৩২. নিস্সযনিদ্দেসো

নিস্সযোতি –

২৩০. ব্যত্তস্স পঞ্চৱস্সস্স, নত্থি নিস্সয কাৰিযং;

যাৱজীৱম্পি অব্যত্তো, নিস্সিতোযেৱ জীৱতি.

২৩১. একংসং চীৱৰং কত্ৱা, পগ্গণ্হিত্ৱান অঞ্জলিং;

উক্কুটিকং নিসীদিত্ৱা, ৱদে যাৱততীযকং;

‘‘আচৰিযো মে, ভন্তে, হোহি,

আযস্মতো নিস্সায ৱচ্ছামী’’তি.

২৩২. পক্কন্তে পক্খসঙ্কন্তে, ৱিব্ভন্তে ৱাপি নিস্সযো;

মৰণাণত্তুপজ্ঝায-সমোধানেহি সম্মতি.

২৩৩. নিস্সায ন ৱসেলজ্জিং, অপুব্বং ঠানমাগতো;

আগমে চতুপঞ্চাহং, ঞাতুং ভিক্খুসভাগতং.

২৩৪. অদ্ধিকস্স গিলানস্স, গিলানুপট্ঠকস্স চ;

যাচিতস্স অৰঞ্ঞে ৱা, সল্লক্খন্তেন ফাসুকং;

সভাগে দাযকেসন্তে, ৱসিতুং তাৱ লব্ভতীতি.