৩. অস্সুসুত্তৱণ্ণনা

১২৬. কন্দনং সসদ্দং, ৰোদনং পন কেৱলমেৱাতি আহ ‘‘কন্দন্তানন্তি সসদ্দং ৰুদমানান’’ন্তি. পৱত্তন্তি সন্দনৱসেন পৱত্তং. ‘‘সিনেৰুৰস্মীহি পৰিচ্ছিন্নেসূ’’তি সঙ্খেপেন ৱুত্তমত্থং ৱিৱৰন্তো ‘‘সিনেৰুস্সা’’তিআদিমাহ. মণিমযন্তি ইন্দনীলমণিমযং. সিনেৰুস্স পুব্বদক্খিণকোণসমপদেসা ‘‘পুব্বদক্খিণপস্সা’’তি অধিপ্পেতা. তেহি নিক্খন্তৰজতৰস্মিযো ইন্দনীলৰস্মিযো চ একতো হুত্ৱা. তাসং ৰস্মীনং অন্তৰেসূতি তাসং চতূহি কোণেহি নিক্খন্তৰস্মীনং চতূসু অন্তৰেসু. চত্তাৰোতি দক্খিণাদিভেদা চত্তাৰো মহাসমুদ্দা হোন্তি. ৱিঅসনন্তি ৱিসেসেন খেপনং. কিং পন তন্তি আহ ‘‘ৱিনাসোতি অত্থো’’তি.

অস্সুসুত্তৱণ্ণনা নিট্ঠিতা.