১০. মোগ্গল্লানসুত্তৱণ্ণনা

২১৮. পচ্চৱেক্খতীতি তেসং অৰিযানং চিত্তং অত্তনো ঞাণচক্খুনা পতি অৱেক্খতি পচ্চৱেক্খতি. পব্বতস্সাতি ইসিগিলিপব্বতস্স. দুক্খপাৰং গতন্তি ৱট্টদুক্খস্স পাৰং পৰিযন্তং গতং. সব্বগুণসম্পন্নন্তি সব্বেহি বুদ্ধগুণেহি চ সাৱকগুণেহি চ পৰিপুণ্ণং. অনেকাকাৰসম্পন্নন্তি ৰূপঘোসলূখধম্মপ্পমাণিকানং সত্তানং তেহি তেহি আকাৰেহি সব্বেসঞ্চ অনেকেহি অনন্তাপৰিমেয্যেহি পসীদিতব্বাকাৰেহি সমন্নাগতং. তে পন আকাৰা যস্মা অনঞ্ঞসাধাৰণা বুদ্ধগুণা এৱ, তস্মা আহ ‘‘অনেকেহি গুণেহি সমন্নাগত’’ন্তি.

মোগ্গল্লানসুত্তৱণ্ণনা নিট্ঠিতা.