অন্ৱযেনাতি আহ ‘‘তাৱ ন কমতি, ততো পৰং কমতীতি লদ্ধিযা পটিক্খিপতী’’তি. তত্থ ততো পৰন্তি পুব্বে কতস্স কম্মস্স পৰিক্খযগমনতো পৰং. নত্থি পাণাতিপাতো পাণাতিপাতলক্খণাভাৱতোতি অধিপ্পাযো. তমেৱ লক্খণাভাৱং দস্সেতুং ‘‘পাণোপাণসঞ্ঞিতা’’তিআদি ৱুত্তং. তত্থ ন তেনাতি যো পৰেন উপক্কমো কতো, তেন উপক্কমেন ন মতো, ধম্মতামৰণেনেৱ মতোতি দুব্বিঞ্ঞেয্যং অৱিসেসৱিদূহি, দুব্বিঞ্ঞেয্যং ৱা হোতু সুৱিঞ্ঞেয্যং ৱা, অঙ্গপাৰিপূৰিযাৱ পাণাতিপাতো.

নত্থিঅৰহতোঅকালমচ্চূতিকথাৱণ্ণনা নিট্ঠিতা.