৭. কম্মকথা

২৩৪. অহোসি কম্মং, অহোসি কম্মৱিপাকো. অহোসি কম্মং, নাহোসি কম্মৱিপাকো. অহোসি কম্মং, অত্থি কম্মৱিপাকো. অহোসি কম্মং, নত্থি কম্মৱিপাকো. অহোসি কম্মং, ভৱিস্সতি কম্মৱিপাকো. অহোসি কম্মং, ন ভৱিস্সতি কম্মৱিপাকো. [অতীতকম্মং]

অত্থি কম্মং, অত্থি কম্মৱিপাকো. অত্থি কম্মং, নত্থি কম্মৱিপাকো. অত্থি কম্মং, ভৱিস্সতি কম্মৱিপাকো. অত্থি কম্মং, ন ভৱিস্সতি কম্মৱিপাকো. [পচ্চুপ্পন্নকম্মং]

ভৱিস্সতি কম্মং, ভৱিস্সতি কম্মৱিপাকো. ভৱিস্সতি কম্মং, ন ভৱিস্সতি কম্মৱিপাকো. [অনাগতকম্মং]

২৩৫. অহোসি কুসলং কম্মং, অহোসি কুসলস্স কম্মস্স ৱিপাকো. অহোসি কুসলং কম্মং, নাহোসি কুসলস্স কম্মস্স ৱিপাকো. অহোসি কুসলং কম্মং, অত্থি কুসলস্স কম্মস্স ৱিপাকো. অহোসি কুসলং কম্মং, নত্থি কুসলস্স কম্মস্স ৱিপাকো. অহোসি কুসলং কম্মং, ভৱিস্সতি কুসলস্স কম্মস্স ৱিপাকো. অহোসি কুসলং কম্মং, ন ভৱিস্সতি কুসলস্স কম্মস্স ৱিপাকো.

অত্থি কুসলং কম্মং, অত্থি কুসলস্স কম্মস্স ৱিপাকো. অত্থি কুসলং কম্মং, নত্থি কুসলস্স কম্মস্স ৱিপাকো. অত্থি কুসলং কম্মং, ভৱিস্সতি কুসলস্স কম্মস্স ৱিপাকো. অত্থি কুসলং কম্মং, ন ভৱিস্সতি কুসলস্স কম্মস্স ৱিপাকো.

ভৱিস্সতি কুসলং কম্মং, ভৱিস্সতি কুসলস্স কম্মস্স ৱিপাকো. ভৱিস্সতি কুসলং কম্মং, ন ভৱিস্সতি কুসলস্স কম্মস্স ৱিপাকো.

অহোসি অকুসলং কম্মং, অহোসি অকুসলস্স কম্মস্স ৱিপাকো. অহোসি অকুসলং কম্মং, নাহোসি অকুসলস্স কম্মস্স ৱিপাকো. অহোসি অকুসলং কম্মং, অত্থি অকুসলস্স কম্মস্স ৱিপাকো. অহোসি অকুসলং কম্মং, নত্থি অকুসলস্স কম্মস্স ৱিপাকো. অহোসি অকুসলং কম্মং, ভৱিস্সতি অকুসলস্স কম্মস্স ৱিপাকো. অহোসি অকুসলং কম্মং, ন ভৱিস্সতি অকুসলস্স কম্মস্স ৱিপাকো.

অত্থি অকুসলং কম্মং, অত্থি অকুসলস্স কম্মস্স ৱিপাকো. অত্থি অকুসলং কম্মং, নত্থি অকুসলস্স কম্মস্স ৱিপাকো. অত্থি অকুসলং কম্মং, ভৱিস্সতি অকুসলস্স কম্মস্স ৱিপাকো. অত্থি অকুসলং কম্মং, ন ভৱিস্সতি অকুসলস্স কম্মস্স ৱিপাকো.

ভৱিস্সতি অকুসলং কম্মং, ভৱিস্সতি অকুসলস্স কম্মস্স ৱিপাকো. ভৱিস্সতি অকুসলং কম্মং, ন ভৱিস্সতি অকুসলস্স কম্মস্স ৱিপাকো.

অহোসি সাৱজ্জং কম্মং…পে… অহোসি অনৱজ্জং কম্মং…পে… অহোসি কণ্হং কম্মং…পে… অহোসি সুক্কং কম্মং…পে… অহোসি সুখুদ্ৰযং কম্মং…পে… অহোসি দুক্খুদ্ৰযং কম্মং…পে… অহোসি সুখৱিপাকং কম্মং…পে… অহোসি দুক্খৱিপাকং কম্মং, অহোসি দুক্খৱিপাকস্স কম্মস্স ৱিপাকো. অহোসি দুক্খৱিপাকং কম্মং, নাহোসি দুক্খৱিপাকস্স কম্মস্স ৱিপাকো. অহোসি দুক্খৱিপাকং কম্মং, অত্থি দুক্খৱিপাকস্স কম্মস্স ৱিপাকো. অহোসি দুক্খৱিপাকং কম্মং, নত্থি দুক্খৱিপাকস্স কম্মস্স ৱিপাকো. অহোসি দুক্খৱিপাকং কম্মং, ভৱিস্সতি দুক্খৱিপাকস্স কম্মস্স ৱিপাকো. অহোসি দুক্খৱিপাকং কম্মং, ন ভৱিস্সতি দুক্খৱিপাকস্স কম্মস্স ৱিপাকো.

অত্থি দুক্খৱিপাকং কম্মং, অত্থি দুক্খৱিপাকস্স কম্মস্স ৱিপাকো. অত্থি দুক্খৱিপাকং কম্মং, নত্থি দুক্খৱিপাকস্স কম্মস্স ৱিপাকো. অত্থি দুক্খৱিপাকং কম্মং, ভৱিস্সতি দুক্খৱিপাকস্স কম্মস্স ৱিপাকো. অত্থি দুক্খৱিপাকং কম্মং, ন ভৱিস্সতি দুক্খৱিপাকস্স কম্মস্স ৱিপাকো.

ভৱিস্সতি দুক্খৱিপাকং কম্মং, ভৱিস্সতি দুক্খৱিপাকস্স কম্মস্স ৱিপাকো. ভৱিস্সতি দুক্খৱিপাকং কম্মং, ন ভৱিস্সতি দুক্খৱিপাকস্স কম্মস্স ৱিপাকোতি.

কম্মকথা নিট্ঠিতা.