১২. ৱচ্ছগোত্তসংযুত্তং

১. ৰূপঅঞ্ঞাণসুত্তং

৬০৭. একং সমযং ভগৱা সাৱত্থিযং ৱিহৰতি জেতৱনে অনাথপিণ্ডিকস্স আৰামে. অথ খো ৱচ্ছগোত্তো পৰিব্বাজকো যেন ভগৱা তেনুপসঙ্কমি; উপসঙ্কমিত্ৱা ভগৱতা সদ্ধিং সম্মোদি. সম্মোদনীযং কথং সাৰণীযং ৱীতিসাৰেত্ৱা একমন্তং নিসীদি. একমন্তং নিসিন্নো খো ৱচ্ছগোত্তো পৰিব্বাজকো ভগৱন্তং এতদৱোচ – ‘‘কো নু খো, ভো গোতম, হেতু, কো পচ্চযো, যানিমানি [যেনিমানি (?)] অনেকৱিহিতানি দিট্ঠিগতানি লোকে উপ্পজ্জন্তি – সস্সতো লোকোতি ৱা, অসস্সতো লোকোতি ৱা, অন্তৱা লোকোতি ৱা, অনন্তৱা লোকোতি ৱা, তং জীৱং তং সৰীৰন্তি ৱা, অঞ্ঞং জীৱং অঞ্ঞং সৰীৰন্তি ৱা, হোতি তথাগতো পৰং মৰণাতি ৱা, ন হোতি তথাগতো পৰং মৰণাতি ৱা, হোতি চ ন চ হোতি তথাগতো পৰং মৰণাতি ৱা, নেৱ হোতি ন ন হোতি তথাগতো পৰং মৰণাতি ৱা’’তি? ‘‘ৰূপে খো, ৱচ্ছ, অঞ্ঞাণা, ৰূপসমুদযে অঞ্ঞাণা, ৰূপনিৰোধে অঞ্ঞাণা, ৰূপনিৰোধগামিনিযা পটিপদায অঞ্ঞাণা; এৱমিমানি অনেকৱিহিতানি দিট্ঠিগতানি লোকে উপ্পজ্জন্তি – সস্সতো লোকোতি ৱা…পে… নেৱ হোতি ন ন হোতি তথাগতো পৰং মৰণাতি ৱাতি. অযং খো, ৱচ্ছ, হেতু, অযং পচ্চযো, যানিমানি [যেন (সী.), যেনিমানি (?)] অনেকৱিহিতানি দিট্ঠিগতানি লোকে উপ্পজ্জন্তি – সস্সতো লোকোতি ৱা, অসস্সতো লোকোতি ৱা…পে… নেৱ হোতি ন ন হোতি তথাগতো পৰং মৰণাতি ৱা’’তি. পঠমং.

২. ৱেদনাঅঞ্ঞাণসুত্তং

৬০৮. সাৱত্থিনিদানং. একমন্তং নিসিন্নো খো ৱচ্ছগোত্তো পৰিব্বাজকো ভগৱন্তং এতদৱোচ – ‘‘কো নু খো, ভো গোতম, হেতু, কো পচ্চযো, যানিমানি অনেকৱিহিতানি দিট্ঠিগতানি লোকে উপ্পজ্জন্তি – সস্সতো লোকোতি ৱা, অসস্সতো লোকোতি ৱা…পে… নেৱ হোতি ন ন হোতি তথাগতো পৰং মৰণাতি ৱা’’তি? ‘‘ৱেদনায খো, ৱচ্ছ, অঞ্ঞাণা, ৱেদনাসমুদযে অঞ্ঞাণা, ৱেদনানিৰোধে অঞ্ঞাণা, ৱেদনানিৰোধগামিনিযা পটিপদায অঞ্ঞাণা; এৱমিমানি অনেকৱিহিতানি দিট্ঠিগতানি লোকে উপ্পজ্জন্তি – সস্সতো লোকোতি ৱা, অসস্সতো লোকোতি ৱা…পে… নেৱ হোতি ন ন হোতি তথাগতো পৰং মৰণাতি ৱাতি. অযং খো, ৱচ্ছ, হেতু, অযং পচ্চযো, যানিমানি অনেকৱিহিতানি দিট্ঠিগতানি লোকে উপ্পজ্জন্তি – সস্সতো লোকোতি ৱা, অসস্সতো লোকোতি ৱা…পে… নেৱ হোতি ন ন হোতি তথাগতো পৰং মৰণাতি ৱা’’তি. দুতিযং.

৩. সঞ্ঞাঅঞ্ঞাণসুত্তং

৬০৯. সাৱত্থিনিদানং. একমন্তং নিসিন্নো খো ৱচ্ছগোত্তো পৰিব্বাজকো ভগৱন্তং এতদৱোচ – ‘‘কো নু খো, ভো গোতম, হেতু, কো পচ্চযো, যানিমানি অনেকৱিহিতানি দিট্ঠিগতানি লোকে উপ্পজ্জন্তি – সস্সতো লোকোতি ৱা, অসস্সতো লোকোতি ৱা…পে… নেৱ হোতি ন ন হোতি তথাগতো পৰং মৰণাতি ৱা’’তি? ‘‘সঞ্ঞায খো, ৱচ্ছ, অঞ্ঞাণা, সঞ্ঞাসমুদযে অঞ্ঞাণা, সঞ্ঞানিৰোধে অঞ্ঞাণা, সঞ্ঞানিৰোধগামিনিযা পটিপদায অঞ্ঞাণা; এৱমিমানি অনেকৱিহিতানি দিট্ঠিগতানি লোকে উপ্পজ্জন্তি – সস্সতো লোকোতি ৱা, অসস্সতো লোকোতি ৱা…পে… নেৱ হোতি ন ন হোতি তথাগতো পৰং মৰণাতি ৱাতি. অযং খো, ৱচ্ছ, হেতু, অযং পচ্চযো, যানিমানি অনেকৱিহিতানি দিট্ঠিগতানি লোকে উপ্পজ্জন্তি – সস্সতো লোকোতি ৱা, অসস্সতো লোকোতি ৱা…পে… নেৱ হোতি ন ন হোতি তথাগতো পৰং মৰণাতি ৱা’’তি. ততিযং.

৪. সঙ্খাৰঅঞ্ঞাণসুত্তং

৬১০. সাৱত্থিনিদানং. একমন্তং নিসিন্নো খো ৱচ্ছগোত্তো পৰিব্বাজকো ভগৱন্তং এতদৱোচ – ‘‘কো নু খো, ভো গোতম, হেতু, কো পচ্চযো, যানিমানি অনেকৱিহিতানি দিট্ঠিগতানি লোকে উপ্পজ্জন্তি – সস্সতো লোকোতি ৱা, অসস্সতো লোকোতি ৱা…পে… নেৱ হোতি ন ন হোতি তথাগতো পৰং মৰণাতি ৱা’’তি? ‘‘সঙ্খাৰেসু খো, ৱচ্ছ, অঞ্ঞাণা, সঙ্খাৰসমুদযে অঞ্ঞাণা, সঙ্খাৰনিৰোধে অঞ্ঞাণা, সঙ্খাৰনিৰোধগামিনিযা পটিপদায অঞ্ঞাণা; এৱমিমানি অনেকৱিহিতানি দিট্ঠিগতানি লোকে উপ্পজ্জন্তি – সস্সতো লোকোতি ৱা, অসস্সতো লোকোতি ৱা…পে… নেৱ হোতি ন ন হোতি তথাগতো পৰং মৰণাতি ৱাতি. অযং খো, ৱচ্ছ, হেতু, অযং পচ্চযো, যানিমানি অনেকৱিহিতানি দিট্ঠিগতানি লোকে উপ্পজ্জন্তি – সস্সতো লোকোতি ৱা, অসস্সতো লোকোতি ৱা…পে… নেৱ হোতি ন ন হোতি তথাগতো পৰং মৰণাতি ৱা’’তি. চতুত্থং.

৫. ৱিঞ্ঞাণঅঞ্ঞাণসুত্তং

৬১১. সাৱত্থিনিদানং. একমন্তং নিসিন্নো খো ৱচ্ছগোত্তো পৰিব্বাজকো ভগৱন্তং এতদৱোচ – ‘‘কো নু খো, ভো গোতম, হেতু, কো পচ্চযো, যানিমানি অনেকৱিহিতানি দিট্ঠিগতানি লোকে উপ্পজ্জন্তি – সস্সতো লোকোতি ৱা, অসস্সতো লোকোতি ৱা …পে… নেৱ হোতি ন ন হোতি তথাগতো পৰং মৰণাতি ৱা’’তি? ‘‘ৱিঞ্ঞাণে খো, ৱচ্ছ, অঞ্ঞাণা, ৱিঞ্ঞাণসমুদযে অঞ্ঞাণা, ৱিঞ্ঞাণনিৰোধে অঞ্ঞাণা, ৱিঞ্ঞাণনিৰোধগামিনিযা পটিপদায অঞ্ঞাণা; এৱমিমানি অনেকৱিহিতানি দিট্ঠিগতানি লোকে উপ্পজ্জন্তি – সস্সতো লোকোতি ৱা, অসস্সতো লোকোতি ৱা…পে… নেৱ হোতি ন ন হোতি তথাগতো পৰং মৰণাতি ৱাতি. অযং খো, ৱচ্ছ, হেতু, অযং পচ্চযো, যানিমানি অনেকৱিহিতানি দিট্ঠিগতানি লোকে উপ্পজ্জন্তি – সস্সতো লোকোতি ৱা, অসস্সতো লোকোতি ৱা…পে… নেৱ হোতি ন ন হোতি তথাগতো পৰং মৰণাতি ৱা’’তি. পঞ্চমং.

৬-১০. ৰূপঅদস্সনাদিসুত্তপঞ্চকং

৬১২-৬১৬. সাৱত্থিনিদানং. একমন্তং নিসিন্নো খো ৱচ্ছগোত্তো পৰিব্বাজকো ভগৱন্তং এতদৱোচ – ‘‘কো নু খো, ভো গোতম, হেতু, কো পচ্চযো, যানিমানি অনেকৱিহিতানি দিট্ঠিগতানি লোকে উপ্পজ্জন্তি – সস্সতো লোকোতি ৱা, অসস্সতো লোকোতি ৱা…পে… নেৱ হোতি ন ন হোতি তথাগতো পৰং মৰণাতি ৱা’’তি? ৰূপে খো, ৱচ্ছ, অদস্সনা…পে… ৰূপনিৰোধগামিনিযা পটিপদায অদস্সনা…পে… ৱেদনায … সঞ্ঞায … সঙ্খাৰেসু খো, ৱচ্ছ, অদস্সনা…পে… ৱিঞ্ঞাণে খো, ৱচ্ছ, অদস্সনা…পে… ৱিঞ্ঞাণনিৰোধগামিনিযা পটিপদায অদস্সনা…পে…. দসমং.

১১-১৫. ৰূপঅনভিসমযাদিসুত্তপঞ্চকং

৬১৭-৬২১. সাৱত্থিনিদানং. ৰূপে খো, ৱচ্ছ, অনভিসমযা…পে… ৰূপনিৰোধগামিনিযা পটিপদায অনভিসমযা…পে….

সাৱত্থিনিদানং. ৱেদনায খো, ৱচ্ছ, অনভিসমযা…পে….

সাৱত্থিনিদানং. সঞ্ঞায খো, ৱচ্ছ, অনভিসমযা…পে….

সাৱত্থিনিদানং. সঙ্খাৰেসু খো, ৱচ্ছ, অনভিসমযা…পে….

সাৱত্থিনিদানং. ৱিঞ্ঞাণে খো, ৱচ্ছ, অনভিসমযা…পে…. পন্নৰসমং.

১৬-২০. ৰূপঅননুবোধাদিসুত্তপঞ্চকং

৬২২-৬২৬. সাৱত্থিনিদানং. একমন্তং নিসিন্নো খো ৱচ্ছগোত্তো পৰিব্বাজকো ভগৱন্তং এতদৱোচ – কো নু খো, ভো গোতম, হেতু, কো পচ্চযো…পে… ৰূপে খো, ৱচ্ছ, অননুবোধা…পে… ৰূপনিৰোধগামিনিযা পটিপদায অননুবোধা…পে….

সাৱত্থিনিদানং. ৱেদনায খো, ৱচ্ছ…পে….

সাৱত্থিনিদানং. সঞ্ঞায খো, ৱচ্ছ…পে….

সাৱত্থিনিদানং. সঙ্খাৰেসু খো, ৱচ্ছ…পে….

সাৱত্থিনিদানং. ৱিঞ্ঞাণে খো, ৱচ্ছ অননুবোধা…পে… ৱিঞ্ঞাণনিৰোধগামিনিযা পটিপদায অননুবোধা. ৱীসতিমং.

২১-২৫. ৰূপঅপ্পটিৱেধাদিসুত্তপঞ্চকং

৬২৭-৬৩১. সাৱত্থিনিদানং. কো নু খো, ভো গোতম, হেতু, কো পচ্চযো…পে…. ৰূপে খো, ৱচ্ছ, অপ্পটিৱেধা…পে… ৱিঞ্ঞাণে খো, ৱচ্ছ, অপ্পটিৱেধা…পে…. পঞ্চৱীসতিমং.

২৬-৩০. ৰূপঅসল্লক্খণাদিসুত্তপঞ্চকং

৬৩২-৬৩৬. সাৱত্থিনিদানং. ৰূপে খো, ৱচ্ছ, অসল্লক্খণা…পে… ৱিঞ্ঞাণে খো, ৱচ্ছ, অসল্লক্খণা…পে…. তিংসতিমং.

৩১-৩৫. ৰূপঅনুপলক্খণাদিসুত্তপঞ্চকং

৬৩৭-৬৪১. সাৱত্থিনিদানং. ৰূপে খো, ৱচ্ছ, অনুপলক্খণা…পে… ৱিঞ্ঞাণে খো, ৱচ্ছ, অনুপলক্খণা…পে…. পঞ্চতিংসতিমং.

৩৬-৪০. ৰূপঅপ্পচ্চুপলক্খণাদিসুত্তপঞ্চকং

৬৪২-৬৪৬. সাৱত্থিনিদানং. ৰূপে খো, ৱচ্ছ, অপ্পচ্চুপলক্খণা…পে… ৱিঞ্ঞাণে খো, ৱচ্ছ, অপ্পচ্চুপলক্খণা…পে…. চত্তালীসমং.

৪১-৪৫. ৰূপঅসমপেক্খণাদিসুত্তপঞ্চকং

৬৪৭-৬৫১. সাৱত্থিনিদানং. ৰূপে খো, ৱচ্ছ, অসমপেক্খণা…পে… ৱিঞ্ঞাণে খো, ৱচ্ছ, অসমপেক্খণা…পে…. পঞ্চচত্তালীসমং.

৪৬-৫০. ৰূপঅপ্পচ্চুপেক্খণাদিসুত্তপঞ্চকং

৬৫২-৬৫৬. সাৱত্থিনিদানং. ৰূপে খো, ৱচ্ছ, অপ্পচ্চুপেক্খণা…পে… ৱিঞ্ঞাণে খো, ৱচ্ছ, অপ্পচ্চুপেক্খণা…পে…. পঞ্ঞাসমং.

৫১-৫৪. ৰূপঅপ্পচ্চক্খকম্মাদিসুত্তচতুক্কং

৬৫৭-৬৬০. সাৱত্থিনিদানং. অথ খো ৱচ্ছগোত্তো পৰিব্বাজকো যেন ভগৱা তেনুপসঙ্কমি; উপসঙ্কমিত্ৱা ভগৱতা সদ্ধিং সম্মোদি. সম্মোদনীযং কথং সাৰণীযং ৱীতিসাৰেত্ৱা একমন্তং নিসীদি. একমন্তং নিসিন্নো খো ৱচ্ছগোত্তো পৰিব্বাজকো ভগৱন্তং এতদৱোচ – ‘‘কো নু খো, ভো গোতম, হেতু, কো পচ্চযো, যানিমানি অনেকৱিহিতানি দিট্ঠিগতানি লোকে উপ্পজ্জন্তি – সস্সতো লোকোতি ৱা…পে… নেৱ হোতি ন ন হোতি তথাগতো পৰং মৰণাতি ৱা’’তি? ৰূপে খো, ৱচ্ছ, অপ্পচ্চক্খকম্মা, ৰূপসমুদযে অপ্পচ্চক্খকম্মা, ৰূপনিৰোধে অপ্পচ্চক্খকম্মা, ৰূপনিৰোধগামিনিযা পটিপদায অপ্পচ্চক্খকম্মা…পে….

সাৱত্থিনিদানং. ৱেদনায খো, ৱচ্ছ, অপ্পচ্চক্খকম্মা…পে… ৱেদনানিৰোধগামিনিযা পটিপদায অপ্পচ্চক্খকম্মা…পে….

সাৱত্থিনিদানং. সঞ্ঞায খো, ৱচ্ছ, অপ্পচ্চক্খকম্মা…পে… সঞ্ঞানিৰোধগামিনিযা পটিপদায অপ্পচ্চক্খকম্মা…পে….

সাৱত্থিনিদানং. সঙ্খাৰেসু খো, ৱচ্ছ, অপ্পচ্চক্খকম্মা…পে… সঙ্খাৰনিৰোধগামিনিযা পটিপদায অপ্পচ্চক্খকম্মা…পে…. চতুপঞ্ঞাসমং.

৫৫. ৱিঞ্ঞাণঅপ্পচ্চক্খকম্মসুত্তং

৬৬১. সাৱত্থিনিদানং. ‘‘ৱিঞ্ঞাণে খো, ৱচ্ছ, অপ্পচ্চক্খকম্মা, ৱিঞ্ঞাণসমুদযে অপ্পচ্চক্খকম্মা, ৱিঞ্ঞাণনিৰোধে অপ্পচ্চক্খকম্মা, ৱিঞ্ঞাণনিৰোধগামিনিযা পটিপদায অপ্পচ্চক্খকম্মা; এৱমিমানি অনেকৱিহিতানি দিট্ঠিগতানি লোকে উপ্পজ্জন্তি – সস্সতো লোকোতি ৱা, অসস্সতো লোকোতি ৱা…পে… নেৱ হোতি ন ন হোতি তথাগতো পৰং মৰণাতি ৱাতি. অযং খো, ৱচ্ছ, হেতু, অযং পচ্চযো, যানিমানি অনেকৱিহিতানি দিট্ঠিগতানি লোকে উপ্পজ্জন্তি – সস্সতো লোকোতি ৱা, অসস্সতো লোকোতি ৱা, অন্তৱা লোকোতি ৱা, অনন্তৱা লোকোতি ৱা, তং জীৱং তং সৰীৰন্তি ৱা, অঞ্ঞং জীৱং অঞ্ঞং সৰীৰন্তি ৱা, হোতি তথাগতো পৰং মৰণাতি ৱা, ন হোতি তথাগতো পৰং মৰণাতি ৱা, হোতি চ ন চ হোতি তথাগতো পৰং মৰণাতি ৱা, নেৱ হোতি ন ন হোতি তথাগতো পৰং মৰণাতি ৱা’’তি. পঞ্চপঞ্ঞাসমং.

ৱচ্ছগোত্তসংযুত্তং সমত্তং.