২. সক্কনামসুত্তৱণ্ণনা

২৩৬. সক্কনামকোতি বলিপুত্তো ৱিয সক্কস্স ৱসেন গহিতনামো. ‘‘এসো কিৰা’’তি পাঠো. ‘‘একো কিৰা’’তিপি লিখন্তি. মাৰস্স পক্খে গতো মাৰপক্খিকো. যদঞ্ঞন্তি এত্থ যন্তি কিৰিযাপৰামসনং, তস্মা যং অঞ্ঞস্স অনুসাসনং, তং সমণস্স ন সাধূতি যোজনা. কাৰণেনাতি কাৰণমত্তেন সংৱাসো জাযতি. যেন কেনচি গহট্ঠেন ৱা পব্বজিতেন ৱা. তং কাৰণন্তৰং সমাগতং পুৰিসং সপ্পঞ্ঞো সম্বুদ্ধো অনুকম্পিতুং নাৰহতি ৱিসেসাধিগমাভাৱা, সতি পন তস্মিং সৱিসেসং পসাদো হোতীতি. মনসা চে…পে… ন তেন হোতি সংযুত্তো সিনেহৱসেন অনুকম্পা অনুদ্দযা তস্সা অসংকিলিট্ঠসভাৱত্তা.

সক্কনামসুত্তৱণ্ণনা নিট্ঠিতা.