২-৬. দুতিযাদিসমুদ্দনিন্নসুত্তপঞ্চকং

১১০. ‘‘সেয্যথাপি, ভিক্খৱে, যমুনা নদী সমুদ্দনিন্না সমুদ্দপোণা সমুদ্দপব্ভাৰা; এৱমেৱ খো, ভিক্খৱে, ভিক্খু…পে… দুতিযং.

১১১. ‘‘সেয্যথাপি, ভিক্খৱে, অচিৰৱতী নদী সমুদ্দনিন্না সমুদ্দপোণা সমুদ্দপব্ভাৰা; এৱমেৱ খো, ভিক্খৱে, ভিক্খু…পে… ততিযং.

১১২. ‘‘সেয্যথাপি, ভিক্খৱে, সৰভূ নদী সমুদ্দনিন্না সমুদ্দপোণা সমুদ্দপব্ভাৰা; এৱমেৱ খো, ভিক্খৱে, ভিক্খু…পে… চতুত্থং.

১১৩. ‘‘সেয্যথাপি, ভিক্খৱে, মহী নদী সমুদ্দনিন্না সমুদ্দপোণা সমুদ্দপব্ভাৰা; এৱমেৱ খো, ভিক্খৱে, ভিক্খু…পে… পঞ্চমং.

১১৪. ‘‘সেয্যথাপি, ভিক্খৱে, যা কাচিমা মহানদিযো, সেয্যথিদং – গঙ্গা, যমুনা, অচিৰৱতী, সৰভূ, মহী, সব্বা তা সমুদ্দনিন্না সমুদ্দপোণা সমুদ্দপব্ভাৰা; এৱমেৱ খো, ভিক্খৱে, ভিক্খু অৰিযং অট্ঠঙ্গিকং মগ্গং ভাৱেন্তো অৰিযং অট্ঠঙ্গিকং মগ্গং বহুলীকৰোন্তো নিব্বাননিন্নো হোতি নিব্বানপোণো নিব্বানপব্ভাৰো. কথঞ্চ, ভিক্খৱে, ভিক্খু অৰিযং অট্ঠঙ্গিকং মগ্গং ভাৱেন্তো অৰিযং অট্ঠঙ্গিকং মগ্গং বহুলীকৰোন্তো নিব্বাননিন্নো হোতি নিব্বানপোণো নিব্বানপব্ভাৰো? ইধ, ভিক্খৱে, ভিক্খু সম্মাদিট্ঠিং ভাৱেতি ৰাগৱিনযপৰিযোসানং দোসৱিনযপৰিযোসানং মোহৱিনযপৰিযোসানং…পে… সম্মাসমাধিং ভাৱেতি ৰাগৱিনযপৰিযোসানং দোসৱিনযপৰিযোসানং মোহৱিনযপৰিযোসানং. এৱং খো, ভিক্খৱে, ভিক্খু অৰিযং অট্ঠঙ্গিকং মগ্গং ভাৱেন্তো অৰিযং অট্ঠঙ্গিকং মগ্গং বহুলীকৰোন্তো নিব্বাননিন্নো হোতি নিব্বানপোণো নিব্বানপব্ভাৰো’’তি. ছট্ঠং.

(ৰাগৱিনযদ্ৱাদসকী দুতিযকী সমুদ্দনিন্নন্তি).