২. দসসিক্খাপদং

১. পাণাতিপাতা ৱেৰমণী-সিক্খাপদং [ৱেৰমণীসিক্খাপদং (সী. স্যা.)] সমাদিযামি.

২. অদিন্নাদানা ৱেৰমণী-সিক্খাপদং সমাদিযামি.

৩. অব্ৰহ্মচৰিযা ৱেৰমণী-সিক্খাপদং সমাদিযামি.

৪. মুসাৱাদা ৱেৰমণী-সিক্খাপদং সমাদিযামি.

৫. সুৰামেৰযমজ্জপমাদট্ঠানা ৱেৰমণী-সিক্খাপদং সমাদিযামি.

৬. ৱিকালভোজনা ৱেৰমণী-সিক্খাপদং সমাদিযামি.

৭. নচ্চ-গীত-ৱাদিত-ৱিসূকদস্সনা ৱেৰমণী-সিক্খাপদং সমাদিযামি.

৮. মালা-গন্ধ-ৱিলেপন-ধাৰণ-মণ্ডন-ৱিভূসনট্ঠানা ৱেৰমণী-সিক্খাপদং সমাদিযামি.

৯. উচ্চাসযন-মহাসযনা ৱেৰমণী-সিক্খাপদং সমাদিযামি.

১০. জাতৰূপ-ৰজতপটিগ্গহণা ৱেৰমণী-সিক্খাপদং সমাদিযামি.

দসসিক্খাপদং [দসসিক্খাপদং নিট্ঠিতং (স্যা.)] নিট্ঠিতং.