১১. পঞ্চগতিপেয্যালৱগ্গো

১. মনুস্সচুতিনিৰযসুত্তং

১১৭২. অথ খো ভগৱা পৰিত্তং নখসিখাযং পংসুং আৰোপেত্ৱা ভিক্খূ আমন্তেসি – ‘‘তং কিং মঞ্ঞথ, ভিক্খৱে, কতমং নু খো বহুতৰং – যো ৱাযং মযা পৰিত্তো নখসিখাযং পংসু আৰোপিতো, অযং ৱা মহাপথৱী’’তি? ‘‘এতদেৱ, ভন্তে, বহুতৰং, যদিদং – মহাপথৱী; অপ্পমত্তকাযং ভগৱতা পৰিত্তো নখসিখাযং পংসু আৰোপিতো. সঙ্খম্পি ন উপেতি, উপনিধম্পি ন উপেতি, কলভাগম্পি ন উপেতি মহাপথৱিং উপনিধায ভগৱতা পৰিত্তো নখসিখাযং পংসু আৰোপিতো’’তি. এৱমেৱ খো, ভিক্খৱে, অপ্পকা তে সত্তা যে মনুস্সা চুতা মনুস্সেসু পচ্চাজাযন্তি; অথ খো এতেৱ বহুতৰা সত্তা যে মনুস্সা চুতা নিৰযে পচ্চাজাযন্তি…পে…. পঠমং.

২. মনুস্সচুতিতিৰচ্ছানসুত্তং

১১৭৩. …পে… ‘‘এৱমেৱ খো, ভিক্খৱে, অপ্পকা তে সত্তা যে মনুস্সা চুতা মনুস্সেসু পচ্চাজাযন্তি; অথ খো এতেৱ বহুতৰা সত্তা যে মনুস্সা চুতা তিৰচ্ছানযোনিযা পচ্চাজাযন্তি…পে…. দুতিযং.

৩. মনুস্সচুতিপেত্তিৱিসযসুত্তং

১১৭৪. …পে… ‘‘এৱমেৱ খো, ভিক্খৱে, অপ্পকা তে সত্তা যে মনুস্সা চুতা মনুস্সেসু পচ্চাজাযন্তি; অথ খো এতেৱ বহুতৰা সত্তা যে মনুস্সা চুতা পেত্তিৱিসযে পচ্চাজাযন্তি…পে…. ততিযং.

৪-৫-৬. মনুস্সচুতিদেৱনিৰযাদিসুত্তং

১১৭৫-১১৭৭. …পে… ‘‘এৱমেৱ খো, ভিক্খৱে, অপ্পকা তে সত্তা যে মনুস্সা চুতা দেৱেসু পচ্চাজাযন্তি; অথ খো এতেৱ বহুতৰা সত্তা যে মনুস্সা চুতা নিৰযে পচ্চাজাযন্তি…পে… তিৰচ্ছানযোনিযা পচ্চাজাযন্তি…পে… পেত্তিৱিসযে পচ্চাজাযন্তি…পে…. ছট্ঠং.

৭-৯. দেৱচুতিনিৰযাদিসুত্তং

১১৭৮-১১৮০. …পে… ‘‘এৱমেৱ খো, ভিক্খৱে, অপ্পকা তে সত্তা যে দেৱা চুতা দেৱেসু পচ্চাজাযন্তি; অথ খো এতেৱ বহুতৰা সত্তা যে দেৱা চুতা নিৰযে পচ্চাজাযন্তি…পে… তিৰচ্ছানযোনিযা পচ্চাজাযন্তি…পে… পেত্তিৱিসযে পচ্চাজাযন্তি…পে…. নৱমং.

১০-১২. দেৱমনুস্সনিৰযাদিসুত্তং

১১৮১-১১৮৩. …পে… ‘‘এৱমেৱ খো, ভিক্খৱে, অপ্পকা তে সত্তা যে দেৱা চুতা মনুস্সেসু পচ্চাজাযন্তি; অথ খো এতেৱ বহুতৰা সত্তা যে দেৱা চুতা নিৰযে পচ্চাজাযন্তি…পে… তিৰচ্ছানযোনিযা পচ্চাজাযন্তি…পে… পেত্তিৱিসযে পচ্চাজাযন্তি…পে…. দ্ৱাদসমং.

১৩-১৫. নিৰযমনুস্সনিৰযাদিসুত্তং

১১৮৪-১১৮৬. …পে… ‘‘এৱমেৱ খো, ভিক্খৱে, অপ্পকা তে সত্তা যে নিৰযা চুতা মনুস্সেসু পচ্চাজাযন্তি; অথ খো এতেৱ বহুতৰা সত্তা যে নিৰযা চুতা নিৰযে পচ্চাজাযন্তি…পে… তিৰচ্ছানযোনিযা পচ্চাজাযন্তি…পে… পেত্তিৱিসযে পচ্চাজাযন্তি…পে…. পন্নৰসমং.

১৬-১৮. নিৰযদেৱনিৰযাদিসুত্তং

১১৮৭-১১৮৯. …পে… ‘‘এৱমেৱ খো, ভিক্খৱে, অপ্পকা তে সত্তা যে নিৰযা চুতা দেৱেসু পচ্চাজাযন্তি; অথ খো এতেৱ বহুতৰা সত্তা যে নিৰযা চুতা নিৰযে পচ্চাজাযন্তি…পে… তিৰচ্ছানযোনিযা পচ্চাজাযন্তি…পে… পেত্তিৱিসযে পচ্চাজাযন্তি…পে…. অট্ঠাৰসমং.

১৯-২১. তিৰচ্ছানমনুস্সনিৰযাদিসুত্তং

১১৯০-১১৯২. …পে… ‘‘এৱমেৱ খো, ভিক্খৱে, অপ্পকা তে সত্তা যে তিৰচ্ছানযোনিযা চুতা মনুস্সেসু পচ্চাজাযন্তি; অথ খো এতেৱ বহুতৰা সত্তা যে তিৰচ্ছানযোনিযা চুতা নিৰযে পচ্চাজাযন্তি…পে… তিৰচ্ছানযোনিযা পচ্চাজাযন্তি…পে… পেত্তিৱিসযে পচ্চাজাযন্তি…পে…. একৱীসতিমং.

২২-২৪. তিৰচ্ছানদেৱনিৰযাদিসুত্তং

১১৯৩-১১৯৫. …পে… ‘‘এৱমেৱ খো, ভিক্খৱে, অপ্পকা তে সত্তা যে তিৰচ্ছানযোনিযা চুতা দেৱেসু পচ্চাজাযন্তি; অথ খো এতেৱ বহুতৰা সত্তা যে তিৰচ্ছানযোনিযা চুতা নিৰযে পচ্চাজাযন্তি…পে… তিৰচ্ছানযোনিযা পচ্চাজাযন্তি…পে… পেত্তিৱিসযে পচ্চাজাযন্তি…পে…. চতুৱীসতিমং.

২৫-২৭. পেত্তিমনুস্সনিৰযাদিসুত্তং

১১৯৬-১১৯৮. …পে… ‘‘এৱমেৱ খো, ভিক্খৱে, অপ্পকা তে সত্তা যে পেত্তিৱিসযা চুতা মনুস্সেসু পচ্চাজাযন্তি; অথ খো এতেৱ বহুতৰা সত্তা যে পেত্তিৱিসযা চুতা নিৰযে পচ্চাজাযন্তি…পে… তিৰচ্ছানযোনিযা পচ্চাজাযন্তি…পে… পেত্তিৱিসযে পচ্চাজাযন্তি…পে…. সত্তৱীসতিমং.

২৮-২৯. পেত্তিদেৱনিৰযাদিসুত্তং

১১৯৯-১২০০. …পে… ‘‘এৱমেৱ খো, ভিক্খৱে, অপ্পকা তে সত্তা যে পেত্তিৱিসযা চুতা দেৱেসু পচ্চাজাযন্তি; অথ খো এতেৱ বহুতৰা সত্তা যে পেত্তিৱিসযা চুতা নিৰযে পচ্চাজাযন্তি…পে… এৱমেৱ খো, ভিক্খৱে, অপ্পকা তে সত্তা যে পেত্তিৱিসযা চুতা দেৱেসু পচ্চাজাযন্তি; অথ খো এতেৱ বহুতৰা সত্তা যে পেত্তিৱিসযা চুতা তিৰচ্ছানযোনিযা পচ্চাজাযন্তি…পে…. একূনতিংসতিমং.

৩০. পেত্তিদেৱপেত্তিৱিসযসুত্তং

১২০১. …পে… ‘‘এৱমেৱ খো, ভিক্খৱে, অপ্পকা তে সত্তা যে পেত্তিৱিসযা চুতা দেৱেসু পচ্চাজাযন্তি; অথ খো এতেৱ বহুতৰা সত্তা যে পেত্তিৱিসযা চুতা পেত্তিৱিসযে পচ্চাজাযন্তি. তং কিস্স হেতু? অদিট্ঠত্তা ভিক্খৱে, চতুন্নং অৰিযসচ্চানং. কতমেসং চতুন্নং? দুক্খস্স অৰিযসচ্চস্স, দুক্খসমুদযস্স অৰিযসচ্চস্স, দুক্খনিৰোধস্স অৰিযসচ্চস্স, দুক্খনিৰোধগামিনিযা পটিপদায অৰিযসচ্চস্স’’.

‘‘তস্মাতিহ, ভিক্খৱে, ‘ইদং দুক্খ’ন্তি যোগো কৰণীযো, ‘অযং দুক্খসমুদযো’তি যোগো কৰণীযো, ‘অযং দুক্খনিৰোধো’তি যোগো কৰণীযো, ‘অযং দুক্খনিৰোধগামিনী পটিপদা’তি যোগো কৰণীযো’’তি. ইদমৱোচ ভগৱা. অত্তমনা তে ভিক্খূ ভগৱতো ভাসিতং অভিনন্দুন্তি. তিংসতিমং.

পঞ্চগতিপেয্যালৱগ্গো একাদসমো.

তস্সুদ্দানং –

মনুস্সতো চুতা ছাপি, দেৱা চুতা নিৰযতো;

তিৰচ্ছানপেত্তিৱিসযা, তিংসমত্তো গতিৱগ্গোতি.

সচ্চসংযুত্তং দ্ৱাদসমং.