৮. কুমাৰিভূতৱগ্গৱণ্ণনা

১১১৯. কুমাৰিভূতৱগ্গস্স পঠমে সব্বপঠমা দ্ৱে মহাসিক্খমানাতি গব্ভিনিৱগ্গে সব্বপঠমং ৱুত্তা দ্ৱে সিক্খমানা. সিক্খমানা ইচ্চেৱ ৱত্তব্বাতি সম্মুতিকম্মাদীসু এৱং ৱত্তব্বা. গিহিগতাতি ৱা কুমাৰিভূতাতি ৱা ন ৱত্তব্বাতি সচে ৱদন্তি, কম্মং কুপ্পতীতি অধিপ্পাযো. ইতো পৰং নৱমপৰিযোসানং উত্তানত্থমেৱ.

১১৬৩. দসমে অপুব্বসমুট্ঠানসীসন্তি পঠমপাৰাজিকসমুট্ঠানাদীসু তেৰসসু সমুট্ঠানেসু অননুঞ্ঞাতসমুট্ঠানং সন্ধায ৱুত্তং. তঞ্হি ইতো পুব্বে তাদিসস্স সমুট্ঠানসীসস্স অনাগতত্তা ‘‘অপুব্বসমুট্ঠানসীস’’ন্তি ৱুত্তং.

১১৬৬. একাদসমাদীনি উত্তানত্থানেৱ.

কুমাৰিভূতৱগ্গৱণ্ণনা নিট্ঠিতা.