৫. সত্তিসুত্তৱণ্ণনা

২২৭. অগ্গে পহৰিত্ৱাতি তিণ্হফলসত্তিযা অগ্গে হত্থেন ৱা মুট্ঠিনা ৱা পহাৰং দত্ৱা. কপ্পাসৱট্টিং ৱিযাতি পহতকপ্পাসপিণ্ডং ৱিয. নিয্যাসৱট্টিং ৱিযাতি ফলসণ্ঠানং নিয্যাসপিণ্ডং ৱিয. একতো কত্ৱাতি কলিকাদিভাৱেন ৱীসতিংসপিণ্ডানি একজ্ঝং কত্ৱা. অল্লিযাপেন্তো পিণ্ডং কৰোন্তো. পটিলেণেতীতি পটিলীনযতি নামেতি. অল্লিযাপেন্তো তে দ্ৱেপি ধাৰা একতো সম্ফুসাপেন্তো. পটিকোট্টেতীতি পটিপহৰতি. তত্থ খণ্ডং ৱিয নিয্যাসো. কপ্পাসৱট্টনকৰণীযন্তি ৱিহতস্স কপ্পাসস্স পটিসংহৰণৱসেন বন্ধনদণ্ডং. পৱত্তেন্তোতি কপ্পাসস্স সংৱেল্লনৱসেন পৱত্তেন্তো.

সত্তিসুত্তৱণ্ণনা নিট্ঠিতা.