৩৩. কাযবন্ধননিদ্দেসো

কাযবন্ধনন্তি –

২৩৫. অকাযবন্ধনো গামং, দুক্কটং পৱিসেয্য চে;

বন্ধেয্য যত্থ সৰতি, তত্থেৱাসতিযা গতো.

২৩৬. পট্টিকা সূকৰন্তন্তি, দুৱিধং কাযবন্ধনং;

দুস্সপট্টো চ ৰজ্জু চ, একা তদনুলোমিকা.

২৩৭. মচ্ছকণ্টকখজ্জূৰী-পত্তা মট্ঠা চ পট্টিকা;

লব্ভা দসা চতস্সোপি, অন্তে দিগুণসুত্তকং.

২৩৮. মালাদিং কক্কটচ্ছাদিং, দস্সেত্ৱা গুণসুত্তক;

কোট্টিতা কুঞ্জৰচ্ছাদিং, পট্টিকা ন চ কপ্পতি.

২৩৯. ঘটকং মকৰমুখাদিং, ন কপ্পন্তি দসামুখে;

উভন্তে ঘটকা লেখা, ৱিধে অঞ্ঞঞ্চ চিত্তকং.

২৪০. দেড্ডুভকঞ্চ মুৰজং, মদ্দৱীণং কলাবুকং;

ন কপ্পন্তি দসাসু দ্ৱে, মজ্ঝিমাযেৱ কপ্পৰে.

২৪১. ৱেড়ুদন্তৱিসাণট্ঠিকট্ঠলাখাফলামযা;

সঙ্খনাভিমযা সুত্তনড়লোহমযাপি চ;

ৱিধা কপ্পন্তি কপ্পিযা, গণ্ঠিযো চাপি তম্মযাতি.

পঠমভাণৱাৰং নিট্ঠিতং.