৬. লকুণ্ডকভদ্দিযসুত্তৱণ্ণনা

২৪০. ৱিৰূপসৰীৰৱণ্ণন্তি অসুন্দৰছৱিৱণ্ণঞ্চেৱ অসুন্দৰসণ্ঠানঞ্চ. পমাণৱসেনাতি সৰীৰপ্পমাণৱসেন. ইচ্ছিতিচ্ছিতন্তি অত্তনা ইচ্ছিতিচ্ছিতং. মহাসাৰজ্জন্তি মহন্তো মঙ্কুভাৱো.

গুণে আৱজ্জেত্ৱাতি অত্তনা জাননকনিযামেন সত্থুনো কাযগুণে চ চাৰিত্তগুণে চ আৱজ্জেত্ৱা মনসি কত্ৱা.

যোজনাৱট্টন্তি যোজনপৰিক্খেপং.

‘‘কাযস্মী’’তি গাথাসুখত্থং নিৰনুনাসিকং কত্ৱা নিদ্দেসোতি ৱুত্তং ‘‘কাযস্মি’’ন্তি. অকাৰণং কাযপ্পমাণন্তি সৰীৰপ্পমাণং নাম অপ্পমাণং, সীলাদিগুণাৱ পমাণন্তি অধিপ্পাযো.

লকুণ্ডকভদ্দিযসুত্তৱণ্ণনা নিট্ঠিতা.