১৩. ঝানসংযুত্তং

১. সমাধিমূলকসমাপত্তিসুত্তং

৬৬২. সাৱত্থিনিদানং. ‘‘চত্তাৰোমে, ভিক্খৱে, ঝাযী. কতমে চত্তাৰো? ইধ, ভিক্খৱে, একচ্চো ঝাযী সমাধিস্মিং সমাধিকুসলো হোতি, ন সমাধিস্মিং সমাপত্তিকুসলো. ইধ পন, ভিক্খৱে, একচ্চো ঝাযী সমাধিস্মিং সমাপত্তিকুসলো হোতি, ন সমাধিস্মিং সমাধিকুসলো. ইধ পন, ভিক্খৱে, একচ্চো ঝাযী নেৱ সমাধিস্মিং সমাধিকুসলো হোতি, ন চ সমাধিস্মিং সমাপত্তিকুসলো. ইধ পন, ভিক্খৱে, একচ্চো ঝাযী সমাধিস্মিং সমাধিকুসলো চ হোতি, সমাধিস্মিং সমাপত্তিকুসলো চ. তত্ৰ, ভিক্খৱে, য্ৱাযং ঝাযী সমাধিস্মিং সমাধিকুসলো চ হোতি সমাধিস্মিং সমাপত্তিকুসলো চ অযং ইমেসং চতুন্নং ঝাযীনং অগ্গো চ সেট্ঠো চ মোক্খো [পামোক্খো (স্যা. কং.) এৱমুপৰিপি] চ উত্তমো চ পৱৰো চ. সেয্যথাপি, ভিক্খৱে, গৱা খীৰং, খীৰম্হা দধি, দধিম্হা নৱনীতং, নৱনীতম্হা সপ্পি, সপ্পিম্হা সপ্পিমণ্ডো তত্ৰ অগ্গমক্খাযতি; এৱমেৱ খো, ভিক্খৱে, য্ৱাযং ঝাযী সমাধিস্মিং সমাধিকুসলো চ হোতি সমাধিস্মিং সমাপত্তিকুসলো চ অযং ইমেসং চতুন্নং ঝাযীনং অগ্গো চ সেট্ঠো চ মোক্খো চ উত্তমো চ পৱৰো চা’’তি. পঠমং.

২. সমাধিমূলকঠিতিসুত্তং

৬৬৩. সাৱত্থিনিদানং. ‘‘চত্তাৰোমে, ভিক্খৱে, ঝাযী. কতমে চত্তাৰো? ইধ, ভিক্খৱে, একচ্চো ঝাযী সমাধিস্মিং সমাধিকুসলো হোতি, ন সমাধিস্মিং ঠিতিকুসলো. ইধ পন, ভিক্খৱে, একচ্চো ঝাযী সমাধিস্মিং ঠিতিকুসলো হোতি, ন সমাধিস্মিং সমাধিকুসলো. ইধ পন, ভিক্খৱে, একচ্চো ঝাযী নেৱ সমাধিস্মিং সমাধিকুসলো হোতি, ন চ সমাধিস্মিং ঠিতিকুসলো. ইধ পন, ভিক্খৱে, একচ্চো ঝাযী সমাধিস্মিং সমাধিকুসলো চ হোতি, সমাধিস্মিং ঠিতিকুসলো চ. তত্ৰ, ভিক্খৱে, য্ৱাযং ঝাযী সমাধিস্মিং সমাধিকুসলো চ হোতি সমাধিস্মিং ঠিতিকুসলো চ অযং ইমেসং চতুন্নং ঝাযীনং অগ্গো চ সেট্ঠো চ মোক্খো চ উত্তমো চ পৱৰো চ. সেয্যথাপি, ভিক্খৱে, গৱা খীৰং, খীৰম্হা দধি, দধিম্হা নৱনীতং, নৱনীতম্হা সপ্পি, সপ্পিম্হা সপ্পিমণ্ডো তত্ৰ অগ্গমক্খাযতি; এৱমেৱ খো, ভিক্খৱে, য্ৱাযং ঝাযী সমাধিস্মিং সমাধিকুসলো চ হোতি সমাধিস্মিং ঠিতিকুসলো চ অযং ইমেসং চতুন্নং ঝাযীনং অগ্গো চ সেট্ঠো চ মোক্খো চ উত্তমো চ পৱৰো চা’’তি. দুতিযং.

৩. সমাধিমূলকৱুট্ঠানসুত্তং

৬৬৪. সাৱত্থিনিদানং. ‘‘চত্তাৰোমে, ভিক্খৱে, ঝাযী. কতমে চত্তাৰো? ইধ, ভিক্খৱে, একচ্চো ঝাযী সমাধিস্মিং সমাধিকুসলো হোতি, ন সমাধিস্মিং ৱুট্ঠানকুসলো. ইধ পন, ভিক্খৱে, একচ্চো ঝাযী সমাধিস্মিং ৱুট্ঠানকুসলো হোতি, ন সমাধিস্মিং সমাধিকুসলো. ইধ পন, ভিক্খৱে, একচ্চো ঝাযী নেৱ সমাধিস্মিং সমাধিকুসলো হোতি, ন চ সমাধিস্মিং ৱুট্ঠানকুসলো. ইধ পন, ভিক্খৱে, একচ্চো ঝাযী সমাধিস্মিং সমাধিকুসলো চ হোতি, সমাধিস্মিং ৱুট্ঠানকুসলো চ. তত্ৰ, ভিক্খৱে, য্ৱাযং ঝাযী সমাধিস্মিং সমাধিকুসলো চ হোতি সমাধিস্মিং ৱুট্ঠানকুসলো চ অযং ইমেসং চতুন্নং ঝাযীনং অগ্গো চ সেট্ঠো চ মোক্খো চ উত্তমো চ পৱৰো চ. সেয্যথাপি, ভিক্খৱে, গৱা খীৰং…পে… পৱৰো চা’’তি. ততিযং.

৪. সমাধিমূলককল্লিতসুত্তং

৬৬৫. সাৱত্থিনিদানং. ‘‘চত্তাৰোমে, ভিক্খৱে, ঝাযী. কতমে চত্তাৰো? ইধ, ভিক্খৱে, একচ্চো ঝাযী সমাধিস্মিং সমাধিকুসলো হোতি, ন সমাধিস্মিং কল্লিতকুসলো. ইধ পন, ভিক্খৱে, একচ্চো ঝাযী সমাধিস্মিং কল্লিতকুসলো হোতি, ন সমাধিস্মিং সমাধিকুসলো. ইধ পন, ভিক্খৱে, একচ্চো ঝাযী নেৱ সমাধিস্মিং সমাধিকুসলো হোতি, ন চ সমাধিস্মিং কল্লিতকুসলো. ইধ পন, ভিক্খৱে, একচ্চো ঝাযী সমাধিস্মিং সমাধিকুসলো চ হোতি, সমাধিস্মিং কল্লিতকুসলো চ. তত্ৰ, ভিক্খৱে, য্ৱাযং ঝাযী সমাধিস্মিং সমাধিকুসলো চ হোতি সমাধিস্মিং কল্লিতকুসলো চ অযং ইমেসং চতুন্নং ঝাযীনং অগ্গো চ সেট্ঠো চ মোক্খো চ উত্তমো চ পৱৰো চ. সেয্যথাপি, ভিক্খৱে, গৱা খীৰং…পে… পৱৰো চা’’তি. চতুত্থং.

৫. সমাধিমূলকআৰম্মণসুত্তং

৬৬৬. সাৱত্থিনিদানং. ‘‘চত্তাৰোমে, ভিক্খৱে, ঝাযী. কতমে চত্তাৰো? ইধ, ভিক্খৱে, একচ্চো ঝাযী সমাধিস্মিং সমাধিকুসলো হোতি, ন সমাধিস্মিং আৰম্মণকুসলো. ইধ পন, ভিক্খৱে, একচ্চো ঝাযী সমাধিস্মিং আৰম্মণকুসলো হোতি, ন সমাধিস্মিং সমাধিকুসলো. ইধ পন, ভিক্খৱে, একচ্চো ঝাযী নেৱ সমাধিস্মিং সমাধিকুসলো হোতি, ন চ সমাধিস্মিং আৰম্মণকুসলো. ইধ পন, ভিক্খৱে, একচ্চো ঝাযী সমাধিস্মিং সমাধিকুসলো চ হোতি, সমাধিস্মিং আৰম্মণকুসলো চ. তত্ৰ, ভিক্খৱে, য্ৱাযং ঝাযী সমাধিস্মিং সমাধিকুসলো চ হোতি সমাধিস্মিং আৰম্মণকুসলো চ অযং ইমেসং চতুন্নং ঝাযীনং অগ্গো চ সেট্ঠো চ মোক্খো চ উত্তমো চ পৱৰো চ. সেয্যথাপি, ভিক্খৱে, গৱা খীৰং…পে… পৱৰো চা’’তি. পঞ্চমং.

৬. সমাধিমূলকগোচৰসুত্তং

৬৬৭. সাৱত্থিনিদানং. ‘‘চত্তাৰোমে, ভিক্খৱে, ঝাযী. কতমে চত্তাৰো? ইধ, ভিক্খৱে, একচ্চো ঝাযী সমাধিস্মিং সমাধিকুসলো হোতি, ন সমাধিস্মিং গোচৰকুসলো. ইধ পন, ভিক্খৱে, একচ্চো ঝাযী সমাধিস্মিং গোচৰকুসলো হোতি, ন সমাধিস্মিং সমাধিকুসলো. ইধ পন, ভিক্খৱে, একচ্চো ঝাযী নেৱ সমাধিস্মিং সমাধিকুসলো হোতি, ন চ সমাধিস্মিং গোচৰকুসলো. ইধ পন, ভিক্খৱে, একচ্চো ঝাযী সমাধিস্মিং সমাধিকুসলো চ হোতি, সমাধিস্মিং গোচৰকুসলো চ. তত্ৰ, ভিক্খৱে, য্ৱাযং ঝাযী সমাধিস্মিং সমাধিকুসলো চ হোতি সমাধিস্মিং গোচৰকুসলো চ অযং ইমেসং চতুন্নং ঝাযীনং অগ্গো চ সেট্ঠো চ মোক্খো চ উত্তমো চ পৱৰো চ. সেয্যথাপি, ভিক্খৱে, গৱা খীৰং…পে… পৱৰো চা’’তি. ছট্ঠং.

৭. সমাধিমূলকঅভিনীহাৰসুত্তং

৬৬৮. সাৱত্থিনিদানং. ‘‘চত্তাৰোমে, ভিক্খৱে, ঝাযী. কতমে চত্তাৰো? ইধ, ভিক্খৱে, একচ্চো ঝাযী সমাধিস্মিং সমাধিকুসলো হোতি, ন সমাধিস্মিং অভিনীহাৰকুসলো. ইধ পন, ভিক্খৱে, একচ্চো ঝাযী সমাধিস্মিং অভিনীহাৰকুসলো হোতি, ন সমাধিস্মিং সমাধিকুসলো. ইধ পন, ভিক্খৱে, একচ্চো ঝাযী নেৱ সমাধিস্মিং সমাধিকুসলো হোতি, ন চ সমাধিস্মিং অভিনীহাৰকুসলো. ইধ পন, ভিক্খৱে, একচ্চো ঝাযী সমাধিস্মিং সমাধিকুসলো চ হোতি, সমাধিস্মিং অভিনীহাৰকুসলো চ. তত্ৰ, ভিক্খৱে, য্ৱাযং ঝাযী সমাধিস্মিং সমাধিকুসলো চ হোতি সমাধিস্মিং অভিনীহাৰকুসলো চ অযং ইমেসং চতুন্নং ঝাযীনং অগ্গো চ সেট্ঠো চ মোক্খো চ উত্তমো চ পৱৰো চ. সেয্যথাপি, ভিক্খৱে, গৱা খীৰং…পে… পৱৰো চা’’তি. সত্তমং.

৮. সমাধিমূলকসক্কচ্চকাৰীসুত্তং

৬৬৯. সাৱত্থিনিদানং. ‘‘চত্তাৰোমে, ভিক্খৱে, ঝাযী. কতমে চত্তাৰো? ইধ, ভিক্খৱে, একচ্চো ঝাযী সমাধিস্মিং সমাধিকুসলো হোতি, ন সমাধিস্মিং সক্কচ্চকাৰী. ইধ পন, ভিক্খৱে, একচ্চো ঝাযী সমাধিস্মিং সক্কচ্চকাৰী হোতি, ন সমাধিস্মিং সমাধিকুসলো. ইধ পন, ভিক্খৱে, একচ্চো ঝাযী নেৱ সমাধিস্মিং সমাধিকুসলো হোতি, ন চ সমাধিস্মিং সক্কচ্চকাৰী. ইধ পন, ভিক্খৱে, একচ্চো ঝাযী সমাধিস্মিং সমাধিকুসলো চ হোতি, সমাধিস্মিং সক্কচ্চকাৰী চ. তত্ৰ, ভিক্খৱে, য্ৱাযং ঝাযী সমাধিস্মিং সমাধিকুসলো চ হোতি সমাধিস্মিং সক্কচ্চকাৰী চ অযং ইমেসং চতুন্নং ঝাযীনং অগ্গো চ সেট্ঠো চ মোক্খো চ উত্তমো চ পৱৰো চ. সেয্যথাপি, ভিক্খৱে, গৱা খীৰং…পে… পৱৰো চা’’তি. অট্ঠমং.

৯. সমাধিমূলকসাতচ্চকাৰীসুত্তং

৬৭০. সাৱত্থিনিদানং. ‘‘চত্তাৰোমে, ভিক্খৱে, ঝাযী. কতমে চত্তাৰো? ইধ, ভিক্খৱে, একচ্চো ঝাযী সমাধিস্মিং সমাধিকুসলো হোতি, ন সমাধিস্মিং সাতচ্চকাৰী. ইধ পন, ভিক্খৱে, একচ্চো ঝাযী সমাধিস্মিং সাতচ্চকাৰী হোতি, ন সমাধিস্মিং সমাধিকুসলো. ইধ পন, ভিক্খৱে, একচ্চো ঝাযী নেৱ সমাধিস্মিং সমাধিকুসলো হোতি, ন চ সমাধিস্মিং সাতচ্চকাৰী. ইধ পন, ভিক্খৱে, একচ্চো ঝাযী সমাধিস্মিং সমাধিকুসলো চ হোতি, সমাধিস্মিং সাতচ্চকাৰী চ. তত্ৰ, ভিক্খৱে, য্ৱাযং ঝাযী সমাধিস্মিং সমাধিকুসলো চ হোতি, সমাধিস্মিং সাতচ্চকাৰী চ অযং ইমেসং চতুন্নং ঝাযীনং অগ্গো চ সেট্ঠো চ মোক্খো চ উত্তমো চ পৱৰো চ. সেয্যথাপি, ভিক্খৱে, গৱা খীৰং…পে… পৱৰো চা’’তি. নৱমং.

১০. সমাধিমূলকসপ্পাযকাৰীসুত্তং

৬৭১. সাৱত্থিনিদানং. ‘‘চত্তাৰোমে, ভিক্খৱে, ঝাযী. কতমে চত্তাৰো? ইধ, ভিক্খৱে, একচ্চো ঝাযী সমাধিস্মিং সমাধিকুসলো হোতি, ন সমাধিস্মিং সপ্পাযকাৰী. ইধ পন, ভিক্খৱে, একচ্চো ঝাযী সমাধিস্মিং সপ্পাযকাৰী হোতি, ন সমাধিস্মিং সমাধিকুসলো. ইধ পন, ভিক্খৱে, একচ্চো ঝাযী নেৱ সমাধিস্মিং সমাধিকুসলো হোতি, ন চ সমাধিস্মিং সপ্পাযকাৰী. ইধ পন, ভিক্খৱে, একচ্চো ঝাযী সমাধিস্মিং সমাধিকুসলো চ হোতি, সমাধিস্মিং সপ্পাযকাৰী চ. তত্ৰ, ভিক্খৱে, য্ৱাযং ঝাযী সমাধিস্মিং সমাধিকুসলো চ হোতি সমাধিস্মিং সপ্পাযকাৰী চ অযং ইমেসং চতুন্নং ঝাযীনং অগ্গো চ সেট্ঠো চ মোক্খো চ উত্তমো চ পৱৰো চ. সেয্যথাপি, ভিক্খৱে, গৱা খীৰং…পে… পৱৰো চা’’তি. দসমং. (সমাধিমূলকং.)

১১. সমাপত্তিমূলকঠিতিসুত্তং

৬৭২. সাৱত্থিনিদানং. ‘‘চত্তাৰোমে, ভিক্খৱে, ঝাযী. কতমে চত্তাৰো? ইধ, ভিক্খৱে, একচ্চো ঝাযী সমাধিস্মিং সমাপত্তিকুসলো হোতি, ন সমাধিস্মিং ঠিতিকুসলো. ইধ পন, ভিক্খৱে, একচ্চো ঝাযী সমাধিস্মিং ঠিতিকুসলো হোতি, ন সমাধিস্মিং সমাপত্তিকুসলো. ইধ পন, ভিক্খৱে, একচ্চো ঝাযী নেৱ সমাধিস্মিং সমাপত্তিকুসলো হোতি, ন চ সমাধিস্মিং ঠিতিকুসলো. ইধ পন, ভিক্খৱে, একচ্চো ঝাযী সমাধিস্মিং সমাপত্তিকুসলো চ হোতি, সমাধিস্মিং ঠিতিকুসলো চ. তত্ৰ, ভিক্খৱে, য্ৱাযং ঝাযী সমাধিস্মিং সমাপত্তিকুসলো চ হোতি, সমাধিস্মিং ঠিতিকুসলো চ অযং ইমেসং চতুন্নং ঝাযীনং অগ্গো চ সেট্ঠো চ মোক্খো চ উত্তমো চ পৱৰো চ. সেয্যথাপি, ভিক্খৱে, গৱা খীৰং…পে… পৱৰো চা’’তি. একাদসমং.

১২. সমাপত্তিমূলকৱুট্ঠানসুত্তং

৬৭৩. সাৱত্থিনিদানং. ‘‘চত্তাৰোমে, ভিক্খৱে, ঝাযী. কতমে চত্তাৰো? ইধ, ভিক্খৱে, একচ্চো ঝাযী সমাধিস্মিং সমাপত্তিকুসলো হোতি, ন সমাধিস্মিং ৱুট্ঠানকুসলো. ইধ পন, ভিক্খৱে, একচ্চো ঝাযী সমাধিস্মিং ৱুট্ঠানকুসলো হোতি, ন সমাধিস্মিং সমাপত্তিকুসলো. ইধ পন, ভিক্খৱে, একচ্চো ঝাযী নেৱ সমাধিস্মিং সমাপত্তিকুসলো হোতি, ন চ সমাধিস্মিং ৱুট্ঠানকুসলো. ইধ পন, ভিক্খৱে, একচ্চো ঝাযী সমাধিস্মিং সমাপত্তিকুসলো চ হোতি, সমাধিস্মিং ৱুট্ঠানকুসলো চ. তত্ৰ, ভিক্খৱে, য্ৱাযং ঝাযী …পে… পৱৰো চা’’তি. দ্ৱাদসমং.

১৩. সমাপত্তিমূলককল্লিতসুত্তং

৬৭৪. সাৱত্থিনিদানং. ‘‘চত্তাৰোমে, ভিক্খৱে, ঝাযী. কতমে চত্তাৰো? ইধ, ভিক্খৱে, একচ্চো ঝাযী সমাধিস্মিং সমাপত্তিকুসলো হোতি, ন সমাধিস্মিং কল্লিতকুসলো. ইধ পন, ভিক্খৱে, একচ্চো ঝাযী সমাধিস্মিং কল্লিতকুসলো হোতি, ন সমাধিস্মিং সমাপত্তিকুসলো. ইধ পন, ভিক্খৱে, একচ্চো ঝাযী নেৱ সমাধিস্মিং সমাপত্তিকুসলো হোতি, ন চ সমাধিস্মিং কল্লিতকুসলো. ইধ পন, ভিক্খৱে, একচ্চো ঝাযী সমাধিস্মিং সমাপত্তিকুসলো চ হোতি, সমাধিস্মিং কল্লিতকুসলো চ. তত্ৰ…পে… পৱৰো চা’’তি. তেৰসমং.

১৪. সমাপত্তিমূলকআৰম্মণসুত্তং

৬৭৫. সাৱত্থিনিদানং. ‘‘চত্তাৰোমে, ভিক্খৱে, ঝাযী. কতমে চত্তাৰো? ইধ, ভিক্খৱে, একচ্চো ঝাযী সমাধিস্মিং সমাপত্তিকুসলো হোতি, ন সমাধিস্মিং আৰম্মণকুসলো. ইধ পন, ভিক্খৱে, একচ্চো ঝাযী সমাধিস্মিং আৰম্মণকুসলো হোতি, ন সমাধিস্মিং সমাপত্তিকুসলো. ইধ পন, ভিক্খৱে, একচ্চো ঝাযী নেৱ সমাধিস্মিং সমাপত্তিকুসলো হোতি, ন চ সমাধিস্মিং আৰম্মণকুসলো. ইধ পন, ভিক্খৱে, একচ্চো ঝাযী সমাধিস্মিং সমাপত্তিকুসলো চ হোতি, সমাধিস্মিং আৰম্মণকুসলো চ. তত্ৰ…পে… পৱৰো চা’’তি. চুদ্দসমং.

১৫. সমাপত্তিমূলকগোচৰসুত্তং

৬৭৬. সাৱত্থিনিদানং. ‘‘চত্তাৰোমে, ভিক্খৱে, ঝাযী. কতমে চত্তাৰো? ইধ, ভিক্খৱে, একচ্চো ঝাযী সমাধিস্মিং সমাপত্তিকুসলো হোতি, ন সমাধিস্মিং গোচৰকুসলো. ইধ পন, ভিক্খৱে, একচ্চো ঝাযী সমাধিস্মিং গোচৰকুসলো হোতি, ন সমাধিস্মিং সমাপত্তিকুসলো. ইধ পন, ভিক্খৱে, একচ্চো ঝাযী নেৱ সমাধিস্মিং সমাপত্তিকুসলো হোতি, ন চ সমাধিস্মিং গোচৰকুসলো. ইধ পন, ভিক্খৱে, একচ্চো ঝাযী সমাধিস্মিং সমাপত্তিকুসলো চ হোতি, সমাধিস্মিং গোচৰকুসলো চ. তত্ৰ…পে… পৱৰো চা’’তি. পন্নৰসমং.

১৬. সমাপত্তিমূলকঅভিনীহাৰসুত্তং

৬৭৭. সাৱত্থিনিদানং. ‘‘চত্তাৰোমে, ভিক্খৱে, ঝাযী. কতমে চত্তাৰো? ইধ, ভিক্খৱে, একচ্চো ঝাযী সমাধিস্মিং সমাপত্তিকুসলো হোতি, ন সমাধিস্মিং অভিনীহাৰকুসলো. ইধ পন, ভিক্খৱে, একচ্চো ঝাযী সমাধিস্মিং অভিনীহাৰকুসলো হোতি, ন সমাধিস্মিং সমাপত্তিকুসলো. ইধ পন, ভিক্খৱে, একচ্চো ঝাযী নেৱ সমাধিস্মিং সমাপত্তিকুসলো হোতি, ন চ সমাধিস্মিং অভিনীহাৰকুসলো. ইধ পন, ভিক্খৱে, একচ্চো ঝাযী সমাধিস্মিং সমাপত্তিকুসলো চ হোতি, সমাধিস্মিং অভিনীহাৰকুসলো চ. তত্ৰ…পে… পৱৰো চা’’তি. সোড়সমং.

১৭. সমাপত্তিমূলকসক্কচ্চসুত্তং

৬৭৮. সাৱত্থিনিদানং. ‘‘চত্তাৰোমে, ভিক্খৱে, ঝাযী. কতমে চত্তাৰো? ইধ, ভিক্খৱে, একচ্চো ঝাযী সমাধিস্মিং সমাপত্তিকুসলো হোতি, ন সমাধিস্মিং সক্কচ্চকাৰী. ইধ পন, ভিক্খৱে, একচ্চো ঝাযী সমাধিস্মিং সক্কচ্চকাৰী হোতি, ন সমাধিস্মিং সমাপত্তিকুসলো. ইধ পন, ভিক্খৱে, একচ্চো ঝাযী নেৱ সমাধিস্মিং সমাপত্তিকুসলো হোতি, ন চ সমাধিস্মিং সক্কচ্চকাৰী. ইধ পন, ভিক্খৱে, একচ্চো ঝাযী সমাধিস্মিং সমাপত্তিকুসলো চ হোতি, সমাধিস্মিং সক্কচ্চকাৰী চ. তত্ৰ…পে… পৱৰো চা’’তি. সত্তৰসমং.

১৮. সমাপত্তিমূলকসাতচ্চসুত্তং

৬৭৯. সাৱত্থিনিদানং. ‘‘চত্তাৰোমে, ভিক্খৱে, ঝাযী. কতমে চত্তাৰো? ইধ, ভিক্খৱে, একচ্চো ঝাযী সমাধিস্মিং সমাপত্তিকুসলো হোতি, ন সমাধিস্মিং সাতচ্চকাৰী. ইধ পন, ভিক্খৱে, একচ্চো ঝাযী সমাধিস্মিং সাতচ্চকাৰী হোতি, ন সমাধিস্মিং সমাপত্তিকুসলো. ইধ পন, ভিক্খৱে, একচ্চো ঝাযী নেৱ সমাধিস্মিং সমাপত্তিকুসলো হোতি, ন চ সমাধিস্মিং সাতচ্চকাৰী. ইধ পন, ভিক্খৱে, একচ্চো ঝাযী সমাধিস্মিং সমাপত্তিকুসলো চ হোতি, সমাধিস্মিং সাতচ্চকাৰী চ. তত্ৰ…পে… পৱৰো চা’’তি. অট্ঠাৰসমং.

১৯. সমাপত্তিমূলকসপ্পাযকাৰীসুত্তং

৬৮০. সাৱত্থিনিদানং. ‘‘চত্তাৰোমে, ভিক্খৱে, ঝাযী. কতমে চত্তাৰো? ইধ, ভিক্খৱে, একচ্চো ঝাযী সমাধিস্মিং সমাপত্তিকুসলো হোতি, ন সমাধিস্মিং সপ্পাযকাৰী. ইধ পন, ভিক্খৱে, একচ্চো ঝাযী সমাধিস্মিং সপ্পাযকাৰী হোতি, ন সমাধিস্মিং সমাপত্তিকুসলো. ইধ পন, ভিক্খৱে, একচ্চো ঝাযী নেৱ সমাধিস্মিং সমাপত্তিকুসলো হোতি, ন চ সমাধিস্মিং সপ্পাযকাৰী. ইধ পন, ভিক্খৱে, একচ্চো ঝাযী সমাধিস্মিং সমাপত্তিকুসলো চ হোতি, সমাধিস্মিং সপ্পাযকাৰী চ. তত্ৰ, ভিক্খৱে, য্ৱাযং ঝাযী সমাধিস্মিং সমাপত্তিকুসলো চ হোতি সমাধিস্মিং সপ্পাযকাৰী চ অযং ইমেসং চতুন্নং ঝাযীনং অগ্গো চ সেট্ঠো চ মোক্খো চ উত্তমো চ পৱৰো চ. সেয্যথাপি, ভিক্খৱে, গৱা খীৰং, খীৰম্হা দধি, দধিম্হা নৱনীতং, নৱনীতম্হা সপ্পি, সপ্পিম্হা সপ্পিমণ্ডো তত্ৰ অগ্গমক্খাযতি; এৱমেৱ খো, ভিক্খৱে, য্ৱাযং ঝাযী সমাধিস্মিং সমাপত্তিকুসলো চ হোতি সমাধিস্মিং সপ্পাযকাৰী চ অযং ইমেসং চতুন্নং ঝাযীনং অগ্গো চ সেট্ঠো চ মোক্খো চ উত্তমো চ পৱৰো চা’’তি. একূনৱীসতিমং. (সমাপত্তিমূলকং.)

২০-২৭. ঠিতিমূলকৱুট্ঠানসুত্তাদিঅট্ঠকং

৬৮১-৬৮৮. সাৱত্থিনিদানং. ‘‘চত্তাৰোমে, ভিক্খৱে, ঝাযী. কতমে চত্তাৰো? ইধ, ভিক্খৱে, একচ্চো ঝাযী সমাধিস্মিং ঠিতিকুসলো হোতি, ন সমাধিস্মিং ৱুট্ঠানকুসলো. ইধ পন, ভিক্খৱে, একচ্চো ঝাযী সমাধিস্মিং ৱুট্ঠানকুসলো হোতি, ন সমাধিস্মিং ঠিতিকুসলো. ইধ পন, ভিক্খৱে, একচ্চো ঝাযী নেৱ সমাধিস্মিং ঠিতিকুসলো হোতি, ন চ সমাধিস্মিং ৱুট্ঠানকুসলো. ইধ পন, ভিক্খৱে, একচ্চো ঝাযী সমাধিস্মিং ঠিতিকুসলো চ হোতি, সমাধিস্মিং ৱুট্ঠানকুসলো চ. তত্ৰ, ভিক্খৱে, য্ৱাযং ঝাযী…পে… উত্তমো চ পৱৰো চা’’তি. ৱীসতিমং. (পুৰিমমূলকানি ৱিয যাৱ সত্তৱীসতিমা ঠিতিমূলকসপ্পাযকাৰীসুত্তা অট্ঠ সুত্তানি পূৰেতব্বানি. ঠিতিমূলকং.)

২৮-৩৪. ৱুট্ঠানমূলককল্লিতসুত্তাদিসত্তকং

৬৮৯-৬৯৫. সাৱত্থিনিদানং. ‘‘চত্তাৰোমে, ভিক্খৱে, ঝাযী. কতমে চত্তাৰো? ইধ, ভিক্খৱে, একচ্চো ঝাযী সমাধিস্মিং ৱুট্ঠানকুসলো হোতি, ন সমাধিস্মিং কল্লিতকুসলো… সমাধিস্মিং কল্লিতকুসলো হোতি, ন সমাধিস্মিং ৱুট্ঠানকুসলো… নেৱ সমাধিস্মিং ৱুট্ঠানকুসলো হোতি, ন চ সমাধিস্মিং কল্লিতকুসলো… সমাধিস্মিং ৱুট্ঠানকুসলো চ হোতি সমাধিস্মিং কল্লিতকুসলো চ. তত্ৰ, ভিক্খৱে, য্ৱাযং ঝাযী…পে… উত্তমো চ পৱৰো চা’’তি. অট্ঠৱীসতিমং. (পুৰিমমূলকানি ৱিয যাৱ চতুত্তিংসতিমা ৱুট্ঠানমূলকসপ্পাযকাৰীসুত্তা সত্ত সুত্তানি পূৰেতব্বানি. ৱুট্ঠানমূলকং.)

৩৫-৪০. কল্লিতমূলকআৰম্মণসুত্তাদিছক্কং

৬৯৬-৭০১. সাৱত্থিনিদানং … ‘‘সমাধিস্মিং কল্লিতকুসলো হোতি, ন সমাধিস্মিং আৰম্মণকুসলো… সমাধিস্মিং আৰম্মণকুসলো হোতি, ন সমাধিস্মিং কল্লিতকুসলো… নেৱ সমাধিস্মিং কল্লিতকুসলো হোতি, ন চ সমাধিস্মিং আৰম্মণকুসলো… সমাধিস্মিং কল্লিতকুসলো চ হোতি, সমাধিস্মিং আৰম্মণকুসলো চ. তত্ৰ, ভিক্খৱে, য্ৱাযং ঝাযী…পে… উত্তমো চ পৱৰো চা’’তি. পঞ্চতিংসতিমং. (পুৰিমমূলকানি ৱিয যাৱ চত্তালীসমা কল্লিতমূলকসপ্পাযকাৰীসুত্তা ছ সুত্তানি পূৰেতব্বানি. কল্লিতমূলকং.)

৪১-৪৫. আৰম্মণমূলকগোচৰসুত্তাদিপঞ্চকং

৭০২-৭০৬. সাৱত্থিনিদানং … ‘‘সমাধিস্মিং আৰম্মণকুসলো হোতি, ন সমাধিস্মিং গোচৰকুসলো… সমাধিস্মিং গোচৰকুসলো হোতি, ন সমাধিস্মিং আৰম্মণকুসলো… নেৱ সমাধিস্মিং আৰম্মণকুসলো হোতি, ন চ সমাধিস্মিং গোচৰকুসলো… সমাধিস্মিং আৰম্মণকুসলো চ হোতি, সমাধিস্মিং গোচৰকুসলো চ. তত্ৰ, ভিক্খৱে, য্ৱাযং ঝাযী…পে… উত্তমো চ পৱৰো চা’’তি. একচত্তালীসমং. (পুৰিমমূলকানি ৱিয যাৱ পঞ্চচত্তালীসমা আৰম্মণমূলকসপ্পাযকাৰীসুত্তা পঞ্চ সুত্তানি পূৰেতব্বানি. আৰম্মণমূলকং.)

৪৬-৪৯. গোচৰমূলকঅভিনীহাৰসুত্তাদিচতুক্কং

৭০৭. সাৱত্থিনিদানং… ‘‘সমাধিস্মিং গোচৰকুসলো হোতি, ন সমাধিস্মিং অভিনীহাৰকুসলো… সমাধিস্মিং অভিনীহাৰকুসলো হোতি, ন সমাধিস্মিং গোচৰকুসলো… নেৱ সমাধিস্মিং গোচৰকুসলো হোতি, ন চ সমাধিস্মিং অভিনীহাৰকুসলো… সমাধিস্মিং গোচৰকুসলো চ হোতি, সমাধিস্মিং অভিনীহাৰকুসলো চ… সেয্যথাপি, ভিক্খৱে, গৱা খীৰং, খীৰম্হা দধি, দধিম্হা নৱনীতং, নৱনীতম্হা সপ্পি, সপ্পিম্হা সপ্পিমণ্ডো তত্ৰ অগ্গমক্খাযতি; এৱমেৱ খো, ভিক্খৱে, য্ৱাযং ঝাযী সমাধিস্মিং গোচৰকুসলো চ হোতি সমাধিস্মিং অভিনীহাৰকুসলো চ অযং ইমেসং চতুন্নং ঝাযীনং…পে… উত্তমো চ পৱৰো চা’’তি. ছচত্তালীসমং.

৭০৮. সমাধিস্মিং গোচৰকুসলো হোতি, ন সমাধিস্মিং সক্কচ্চকাৰী…পে…. ৱিত্থাৰেতব্বং. সত্তচত্তালীসমং.

৭০৯. সমাধিস্মিং গোচৰকুসলো হোতি, ন সমাধিস্মিং সাতচ্চকাৰী…পে…. অট্ঠচত্তালীসমং.

৭১০. সমাধিস্মিং গোচৰকুসলো হোতি, ন সমাধিস্মিং সপ্পাযকাৰী…পে…. একূনপঞ্ঞাসমং. (গোচৰমূলকং.)

৫০-৫২. অভিনীহাৰমূলকসক্কচ্চসুত্তাদিতিকং

৭১১. সাৱত্থিনিদানং … ‘‘সমাধিস্মিং অভিনীহাৰকুসলো হোতি, ন সমাধিস্মিং সক্কচ্চকাৰী… সমাধিস্মিং সক্কচ্চকাৰী হোতি, ন সমাধিস্মিং অভিনীহাৰকুসলো… নেৱ সমাধিস্মিং অভিনীহাৰকুসলো হোতি, ন চ সমাধিস্মিং সক্কচ্চকাৰী… সমাধিস্মিং অভিনীহাৰকুসলো চ হোতি, সমাধিস্মিং সক্কচ্চকাৰী চ. তত্ৰ, ভিক্খৱে, য্ৱাযং ঝাযী…পে… উত্তমো চ পৱৰো চা’’তি. পঞ্ঞাসমং.

৭১২. সমাধিস্মিং অভিনীহাৰকুসলো হোতি, ন সমাধিস্মিং সাতচ্চকাৰী…পে…. একপঞ্ঞাসমং.

৭১৩. সমাধিস্মিং অভিনীহাৰকুসলো হোতি, ন সমাধিস্মিং সপ্পাযকাৰী…পে…. দ্ৱেপঞ্ঞাসমং. (অভিনীহাৰমূলকং.)

৫৩-৫৪. সক্কচ্চমূলকসাতচ্চকাৰীসুত্তাদিদুকং

৭১৪. সাৱত্থিনিদানং … ‘‘সমাধিস্মিং সক্কচ্চকাৰী হোতি, ন সমাধিস্মিং সাতচ্চকাৰী… সমাধিস্মিং সাতচ্চকাৰী হোতি, ন সমাধিস্মিং সক্কচ্চকাৰী … নেৱ সমাধিস্মিং সক্কচ্চকাৰী হোতি, ন চ সমাধিস্মিং সাতচ্চকাৰী… সমাধিস্মিং সক্কচ্চকাৰী চ হোতি, সমাধিস্মিং সাতচ্চকাৰী চ. তত্ৰ, ভিক্খৱে, য্ৱাযং…পে… উত্তমো চ পৱৰো চা’’তি. তেপঞ্ঞাসমং.

৭১৫. সমাধিস্মিং সক্কচ্চকাৰী হোতি, ন সমাধিস্মিং সপ্পাযকাৰী…পে…. চতুপঞ্ঞাসমং.

৫৫. সাতচ্চমূলকসপ্পাযকাৰীসুত্তং

৭১৬. সাৱত্থিনিদানং. ‘‘চতাৰোমে, ভিক্খৱে, ঝাযী. কতমে চত্তাৰো? ইধ, ভিক্খৱে, একচ্চো ঝাযী সমাধিস্মিং সাতচ্চকাৰী হোতি, ন সমাধিস্মিং সপ্পাযকাৰী. ইধ পন, ভিক্খৱে, একচ্চো ঝাযী সমাধিস্মিং সপ্পাযকাৰী হোতি, ন সমাধিস্মিং সাতচ্চকাৰী. ইধ পন, ভিক্খৱে, একচ্চো ঝাযী নেৱ সমাধিস্মিং সাতচ্চকাৰী হোতি, ন চ সমাধিস্মিং সপ্পাযকাৰী. ইধ পন, ভিক্খৱে, একচ্চো ঝাযী সমাধিস্মিং সাতচ্চকাৰী চ হোতি, সমাধিস্মিং সপ্পাযকাৰী চ. তত্ৰ, ভিক্খৱে, য্ৱাযং ঝাযী সমাধিস্মিং সাতচ্চকাৰী চ হোতি সমাধিস্মিং সপ্পাযকাৰী চ অযং ইমেসং চতুন্নং ঝাযীনং অগ্গো চ সেট্ঠো চ মোক্খো চ উত্তমো চ পৱৰো চ. সেয্যথাপি, ভিক্খৱে, গৱা খীৰং, খীৰম্হা দধি, দধিম্হা নৱনীতং, নৱনীতম্হা সপ্পি, সপ্পিম্হা সপ্পিমণ্ডো তত্ৰ অগ্গমক্খাযতি; এৱমেৱ খো, ভিক্খৱে, য্ৱাযং ঝাযী সমাধিস্মিং সাতচ্চকাৰী চ হোতি, সমাধিস্মিং সপ্পাযকাৰী অযং ইমেসং চতুন্নং ঝাযীনং অগ্গো চ সেট্ঠো চ মোক্খো চ উত্তমো চ পৱৰো চা’’তি. ইদমৱোচ ভগৱা. অত্তমনা তে ভিক্খূ ভগৱতো ভাসিতং অভিনন্দুন্তি. পঞ্চপঞ্ঞাসমং. (যথা পঞ্চপঞ্ঞাসং ৱেয্যাকৰণানি হোন্তি তথা ৱিত্থাৰেতব্বানি.)

ঝানসংযুত্তং [সমাধিসংযুত্তং (স্যা. কং.)] সমত্তং.