৩. কুলসুত্তৱণ্ণনা

২২৫. ৱিধংসযন্তি ৱিহেঠযন্তি. ৱড্ঢিতাতি ভাৱনাপাৰিপূৰিৱসেন পৰিব্ৰূহিতা. পুনপ্পুনং কতাতি ভাৱনায বহুলীকৰণেন অপৰাপৰং পৱত্তিতা যুত্তযানং ৱিয কতাতি যথা যুত্তং আজঞ্ঞৰথং ছেকেন সাৰথিনা অধিট্ঠিতং যথাৰুচি পৱত্ততি, এৱং যথাৰুচি পৱত্তিযা গমিতা. পতিট্ঠানট্ঠেনাতি অধিট্ঠানট্ঠেন. ৱত্থু ৱিয কতা সব্বসো উপক্কিলেসৱিসোধনেন সুৱিসোধিতমৰিযাদং ৱিয কতা. অধিট্ঠিতাতি পটিপক্খদূৰীভাৱতো সুভাৱিতভাৱেন অৱিকম্পনেয্যতায ঠপিতা. সমন্ততো চিতাতি সব্বভাগেন ভাৱনূপচযং গমিতা. তেনাহ ‘‘সুৱড্ঢিতা’’তি. সুট্ঠু সমাৰদ্ধাতি মেত্তাভাৱনায মত্থকপ্পত্তিযা সম্মদেৱ সম্পাদিতা.

কুলসুত্তৱণ্ণনা নিট্ঠিতা.