২. দুতিযকস্সপসুত্তৱণ্ণনা

৮৩. দ্ৱীহি ঝানেহীতি আৰম্মণলক্খণূপনিজ্ঝানলক্খণেহি দ্ৱীহি ঝানেহি. কম্মট্ঠানৱিমুত্তিযাতি কম্মট্ঠানানুযোগলদ্ধায ৱিমুত্তিযা. তেন তদঙ্গৱিক্খম্ভনৱিমুত্তিযো ৱদতি. সত্থুসাসনস্স হদযত্তা অব্ভন্তৰত্তা হদযস্স মানসস্স, অনুপত্তিং পটিলাভমানসং. তং পন অত্থতো অঞ্ঞা এৱাতি আহ ‘‘অৰহত্ত’’ন্তি. তং পত্তুকামেন একন্ততো ৱজ্জেতব্বতণ্হাদিট্ঠীনং ভাৱে তস্স অনিজ্ঝনতো, তদভাৱে ইজ্ঝনতো চ তে উপ্পাদনৱসেন যদগ্গেন নিস্সিতো, তদগ্গেন পনাযম্পি তেহি নিস্সিতো নাম হোতীতি আহ ‘‘অনিস্সিতো’’তিআদি. অৰহত্তং আনিসংসিতব্বট্ঠেন আনিসংসং এতস্সাতি অৰহত্তানিসংসো. অৰহত্তং পত্তুকামস্স পুব্বভাগপটিপদা ইচ্ছিতব্বা. তত্থ চ সব্বপঠমো কম্মট্ঠানঅত্তানুযোগো, সো ইধ ন গহিতোতি আহ ‘‘তন্তিধম্মো পুব্বভাগো’’তি. তত্থ তন্তিধম্মোতি পৰিযত্তিধম্মো.

দুতিযকস্সপসুত্তৱণ্ণনা নিট্ঠিতা.