৬. কিলেসসংযুত্তং

১. চক্খুসুত্তং

৩২২. সাৱত্থিনিদানং. ‘‘যো, ভিক্খৱে, চক্খুস্মিং ছন্দৰাগো, চিত্তস্সেসো উপক্কিলেসো. যো সোতস্মিং ছন্দৰাগো, চিত্তস্সেসো উপক্কিলেসো. যো ঘানস্মিং ছন্দৰাগো, চিত্তস্সেসো উপক্কিলেসো. যো জিৱ্হায ছন্দৰাগো, চিত্তস্সেসো উপক্কিলেসো. যো কাযস্মিং ছন্দৰাগো, চিত্তস্সেসো উপক্কিলেসো. যো মনস্মিং ছন্দৰাগো, চিত্তস্সেসো উপক্কিলেসো. যতো খো, ভিক্খৱে, ভিক্খুনো ইমেসু ছসু ঠানেসু চেতসো উপক্কিলেসো পহীনো হোতি, নেক্খম্মনিন্নঞ্চস্স চিত্তং হোতি. নেক্খম্মপৰিভাৱিতং চিত্তং কম্মনিযং খাযতি, অভিঞ্ঞা সচ্ছিকৰণীযেসু ধম্মেসূ’’তি. পঠমং.

২. ৰূপসুত্তং

৩২৩. সাৱত্থিনিদানং. ‘‘যো, ভিক্খৱে, ৰূপেসু ছন্দৰাগো, চিত্তস্সেসো উপক্কিলেসো. যো সদ্দেসু… যো গন্ধেসু… যো ৰসেসু… যো ফোট্ঠব্বেসু… যো ধম্মেসু ছন্দৰাগো, চিত্তস্সেসো উপক্কিলেসো. যতো খো, ভিক্খৱে, ভিক্খুনো ইমেসু ছসু ঠানেসু চেতসো উপক্কিলেসো পহীনো হোতি, নেক্খম্মনিন্নঞ্চস্স চিত্তং হোতি. নেক্খম্মপৰিভাৱিতং চিত্তং কম্মনিযং খাযতি, অভিঞ্ঞা সচ্ছিকৰণীযেসু ধম্মেসূ’’তি. দুতিযং.

৩. ৱিঞ্ঞাণসুত্তং

৩২৪. সাৱত্থিনিদানং. ‘‘যো, ভিক্খৱে, চক্খুৱিঞ্ঞাণস্মিং ছন্দৰাগো, চিত্তস্সেসো উপক্কিলেসো. যো সোতৱিঞ্ঞাণস্মিং… যো ঘানৱিঞ্ঞাণস্মিং… যো জিৱ্হাৱিঞ্ঞাণস্মিং… যো কাযৱিঞ্ঞাণস্মিং… যো মনোৱিঞ্ঞাণস্মিং ছন্দৰাগো, চিত্তস্সেসো উপক্কিলেসো. যতো খো, ভিক্খৱে, ভিক্খুনো ইমেসু ছসু ঠানেসু চেতসো উপক্কিলেসো পহীনো হোতি, নেক্খম্মনিন্নঞ্চস্স চিত্তং হোতি. নেক্খম্মপৰিভাৱিতং চিত্তং কম্মনিযং খাযতি, অভিঞ্ঞা সচ্ছিকৰণীযেসু ধম্মেসূ’’তি. ততিযং.

৪. সম্ফস্সসুত্তং

৩২৫. সাৱত্থিনিদানং. ‘‘যো, ভিক্খৱে, চক্খুসম্ফস্সস্মিং ছন্দৰাগো, চিত্তস্সেসো উপক্কিলেসো. যো সোতসম্ফস্সস্মিং… যো ঘানসম্ফস্সস্মিং… যো জিৱ্হাসম্ফস্সস্মিং… যো কাযসম্ফস্সস্মিং… যো মনোসম্ফস্সস্মিং ছন্দৰাগো, চিত্তস্সেসো উপক্কিলেসো. যতো খো, ভিক্খৱে, ভিক্খুনো…পে… অভিঞ্ঞা সচ্ছিকৰণীযেসু ধম্মেসূ’’তি. চতুত্থং.

৫. সম্ফস্সজসুত্তং

৩২৬. সাৱত্থিনিদানং. ‘‘যো, ভিক্খৱে, চক্খুসম্ফস্সজায ৱেদনায ছন্দৰাগো, চিত্তস্সেসো উপক্কিলেসো. যো সোতসম্ফস্সজায ৱেদনায… যো ঘানসম্ফস্সজায ৱেদনায… যো জিৱ্হাসম্ফস্সজায ৱেদনায… যো কাযসম্ফস্সজায ৱেদনায… যো মনোসম্ফস্সজায ৱেদনায ছন্দৰাগো, চিত্তস্সেসো উপক্কিলেসো. যতো খো, ভিক্খৱে, ভিক্খুনো…পে… অভিঞ্ঞা সচ্ছিকৰণীযেসু ধম্মেসূ’’তি. পঞ্চমং.

৬. সঞ্ঞাসুত্তং

৩২৭. সাৱত্থিনিদানং. ‘‘যো, ভিক্খৱে, ৰূপসঞ্ঞায ছন্দৰাগো, চিত্তস্সেসো উপক্কিলেসো. যো সদ্দসঞ্ঞায… যো গন্ধসঞ্ঞায… যো ৰসসঞ্ঞায… যো ফোট্ঠব্বসঞ্ঞায… যো ধম্মসঞ্ঞায ছন্দৰাগো, চিত্তস্সেসো উপক্কিলেসো. যতো খো, ভিক্খৱে, ভিক্খুনো…পে… অভিঞ্ঞা সচ্ছিকৰণীযেসু ধম্মেসূ’’তি. ছট্ঠং.

৭. সঞ্চেতনাসুত্তং

৩২৮. সাৱত্থিনিদানং. ‘‘যো, ভিক্খৱে, ৰূপসঞ্চেতনায ছন্দৰাগো, চিত্তস্সেসো উপক্কিলেসো. যো সদ্দসঞ্চেতনায… যো গন্ধসঞ্চেতনায… যো ৰসসঞ্চেতনায… যো ফোট্ঠব্বসঞ্চেতনায… যো ধম্মসঞ্চেতনায ছন্দৰাগো, চিত্তস্সেসো উপক্কিলেসো. যতো খো, ভিক্খৱে, ভিক্খুনো…পে… অভিঞ্ঞা সচ্ছিকৰণীযেসু ধম্মেসূ’’তি. সত্তমং.

৮. তণ্হাসুত্তং

৩২৯. সাৱত্থিনিদানং. ‘‘যো, ভিক্খৱে, ৰূপতণ্হায ছন্দৰাগো, চিত্তস্সেসো উপক্কিলেসো. যো সদ্দতণ্হায… যো গন্ধতণ্হায… যো ৰসতণ্হায… যো ফোট্ঠব্বতণ্হায… যো ধম্মতণ্হায ছন্দৰাগো, চিত্তস্সেসো উপক্কিলেসো. যতো খো, ভিক্খৱে, ভিক্খুনো…পে… অভিঞ্ঞা সচ্ছিকৰণীযেসু ধম্মেসূ’’তি. অট্ঠমং.

৯. ধাতুসুত্তং

৩৩০. সাৱত্থিনিদানং. ‘‘যো, ভিক্খৱে, পথৱীধাতুযা ছন্দৰাগো, চিত্তস্সেসো উপক্কিলেসো. যো আপোধাতুযা… যো তেজোধাতুযা… যো ৱাযোধাতুযা… যো আকাসধাতুযা… যো ৱিঞ্ঞাণধাতুযা ছন্দৰাগো, চিত্তস্সেসো উপক্কিলেসো. যতো খো, ভিক্খৱে, ভিক্খুনো ইমেসু ছসু ঠানেসু চেতসো উপক্কিলেসো পহীনো হোতি, নেক্খম্মনিন্নঞ্চস্স চিত্তং হোতি. নেক্খম্মপৰিভাৱিতং চিত্তং কম্মনিযং খাযতি, অভিঞ্ঞা সচ্ছিকৰণীযেসু ধম্মেসূ’’তি. নৱমং.

১০. খন্ধসুত্তং

৩৩১. সাৱত্থিনিদানং. ‘‘যো, ভিক্খৱে, ৰূপস্মিং ছন্দৰাগো, চিত্তস্সেসো উপক্কিলেসো…পে… যো ৱিঞ্ঞাণস্মিং ছন্দৰাগো, চিত্তস্সেসো উপক্কিলেসো. যতো খো, ভিক্খৱে, ভিক্খুনো ইমেসু পঞ্চসু ঠানেসু চেতসো উপক্কিলেসো পহীনো হোতি, নেক্খম্মনিন্নঞ্চস্স চিত্তং হোতি. নেক্খম্মপৰিভাৱিতং চিত্তং কম্মনিযং খাযতি, অভিঞ্ঞা সচ্ছিকৰণীযেসু ধম্মেসূ’’তি. দসমং.

কিলেসসংযুত্তং সমত্তং.