২৪. অঞ্জনীনিদ্দেসো

অঞ্জনীতি –

১৮২. ৱট্টাট্ঠসোড়সংসা ৱা, মট্ঠা ৱট্টতি অঞ্জনী;

তিস্সোপি মূলে গীৱাযং, লেখা একাৱ বন্ধিতুং.

১৮৩. যং কিঞ্চি ৰূপং মালাদিকম্মং মকৰদন্তকং;

গোমুত্তকড্ঢচন্দাদি-ৱিকাৰং নেত্থ ৱট্টতি.

১৮৪. লব্ভেকৱণ্ণসুত্তেন, সিব্বিতুং থৱিকা তথা;

সিপাটি কুঞ্চিকাকোসো, সলাকাপি অচিত্তকা.

১৮৫. সঙ্খনাভিৱিসাণট্ঠি-নড়দন্তমযা তথা;

ফলকট্ঠমযা ৱেড়ু-লাখালোহমযাপি চ.

১৮৬. অঞ্জনিযো সলাকাযো, ধূমনেত্তা চ লব্ভৰে;

তথা সত্থকদণ্ডানি, নত্থুদানা চ তম্মযাতি.