৪. নিযতস্সনিযামকথাৱণ্ণনা

৬৬৩-৬৬৪. অপ্পত্তনিযামানন্তি যে অনুপ্পন্নমিচ্ছত্তসম্মত্তনিযতধম্মা পুগ্গলা, তেসং ধম্মে. কে পন তে? যথাৱুত্তপুগ্গলসন্তানপৰিযাপন্না ধম্মা. তে হি ভূমিত্তযপৰিযাপন্নতায ‘‘তেভূমকা’’তি ৱুত্তা. যে পন পত্তনিযামানং সন্তানে পৱত্তা অনিযতধম্মা, ন তেসমেত্থ সঙ্গহো কতো. ন হি তেহি সমন্নাগমেন অনিযততা অত্থি. তেনেৱাহ ‘‘তেহি সমন্নাগতোপি অনিযতোযেৱা’’তি. ইমং ৱোহাৰমত্তন্তি ইমিনা নিযামো নাম কোচি ধম্মো নত্থি, উপচিতসম্ভাৰতায অভিসম্বুজ্ঝিতুং ভব্বতাৱ তথা ৱুচ্চতীতি দস্সেতি. নিযতোতি ৱচনস্স কাৰণভাৱেন ৱুত্তোতি যোজনা. উভযস্সপীতি নিযতো নিযামং ওক্কমতীতি ৱচনদ্ৱযস্স.

নিযতস্সনিযামকথাৱণ্ণনা নিট্ঠিতা.