২০-২৭. ঠিতিমূলকৱুট্ঠানসুত্তাদিঅট্ঠকং

৬৮১-৬৮৮. সাৱত্থিনিদানং. ‘‘চত্তাৰোমে, ভিক্খৱে, ঝাযী. কতমে চত্তাৰো? ইধ, ভিক্খৱে, একচ্চো ঝাযী সমাধিস্মিং ঠিতিকুসলো হোতি, ন সমাধিস্মিং ৱুট্ঠানকুসলো. ইধ পন, ভিক্খৱে, একচ্চো ঝাযী সমাধিস্মিং ৱুট্ঠানকুসলো হোতি, ন সমাধিস্মিং ঠিতিকুসলো. ইধ পন, ভিক্খৱে, একচ্চো ঝাযী নেৱ সমাধিস্মিং ঠিতিকুসলো হোতি, ন চ সমাধিস্মিং ৱুট্ঠানকুসলো. ইধ পন, ভিক্খৱে, একচ্চো ঝাযী সমাধিস্মিং ঠিতিকুসলো চ হোতি, সমাধিস্মিং ৱুট্ঠানকুসলো চ. তত্ৰ, ভিক্খৱে, য্ৱাযং ঝাযী…পে… উত্তমো চ পৱৰো চা’’তি. ৱীসতিমং. (পুৰিমমূলকানি ৱিয যাৱ সত্তৱীসতিমা ঠিতিমূলকসপ্পাযকাৰীসুত্তা অট্ঠ সুত্তানি পূৰেতব্বানি. ঠিতিমূলকং.)