২. গৰুকাপত্তিনিদ্দেসো

১০. মোচেতুকামচিত্তেন, উপক্কম্ম ৱিমোচযং;

সুক্কমঞ্ঞত্ৰ সুপিনা, সমণো গৰুকং ফুসে.

১১. কাযসংসগ্গৰাগেন, মনুস্সিত্থিং পৰামসং;

ইত্থিসঞ্ঞী উপক্কম্ম, সমণো গৰুকং ফুসে.

১২. দুট্ঠুল্লৱাচস্সাদেন, মগ্গং ৱাৰব্ভ মেথুনং;

ওভাসন্তো মনুস্সিত্থিং, সুণমানং গৰুং ফুসে.

১৩. ৱণ্ণং ৱত্ৱাত্তনোকাম-পাৰিচৰিযায মেথুনং;

ইত্থিং মেথুনৰাগেন, যাচমানো গৰুং ফুসে.

১৪. সন্দেসং পটিগ্গণ্হিত্ৱা, পুৰিসস্সিত্থিযাপি ৱা;

ৱীমংসিত্ৱা হৰংপচ্চা, সমণো গৰুকং ফুসে.

১৫. চাৱেতুকামো চোদেন্তো, অমূলন্তিমৱত্থুনা;

চোদাপযং ৱা সমণো, সুণমানং গৰুং ফুসে.

১৬. লেসমত্তং উপাদায, অমূলন্তিমৱত্থুনা;

চাৱেতুকামো চোদেন্তো, সুণমানং গৰুং ফুসেতি.