১-১১. কাযগতাসতিসুত্তাদিৱণ্ণনা

৩৬৬-৩৭৬. অসঙ্খতন্তি ন সঙ্খতং হেতুপচ্চযেতি. তেনাহ ‘‘অকত’’ন্তি. হিতং এসন্তেনাতি মেত্তাযন্তেন. অনুকম্পমানেনাতি কৰুণাযন্তেন. উপাদাযাতি আদিযিত্ৱাতি অযমত্থোতিআহ ‘‘চিত্তেন পৰিগ্গহেত্ৱা’’তি. অৱিপৰীতধম্মদেসনাতি অৱিপৰীতধম্মস্স দেসনা, পটিপত্তিম্পি সাৱকা ৱিয গৰুকো ভগৱা. দাযজ্জং অত্তনো অধিট্ঠিতং নিয্যাতেতি.

ভিক্খাসম্পত্তিকালাদীনং সত্তন্নং সপ্পাযানং সম্পত্তিযা লব্ভনকালে. ৱিপত্তিকালে পন এত্থ ৱুত্তৱিপৰিযাযেন অত্থো ৱেদিতব্বো. ভাৰিযন্তি দুক্খবহুলতায দাৰুণং. অম্হাকং সন্তিকা লদ্ধব্বা. তুম্হাকং অনুসাসনীতি তুম্হাকং দাতব্বা অনুসাসনী.

কাযগতাসতিসুত্তাদিৱণ্ণনা নিট্ঠিতা.