৫. সব্বঅনিচ্চৱগ্গৱণ্ণনা

৪৩-৫২. ঞাতপৰিঞ্ঞা আগতা ৱিসযৱসেন তব্বিসযস্স ধম্মস্স জোতিতত্তা. ইতৰা দ্ৱে তীৰণপহানপৰিঞ্ঞাপি আগতা এৱাতি ৱেদিতব্বা, তাসং অভিঞ্ঞেয্যধম্মৱিসযত্তা ঞাণস্স চ তীৰণপহানপৰিঞ্ঞাসম্ভৱতো. পৰিঞ্ঞেয্যপদে তীৰণপৰিঞ্ঞাৱ আগতা, পহাতব্বপদে পহানপৰিঞ্ঞাৱ আগতাতি যোজনা. ইতৰাপি দ্ৱে গহিতাযেৱ তাহি ৱিনা অত্থসিদ্ধিযা অভাৱতো. পচ্চক্খং কাতব্বং আৰম্মণতো অসম্মোহতো পটিৱিজ্ঝনেন. অৱুত্তাপি গহিতাযেৱ পৰিজাননস্স যাৱদেৱ পহানত্থত্তা. একসভাৱেন ৱিনাভাৱো অনেকগ্গট্ঠো. উপসট্ঠৰোগেন ৱিয অন্তো এৱ অভিহতসব্বতা উপহতট্ঠো.

সব্বঅনিচ্চৱগ্গৱণ্ণনা নিট্ঠিতা.

পঠমো পণ্ণাসকো.