৩-৭. সেক্খসুত্তাদিৱণ্ণনা

১৩-১৭. তিস্সন্নম্পি সিক্খানং সিক্খনং সীলং এতস্সাতি সিক্খনসীলো. সিক্খতীতিপি ৱা সেক্খো. ৱুত্তঞ্হেতং ‘‘সিক্খতীতি খো, ভিক্খৱে, তস্মা সেক্খোতি ৱুচ্চতি. কিঞ্চ সিক্খতি? অধিসীলম্পি সিক্খতী’’তিআদি (অ. নি. ৩.৮৬). তীহি ফলেহি হেট্ঠা. সাপি চতুত্থমগ্গেন সদ্ধিং উপ্পন্নসিক্খাপি. মগ্গক্খণে হি সিক্খাকিচ্চং ন নিট্ঠিতং ৱিপ্পকতভাৱতো, ফলক্খণে পন নিট্ঠিতং নাম. উত্তানত্থানেৱ হেট্ঠা ৱুত্তনযত্তা.

সেক্খসুত্তাদিৱণ্ণনা নিট্ঠিতা.

ৱিহাৰৱগ্গৱণ্ণনা নিট্ঠিতা.