১১. অৱিঞ্ঞত্তিদুস্সীল্যন্তিকথাৱণ্ণনা

৬০৩-৬০৪. মহাভূতানি উপাদায পৱত্তো অঞ্ঞচিত্তক্খণেপি লব্ভমানো কুসলাকুসলানুবন্ধো অৱিঞ্ঞত্তীতি অযং ৱাদো ‘‘চিত্তৱিপ্পযুত্তো অপুঞ্ঞূপচযো’’তি ইমিনা সঙ্গহিতোতি ততো অঞ্ঞানুবন্ধাযং ‘‘আণত্তিযা’’তিআদি ৱুত্তন্তি তং দস্সেতুং ‘‘আণত্তিযা…পে… অধিপ্পাযো’’তি ৱুত্তং. তত্থ আণত্তো যদা আণত্তভাৱেন ৱিহিংসাদিকিৰিযং সাধেতি, তদা আণত্তিযা পাণাতিপাতাদীসু অঙ্গভাৱো ৱেদিতব্বো. সা পনাণত্তি পাৰিৱাসিকভাৱেন ৱিঞ্ঞত্তিৰহিতা নাম হোতীতি পৰৱাদিনো অধিপ্পাযো, তং দস্সেতুং ‘‘একস্মিং দিৱসে’’তিআদি ৱুত্তং.

অৱিঞ্ঞত্তিদুস্সীল্যন্তিকথাৱণ্ণনা নিট্ঠিতা.

দসমৱগ্গৱণ্ণনা নিট্ঠিতা.

দুতিযো পণ্ণাসকো সমত্তো.