৫. পাটিদেসনীযকণ্ডং (ভিক্খুনীৱিভঙ্গৱণ্ণনা)
পাটিদেসনীযসিক্খাপদৱণ্ণনা
১২২৮. পাটিদেসনীযা নাম যে অট্ঠ ধম্মা সঙ্খেপেনেৱ সঙ্গহং আৰুড়্হাতি সম্বন্ধো. পাড়িৱিনিমুত্তকেসূতি পাড়িযং অনাগতেসু সপ্পিআদীসু.
পাটিদেসনীযসিক্খাপদৱণ্ণনা নিট্ঠিতা.
পাটিদেসনীযকণ্ডং নিট্ঠিতং.
যে পন পঞ্চসত্ততি সেখিযা ধম্মা উদ্দিট্ঠা, যে চ তেসং অনন্তৰা সত্তাধিকৰণৱ্হযা ধম্মা উদ্দিট্ঠাতি সম্বন্ধো. তত্থ তেসন্তি তেসং সেখিযানং. সত্তাধিকৰণৱ্হযাতি সত্তাধিকৰণসমথসঙ্খাতা. তং অত্থৱিনিচ্ছযং তাদিসংযেৱ যস্মা ৱিদূ ৱদন্তীতি অত্থো.
যথা নিট্ঠিতাতি সম্বন্ধো. সব্বাসৱপহং মগ্গন্তি সব্বাসৱৱিঘাতকং অৰহত্তমগ্গং পত্ৱা সসন্তানে উপ্পাদেত্ৱা. পস্সন্তু নিব্বুতিন্তি মগ্গঞাণলোচনেন নিব্বানং সচ্ছিকৰোন্তু, পপ্পোন্তূতি ৱা পাঠো. তত্থ নিব্বুতিন্তি খন্ধপৰিনিব্বানং গহেতব্বং.
ইতি সমন্তপাসাদিকায ৱিনযট্ঠকথায সাৰত্থদীপনিযং.
ভিক্খুনীৱিভঙ্গৱণ্ণনা নিট্ঠিতা.
উভতোৱিভঙ্গট্ঠকথাৱণ্ণনা নিট্ঠিতা.
পাচিত্তিযৱণ্ণনা নিট্ঠিতা.
নমো তস্স ভগৱতো অৰহতো সম্মাসম্বুদ্ধস্স