৫. দুতিযকণ্ডকীসুত্তং

৯০৩. সাকেতনিদানং. একমন্তং নিসিন্নো খো আযস্মা সাৰিপুত্তো আযস্মন্তং অনুৰুদ্ধং এতদৱোচ – ‘‘অসেখেনাৱুসো অনুৰুদ্ধ, ভিক্খুনা কতমে ধম্মা উপসম্পজ্জ ৱিহাতব্বা’’তি? ‘‘অসেখেনাৱুসো সাৰিপুত্ত, ভিক্খুনা চত্তাৰো সতিপট্ঠানা উপসম্পজ্জ ৱিহাতব্বা. কতমে চত্তাৰো? ইধাৱুসো, ভিক্খু কাযে কাযানুপস্সী ৱিহৰতি আতাপী সম্পজানো সতিমা, ৱিনেয্য লোকে অভিজ্ঝাদোমনস্সং; ৱেদনাসু…পে… চিত্তে…পে… ধম্মেসু ধম্মানুপস্সী ৱিহৰতি আতাপী সম্পজানো সতিমা, ৱিনেয্য লোকে অভিজ্ঝাদোমনস্সং – অসেখেনাৱুসো সাৰিপুত্ত, ভিক্খুনা ইমে চত্তাৰো সতিপট্ঠানা উপসম্পজ্জ ৱিহাতব্বা’’তি. পঞ্চমং.