১-১০. সম্বাধসুত্তাদিৱণ্ণনা

৪২-৫১. পঞ্চমস্স পঠমে উদাযীতি তযো থেৰা উদাযী নাম কাড়ুদাযী, লাড়ুদাযী, মহাউদাযীতি, ইধ কাড়ুদাযী অধিপ্পেতোতি আহ ‘‘উদাযীতি কাড়ুদাযিত্থেৰো’’তি. সম্বাধেতি সম্পীড়িততণ্হাসংকিলেসাদিনা সউপ্পীড়নতায পৰমসম্বাধে. অতিৱিয সঙ্কৰট্ঠানভূতো হি নীৱৰণসম্বাধো অধিপ্পেতো. ওকাসোতি ঝানস্সেতং নামং. নীৱৰণসম্বাধাভাৱেন হি ঝানং ইধ ‘‘ওকাসো’’তি ৱুত্তং. পটিলীননিসভোতি ৱা পটিলীনো হুত্ৱা সেট্ঠো, পটিলীনানং ৱা সেট্ঠোতি পটিলীননিসভো. পটিলীনা নাম পহীনমানা ৱুচ্চন্তি মানুস্সযৱসেন উণ্ণতাভাৱতো. যথাহ ‘‘কথঞ্চ, ভিক্খৱে, ভিক্খু পটিলীনো হোতি? ইধ, ভিক্খৱে, ভিক্খুনো অস্মিমানো পহীনো হোতি উচ্ছিন্নমূলো তালাৱত্থুকতো অনভাৱংগতো আযতিং অনুপ্পাদধম্মো’’তি (অ. নি. ৪.৩৮; মহানি. ৮৭). সেসং সব্বত্থ উত্তানমেৱ.

সম্বাধসুত্তাদিৱণ্ণনা নিট্ঠিতা.

ইতি মনোৰথপূৰণিযা অঙ্গুত্তৰনিকায-অট্ঠকথায

নৱকনিপাতৱণ্ণনায অনুত্তানত্থদীপনা সমত্তা.