৩. পূতিমুখপেতৱত্থু

৭. ‘‘দিব্বং সুভং ধাৰেসি ৱণ্ণধাতুং, ৱেহাযসং তিট্ঠসি অন্তলিক্খে;

মুখঞ্চ তে কিমযো পূতিগন্ধং, খাদন্তি কিং কম্মমকাসি পুব্বে’’.

৮. ‘‘সমণো অহং পাপোতিদুট্ঠৱাচো [পাপো দুট্ঠৱাচো (সী.), পাপো দুক্খৱাচো (স্যা. পী.)], তপস্সিৰূপো মুখসা অসঞ্ঞতো;

লদ্ধা চ মে তপসা ৱণ্ণধাতু, মুখঞ্চ মে পেসুণিযেন পূতি.

৯. ‘‘তযিদং তযা নাৰদ সামং দিট্ঠং,

অনুকম্পকা যে কুসলা ৱদেয্যুং;

‘মা পেসুণং মা চ মুসা অভাণি,

যক্খো তুৱং হোহিসি কামকামী’’’তি.

পূতিমুখপেতৱত্থু ততিযং.