ৱিনযৱিনিচ্ছযো

গন্থাৰম্ভকথা

১. ৱন্দিত্ৱা সিৰসা সেট্ঠং, বুদ্ধমপ্পটিপুগ্গলং;

ভৱাভাৱকৰং ধম্মং, গণঞ্চেৱ নিৰঙ্গণং.

২. ভিক্খূনং ভিক্খুনীনঞ্চ, হিতত্থায সমাহিতো;

পৱক্খামি সমাসেন, ৱিনযস্সৱিনিচ্ছযং.

৩. অনাকুলমসংকিণ্ণং, মধুৰত্থপদক্কমং;

পটুভাৱকৰং এতং, পৰমং ৱিনযক্কমে.

৪. অপাৰং ওতৰন্তানং, সাৰং ৱিনযসাগৰং;

ভিক্খূনং ভিক্খুনীনঞ্চ, নাৱাভূতং মনোৰমং.

৫. তস্মা ৱিনযনূপাযং, ৱিনযস্সৱিনিচ্ছযং;

অৱিক্খিত্তেন চিত্তেন, ৱদতো মে নিবোধথ.